ما هو العمر الافتراضى للديسك والاسطوانة فى اللانوس؟؟

**elrasy** · 28-05-2008 03:19 AM

العمر الافتراضى للديسك والاسطوانة تقريبا اد اية (يعنى بعد كام الف كيلو ممكن تفكر فيهم)؟؟؟

**MMamdouh** · 28-05-2008 09:56 AM

ملهمش عمر افتراضى.. حسب الاستخدام

MMamdouh

**ENG\AHMED** · 28-05-2008 11:40 AM

العربية فى الاول والاخر اسنخدام , انا بعت عربية مازدا كانت ساعتها عاملة 214000 كم ومفيش فيها حاجة اتفكت وكنش فى اى مشاكل فى الدبرياج وبتجرى وبتشد وبتقفل عدادها ومفيش مشاكل

**Ahmad Allawy** · 28-05-2008 11:44 AM

انا عربيتي كانت مع شاب و بعده بنت.. اخوات..
بعد 130 الف كم.. طلبت تغيير..
انا متوقع انه ده كله من ال3 سنين اللي البنت ساقتها فيهم..
عشان السواقة الغلط هي اللي بتجيب اخرها..

**Shiref_mohamed** · 28-05-2008 11:52 AM

فعلا يا جماعة الأستعمال هو الى بيفرق ومش بس الدسك والأسطوانه ده في العربية كلها انا معايا عمى معاه لانسر بطة 92 العربية ديه لغاية دلوقتى مغيرتش اى حاجه خالص حتى تيل الفرامل اتغير مرة واحده بس مع انه بيركبها يومياً واول ما اشترى لانسر 2008 وادى لأبنه الـ93 وكان لسه بيتعلم السواقه راحد جايبه منه كل حاجه مش دسك واسطوانه وبس يعني بإختصال الأستعمال الصحيح للحاجة وعدم الجرى والأمركة والشد بيطول العمر انما الطحن والإستعمال الخاطئ بيبوظ اى حاجه

**knightmido** · 29-05-2008 10:06 PM

هل فعلا اسطوانة الدبرياج بتتأثر بالإستخدام ... اقصد الضغط على الدبرياج مع الأول فترة ... ممكن لو حد ساكن فى الهرم او فيص يحس بالموضوع ده جدا ممكن من اكتر من 30 دقيقة والعربية على الغيار الأول ومتتحركش الا دورانالعجلة بس وتوقف من الزحمة ... وهل فيه حل للموضوع ده ... غير تغييرالسكن ؟

**ihabyossef** · 30-05-2008 02:40 PM

على فكرة الديسك والاسطوانة تعتمد على الاستخدام بمعنى لو انت واقف فى اشارة ايه الداعى انك تفضل على الاول و دايس دبرياج كل دة حمل على الاسطوانة والدسك والبلية
انا معايا 128 موديل 1974 وغيرت اسطوانة مرتين بس من وهى على الزيرو وماشيه زى الفل
المهم طريقة السواقة ونفس الطريقة دى انا ماشى بيها فى اللانوس والحمد لله كله تمام