البوجيهات بايظة (مرطبة من التخزين الخاطئ)
عرض للطباعة
انا كنت سالت على العيب فى تاخير الدوارة والعربيه بارده وبعد ما عملت كل اللى قولتلقو عليه شكيت فى نضافه الرشاشات فقلت اجرب قبل ما اروح لحد ويفتيلى فيها
فاشتريت منظف انجكتورز اس تى بى ب 17 جنيه وحطيته فى التانك وقرصت على الماتور جامد وتانى يوم بجرب والعربيه بارده والحمدلله اختفت المشكله ودارت من اول مره
العيب ماكنش على بالى والحل لقيته سهل ورخيص انا ماكنتش بقطنع بالاضافات دى واى صنايعى تساله يؤلق ده اى كلام بس فعلا مهمه العلبه دى مكتوب عليها تتضاف كل 3000 ك
انهردة اتأكدت من وجيه اباظة غمرة ان طقم الكاتينة سير و بليتين بقى ب 482 جم قبل الضريبة بدل 600-650 جم مبروك علينا.
لو حد جرب مساعدين مونرو او kyb يريت يفيدنا
[QUOTE=MuhamedNabil;3875056384]انهردة اتأكدت من وجيه اباظة غمرة ان طقم الكاتينة سير و بليتين بقى ب 482 جم قبل الضريبة بدل 600-650 جم مبروك علينا.
لو حد جرب مساعدين مونرو او kyb يريت يفيدنا
طقم الكاتينه ده ينفع لل c4?
انا مغير طقم الكاتينه في شهر 3 ب 750 جنيه من الحرفيين هما رخصوا ولو رخصوا ايه السبب؟
لما ال 301 نزلت نزلوا سعر طقم الكاتينة بتعها ل 482 جم و الطقم ده هو هو بتاع 307 و c4 فخلوا الاتنين سعر واحد غالبا بدل مالناس تروح تحور عليهم و تشترى طقم 301 و تركبه 307.
و لحد دلوقتى فى ناس بتبيع الطقم ب 650-600 جم عشان كده انا قولت الكلام هنا عشان الحيغير قريب كحلاتى يستفيد بفرق السعر.
غيرت مساعدين اصلي امامي ب 1100
وبطاحتين ب 300
أنا جبت كبوت سي4 جديد تايواني أحلي من الألومنيوم الأصلي ب 600
الفانوس أمامي ديبو تايواني من غير لمبات بالموتور 600
الصدر الفيبر بتاع المروحة 275
كله من عين شمس
العربية سي4 موديل 2006
السلام عليكم
احب أشارك فى الموضوع المفيد ده
أنا من الإسكندرية ودخلت عائلة الستروين من شهرين ب ال c4 2007 أوتو ، لما اشترتها كان الايرباج ضارب
- اشتريت سيستم الايرباج استيراد من محل فى ش صلاح الدين ب ٢٠٠٠ جنيه عبارة عن كبسولة الدركسيون بالبلونة والمفجر + الايرباج الثانية فى التبلوه أمام الراكب + كارتة الكمبيوتر (bcm) اللى تحت عصاية الفتيس ، اعتقد ان السعر معقول جداً لان الطقم ده فى التوكيل سعره حوالي عشرة آلاف جنيه بس لم اركبهم عشان مستنى أجيب حزمة الأمان
- ايضآ اشتريت منه طقم جنوط سبور ١٦ الاصلى بتعها بالكاوتش بحالة الجديد تماماً بالأخص الكاوتش جودير فرنسى
مقاس 205/55/16 مكنش يتساب ، دفعت فرق ٣٠٠٠ جنيه بين الجنوط الحديد والكاوتش بتاعى المتهالك
- ولقيت عنده الكتلوجات بالشنطة الأصلية اشتريتهم ب ٢٥٠ جنيه حيث أن الشنطة دى كانت ضائعة من المالك الاول
موضوع آخر ممكن يكون مفيد
وهو عند تغير زيت الفتيس الميكانيكى حط ٤ لتر بس بعد كده الفتيس انقلب حاله وبإختصار عرفت ان فى حاجة غلط فذهبت التوكيل وأول ما فتحت الموضوع المهندس كان عارف المشكلة لانها متكررة وهى ان كان لابد عمل خطوة مهمة جدآ بعد ملئ الزيت كان يجب تشغيل الموتور لمدة ربع ساعة حتى تصل الحرارة إلى ٩٠ وأثناء التشغيل يتم فتح طبة الفتيس الثانية اللى تحت وتركها تنزل الزيت الزائد والهواء أيضاً ( نزل حوالي نصف لتر ) وعندما يتوقف نزول الزيت تماماً نقفل الطبة والموتور ، وفعلا بعدها كله بقى تمام
تحياتي للجميع
كنت عايز اشترى موبينه حد اشتراها يا ريت اعرف منين وبكام والاصليه نوعها ايه ساجيم ولا فاليو وصناعتها
