لو هاتشترى نيو الينترا احترس!!!!

**Hacker5** · 19-01-2012 01:08 PM

مابقتش تفرق دلوقتى خلاص زيرو من مستعمل
لما كنت فى الحرفيين من فترة قريبة شوفت عربيات سيراتو زيرو عليها الاستيكر الابيض و جاية ترش حوض
و لانسر زيرو جايه تغير سقف
و عربية كيا ريو مقلوبة و جاية تتظبط و تترش و ترجع للمعرض تانى و اللى هايشتريها هايشربها
خلاص الزيرو و المستعمل بقوا متساويين للاسف
مع ان ممكن تلاقى عربية مستعملة فبريكة و عربية زيرو فى معرض مرشوشة و مش هاتتعرف انها مرشوشة

**HOSSAM99** · 20-01-2012 12:49 AM

المشاركة الأصلية كتبت بواسطة khaled ayman

انا اشتريت من التوكيل
والعربيه طلعت راشه اكصدام و رفرف و الخبطه مسمعه فى الصدر !!وعادى
وبشوف فى التوكيل(منصور) عربيات عليها الورق الابيض بتترش ..
يا راجل مره روحت المعرض بتاعهم لقيت فيكترا(ايام ما كانت بتنزل) عاملين حته فى الاكصدام بقلم بويه ..والله كنت هاكلهم بالقلم
ومره تانيه لقيت استرا (الجديده) معروضه ...و راشه اكصدام !!!!!!!!!!!!!

دا أيه التوكيل المفتري ده دا غبور ما بيعملهاش؟؟

**wannaganna** · 21-01-2012 09:10 AM

حسبى الله ونعم الوكيل.................مشكلتنا بقيت مشكلة ضمير....ومراقبة النفس بقت معدومة :(

**loayegypt** · 22-01-2012 04:31 AM

حسبنا الله ونعم الوكيل فى معدومى الضمير ....... الحل بعد كده تسافر بنفسك تشتريها من أوروبا أو من بلدها

**hashad14** · 02-03-2012 08:39 PM

يا جماعه اقسم بالله انا شوفت العربيات الزيرو الكارينز وهى بتتمعجن وتترش فى الحرفيين وكل مره اعدى على الراجل الاقى عند كل اسبوع من عربيه الى اتنين زيرو بيصلحوا لحد مخفت من العربيه الكارينز والزيرو عموما حرام اشترى عربيه زيرو مرشوشه وفى منها خبطات جامده ومفوريين العربيه بالكامل حسبى الله ونعم الوكيل فى الناس ديه

**mmbader** · 03-03-2012 10:57 AM

انا كمان شفت ورشة صغيرة فى مددينة نصر اكثر من مرة اعدى عليها القى كيا سيراتو بالورق بتاعها ولم ترخص وكفر الجنزط ومفكوك منها اما اكصدام او بترش بابا او رفرف وكنت مستغرب اقوى وعمرى ما فكرت ان ممكن تتباع على انها زيرو حسبى الله ونعم الوكيل ده كده المستعمل افضل لانك هتكشف علية فى اى بنزينة اما الزيرو لو طلبت تكشف عليه بتاع المعرض هيضحك عليك ويقولك ده زير يا باشا

**ahmed_mido1889** · 03-03-2012 04:05 PM

امبارح وانا في الحرفيين كان في النترا 2012 لونها احمر مقلوبه علي سقفها ولسه بالورق الابيض والشنطه مخبوطه

ولسه معلهاش نمر
حاولت القط رقم الشاسيه او الفين كود بتاعه بس معرفتش

**esam_ayad** · 03-03-2012 08:40 PM

ياجماعه دا وارد انه يحصل بدون سبب معين ,والواحد المفروض يدقق كويس في السياره اللي هايشتريها ويعمل تشك عليها بالكامل قبل مايستلمها,وأصلا لو في ضمير عند البياعين كان الموضوع ولا هايفرق كتير بس مافيش ضمير عند بعض منهم