مافيش غير حل واحد
نبعت نجيب من بره و نشوف التكلفه كام و نروح نركبوا لكل اعضاء القسم الراغبين في تركيبه
و طبعا اهم حاجه ال Strut Bar
ده الاساسي و الي عايز يركب دعامه تانيه يطلب
مافيش غير حل واحد
نبعت نجيب من بره و نشوف التكلفه كام و نروح نركبوا لكل اعضاء القسم الراغبين في تركيبه
و طبعا اهم حاجه ال Strut Bar
ده الاساسي و الي عايز يركب دعامه تانيه يطلب
ده لو جه من بره مصيبة لان وزنه تقيل
وليه يتجاب من بره !!
tps gragh
عنده ولو مش عنده بيبعت هو ويجيبه من بره .. وعنده الانواع المشهورة
ultra racing
http://www.nileup.com//uploads/image...2cc9c016ef.jpg
شغال اهوا و ميه ميه
السؤال ممكن نعمل واحد عموله عن خراط او شئ من ذلك القبيل
كان عندي فضووووول من زمآآن عشان اعرف فايده القطع دي لاني شفتها في كذا عربيه ..
والشرح وآآفي مآشآء الله ( :
اولا شكرا لأحمد باشا ع كلامه الجميل
و للأسف انا لسه شايف الموضوع ده حاليا بالرغم مرور اكتر من سنة
لكن تحت امركم اي استفسار عن البارات اتفضلوا و ان شاء الله ارد عليها
لو سمحت لو عاوز أركب كل البارات دي
ايه مدي الخطورة عالسيارة
وهل لاقدر الله في حالة إذا كان مطب كبير مثلا او اي سبب ممكن يحصل انثناء في الشاسيه ؟؟؟
ثاني حاجة ياريت تقولنا مدى الفائدة لو انت جربته مثلا او حد تعرفه جربه
أخيرااااااا : اماكن التركيب وهل موجود هذه القطع للنيسان
متابع
البارات ملهاش خطورة بالعكس البارات ديه مهمتها تمسك الشاسيه و بدن العربية و تعمل كدعم و في نفس الوقت بتخلي العفشة تقوم بدورها بشكل كامل و تزود ثبات العربية في المناورات
لو خدت مطب جامد او فتحة جامدة اوي هنا مهمة البار انه يمسك الشاسيه عشان ميحصلوش حاجة و في حالات نادرة ممكن البار يتكسر لكن حافظت ع الشاسية
الفائدة لأني جربت عربيات كتيير مركبة البارات بما فيهم السيراتو و كلنا عارفين السيراتو و الثبات
طبعا التأثير هيكون ملحوظ بمجرد ما تتحرك بالعربية هتحس كأن العربية متمسمرة في الارض في الملفات و المناورات العربية ماسكة نفسها لأن انت زي ما تقول عملت اعادة توزيع لوزن العربية و بالتالي ع سبيل المثال لما بتيجي تلف يمين العربية بتحس كأنها بترمي شمال و الوزن بيضغط في نفس الاتجاه هنا البارات ديه بتعمل توازن فتلاقي العربية ماسكة نفسها حتي في اصعب الملفات ع سرعات و معانا ناس جربوا بنفسهم و شافوا نتيجة كلامي في الملفات و المناورات ع الطريق
يعني من الاخر الفائدة زي مقولت فوق مش محافظة ع بدن العربية سواء بمرور الوقت او في حالة لا قدر الله الحوادث او المطبات فقط لكن كمان بتخلي العفشة تقوم بدورها بشكل صحيح بدون تأثير ع البدن و بتعمل ع زيادة ثبات العربية في المناورات و الملفات
اماكن التركيب tps في الحرفيين و ارابكوم و مكانيين تانيين بس بصراحة مش متذكر اسمهم حاليا لكن tps اشهرهم في التركيب
بخصوص توافر القطع ممكن تسأل في tps بس اعتقادي ان غالبا القطع المتوافرة من البارات هي البارات الامامية فقط و احتمال بار او اتنين خلفي
يابشمهندس عمرو
ازادك الله من علمه
رد شافي وكافي
جزاك الله خيرااااا
بس انا مستغرب حبتين
يعني مثلا بالطريقة دي بيحل جزء كبير من مشاكل السيارات
يعني مثلا لو انا عاوز اشتري عربية للاستعمال الطبيعي ولنفرض العربية مثلا صني
طب ماهو اجيب فيرنا واعمل شوية التعديلات دي وساعتها استفاد من فرق السعر
والاثنين موتورهم وتسارعهم جيد
وهيكون الامان بتاعهم جيد مش بتكلم على وسائل الامان الاخرى مثل الفرامل والايرباج ....الخ
ده مجرد مثل
انا متشكر جدا لذوقك يا باشا و بعتذر مرة تانية لأن فعلا ديه اول مرة اشوف الموضوع و تحت امركم في اي اسئلة عن البارات
كلام غير صحيح و الا كان زمان عربيات السباق اتفرتكت من الطيران اللي بيعمله البارات ديه مهمتها تدعم الشاسيه و البدن لكن في نفس الوقت بتتعمل من مادة خفيفة و هي الالومنيوم مش حديد عشان في حالة مطب جامد او حادثة هي ممكن تتكسر لكن تحافظ ع الشاسيه و البدن بقدر الامكان
بالعكس ده و اساسا لو حبيته تفكها و تبيعها لوحدها بيعها لأن فيه ناس كتيير مش فاهمين ايه دي و فيه ناس ممكن تفتكر انك عامل كده يقولك شاب و مبهدل العربية و هم مش فاهمين و انت عارف الفتي اللي بنشوفه لكن انت ممكن تفهمه وظيفتهم ايه
tps في الحرفيين
عربيات الرالي اللي بتكلم عليها بيخف الوزن عشان يجمع اسرع هو محتاج وزن خفيف و قوة و ثبات بالاضافة لتركيب قفص بجانب الدعامات فلازم يخف القطع الغير ضرورية او استبدالها بخامة اخف لكن الدعامات كلها ع بعضها لو طقم كامل زي الجين توو هيكون كام كيلو ؟؟ 5-10 ك لنها الومنيوم مش حديد و مفرغة من جوة و ليها سمك محدد
مش ده اللي يأثر و خاصة انك مش هتدخل سباقات انت عايزها عشان تحافظ ع البدن و تزود الثبات
و بما انك جبت سيرة الـ128 اللي بيركبوا بارات ليها مش عشان الكلام اللي بتقوله خالص التركيب عشان العربية اساسا تعبت فبيركب عشان يمسكها و فيه اللي بيركبها منظرة و مش فاهم ايه فايدتها و طبعا بيركبوا العمولة اللي احيانا بتكون ملهاش لازمة اكتر من شكل و بتكسر من اي حاجة
بالظبط يا باشا حضرتك اتكلمت كلام جميل و ده بيوضح مدي فائدتها لكن لازم نعرف اننا مش هنقارن بعربيات السباقات لأن التعديل اللي بيعمله كما شرح في الرد السابق و طبعا زي ما حضرتك شرحت
فعلا tps بيستورده بناءا ع طلبك لو غير متوافر و ع ما اتذكر فيه عنده بارات عمولة ارخص من الترا ريسنج
ممكن يتعمل عمولة و بيتباع عمولة و بسعر ارخص من الجاهز لكن المشكلة انه محتاج خامة نضيفة و ليها مقاسات معينة و شكل معين حسب العربية و بالتالي شرائه جاهز أفضل و خاصة ماركة زي الترا ريسنج لأنه عارف ايه اللي يناسب عربيتك