قطع غيار c4 وبدائلها واسعارها
يا جماعه انا لقيت كل الناس اللى مشتركين فى عربيه واحده عاملين الموضوع ده الا اصحاب السى فور (لماذا الفرقة الحمقاء تحكمنا) طب ليه مانعملوش ولا كلنا مستعدين نجيب قطعة الغيار من عز العرب عادى ارجو للناس اللى مهتمه تشارك اللى جاب قطعة غيار اصليه او لا يكتب منين وبكام واللى ركب قطعه بديله من عربيه تانيه يقول علشان نستفيد كلنا وانا هابدا بنفسى
كان الدينامو عندى باظ ومش نافع يتصلح فلقيت الحلول كالاتى
اجيبه جديد ب 2400 وده صعب حاليا
اجيبه استيراد ب 1500 وده صعب بردو
لقيت بالصدفه واحد فى عزبة شلبى بتاع دينامو ومارش لقيت عنده بتاع البيجو 406 بيخرج نفس الامبير وركبته واشتغل تمام بكام ب 500 جنيه بس فممكن اللى قابله موقف مشابه يشاركنا معاه
أنا كانت عندي مشكله ان المروحه بتاعه الرادياتير شغاله علي السرعه الغالين بس اتحطت علي
أنا كانت عندي مشكله ان المروحه بتاعه الرادياتير شغاله علي السرعه الغالين بس اتحطت علي الجهاز وظهرت ان في مشكله في السرعه الاولي وبعد السؤال عرفت ان في مقاومه هي اللي بتحدد انهي سرعه حسب درجه الحرارة فسالت عليها لقيت كله بيقول ٢٥٠ فجئتها من نافع في شارع دمشق ب ٢١٠ وغيرتها بنفسي هي مكانها رحم شويه بس تمام ركبت والحمدلله السرعه الاولي اشتغلت
عربيتى سى4 كوبيه كانت باكته الباب الشمال عندى مش موجوده
انا عربيتى سى4 كوبيه كانت باكته الباب الشمال عندى مش موجوده اشترتها من اسحف اسكندر فى التوفيقيه ب 300 واشترين منه فلتر بنزين مان اللى هو المعدن اسبانى ب 50 وكان فيه البوش اسبانى بردو ب 45 بس انا بحب كل الفلاتر تكون مان
غيرت التيل امامى والطنابير
من فترة بسمع تصفير فى الفرامل اللى قدام مع ان التيل فاليو ولسه محمل بس الطنابير فيها ريجه فقلت اغيرهم
سالت فى السوق على الاخيار ناس كتير شكرتلى فى الرود هاوس تيل وطنابير فقلت اجربه
اشتؤيته من واحد معرفه بس هو بيتباع عند فادى اسحق فى التوفيقيه التيل ب 240 والطنابير ب 390 وركبتهم النهارده ب 50 مصنعيه والطنابير اللى خارجه فيها ريجه بس ممكن تتمسح والتيل لسه محمل كتير قوى لو حد محتاجهم ممكن ابيعهمله وبعد تجربه الجديد مافيش صفارة بس لسه بدرى على الحكم عليهم