بعد العربيه ما سخنت اخر مرة للاسف لقيت الموتور بيرتل ومابتدورش من اول مرة فقلت البوجيهات غيرتها مافيش فايده كنت فى الحرفيين روحت للعسكرى غير الموبينه باخرى من عنده وماتحلتش المشكله قاس كبس الموتور كل غرفه لوحدها عن طريق عداد ضغط زى بتاع الكاوتش بيوصله بخرطوم ويربطه قلاووظ مكان كل بوجيه على حده ويدور ويشوف العداد هايوصل فين المهم الغرفه 1 سجلت 8 و2 6 وكان في صوت غريب و 3سجلت 6 والصوت موجود و4 سجلت 8 فقالى الغرفتين اللى فى النص مفوتين على بعض وده وش سلندر وهو سبب الاعراض طب ايه الحل قاللى هانعمل الاتى
جوان وش ب 250
خراط ب300
زيت للغسيل 75
مصنعيه 500
المهم طبعا حلقتله وقولت طالما الموضوع كده لازم اتاكد سالت ايهاب جلال فى التليفون عملى فيلم وقاللى هتاخد 3 ايام والجوان ب 250 والمصنعيه من 400 الى 450
قولت اما اروح لفريد شوقى قابلت بيسو اخوه وركب الجهاز ولقى الموبينه والبوجيهات تمام وقاللى هو الوش مش منتهى يعنى ممكن تقضيها بيه دلوقتى فقولتله لا انا هاعمله فقالى الجوان ب 200
والمصنعيه ب 200 قولتله امين حل يا ريس لقينا الجوان وهو طبقتين معدن واحده منهم ما بين الغرفتين اللى فى النص مفتوحين على بعض والوش سليم ركب الجديد وحط زيت غسيل ب 75 وغيرت بالمرة سير الكاتينه والبليه الثابته بس التانيه كانت تمام الاتنين ب 400 الاصلى وبعد كل ده العربيه رجعت زى الالف والسحب اتحسن والدنيا تمام
اسف على الرغى ده كله بس الخلاصه العسكرى حراميه بس حلل العيب صح بقياس كبس الموتور
ايهاب جلال بارد جدا وبيعمل افلام وغالى فى المصنعيه وماعندوش غير صنايعى واحد واتم جدا
فريد شوقى الصنايعيه عنده كويسين بس محللش العيب بكبس الموتور انا اللى قلتله وكان عايزنى امشى بيها كد
الخلاصه لازم فى العيوب الكبيرة تسمع كذا حد وتحلل الموضوع بنفسك وماتمشيش ورا الصنايعيه وربنا يستر علينا فى الغش والهرتله اللى احنا فيها
السلام عليكم أخوتي الكرام
جزاكم الله خيراً كثيراً على فكره الموضوع وعلى المشاركه الجميله من الجميع
شكرا لكم جميعاً فلقد أفتوني جداً
إن شاء الله مقبل على شراء ستروين c4
فى البدايه كل الشكر لكل من ساهم فى هذا الموضوع لانى بجد عرفت معلومات قيمه عن العزيزه c4 وبالمناسبه انا عندى c4 موديل 2005
كنت عايز رايكم عندى مشكله فى التكيف وبعد الكشف لاقيت العيب فى الكويل الى مطلوب يتغير امير وجوزيف طلب 5000 جنيه ثمن الكويل بخلاف مصنعيه التركيب
حد عنده فكره ممكن اشترى الكويل ده من مكان ارخص ولو فيه حد متخصص فى موضوع اصلاح التكيف ياريت تفيدونى
ولكم جزيل الشكر
mmken tel7emo , hwa gwah talaga betetle7em 3ade bas hatshof 7ad yetala3halak we ba3deen tel7emha zay ay 3arabya mate2la2she
aw tefok el coil we tetela3 el talaga ele gwah we te3'ayarha mesh hat3ade 500 bas
seibak men kalam el nas eel ba2olak 3alih hwa elsa7 ya te3'ayar el talaga ele gwa ele heya 3amla zay elsarabanteina
bas as3'ar aw tel7emha aw tegeib ay no3 tany shabaha
es2al 7ad 7'ebra hay2olak we eleila kolaha mesh hat3ade 1000 aw 500 law la7amtaha la2anaha 3eib shaye3 we law gebtaha bardo hatboz tany
الف شكر على ردكم لكن لو تعرف حد متخصص ممكن يعمل المطلوب بلغنى بيه ولكم جزيل الشكر
عايز قربة مياه
حد عارف بكام
السلام عليكم
بجد تحياتى لكل المشاركين هنا على المنتدى ودى تقريبا اول مشاركة ليه
حابب اشترى عربية جديده ستروين سى 4 ودى مواصفاتها
سيتروين/c4/اتوماتيك).موديل2006لون فضى ميتالك."فرش كالزيرو".جميع الكماليات اتوماتيك.ستب ترونك.مثبت سرعة.تحكم بالطارة.تكيف تاتش2وحدة.كاسيتcd.فوج لايت.اشارات بالمرايات.سبويلر.صيانات منتظمه عداد120000كم."الاستبن لم يستخدم.رخصة سنة.كاوتش جديد.تم تلميع الجانبين.(السيارة فابريقة بحالة نادرة).سعر الكاش80000جنيه
هل السعر كويس ، وبالنسبة لقطع الغيار وتوفرها وسعرها بالمقارنه بعربيات تانى زى السيراتو او النترا ؟
اعلى ولا اقل ولا متقارب
ياريت تفيدونى