الموضوع: ما هى الآثار السلبية للجنوط السبور على العفشة ؟

المشاركة الأصلية كتبت بواسطة y2y1500

1- المقاس اللى نازلة بيه العربية من المصنع ايا كان للجنط او الكاوتش هو انسب حاجة للعربية وده بعد اختبارات لا حصر لها تمت قبل بدء الانتاج

مع الاخذ فى الاعتبار ان عربيات كتير بتنزل بكذا مقاس حسب السوق و التجهيزات فا مش قاعدة ان المقاس اللى نازلة بيه عربيتك هو الاصح و الباقى غلط او اقل صحة

2- المحافظة على نفس المقاسات للجنط والكاوتشات مهم جداااااا ولو عاوز تغير احدهما لازم تغير التانى بما يتناسب معاه عشان فى الاخر تحافظ على المحيط الخارجى للاطار مع الجنط هو نفسه ويكون مناسب لتجويف العجلات ومقاسات العربية وقراءة العدادات وغيرها يعنى تكبير الجنط بيكون على حساب النعومة فى المطبات والاحساس بالطريق لقلة ارتفاع الكاوتش low profile

3- الانتاج .. طبعا بتفرق من بلد للتانية واكيد الاصلى لا يعلى عليه حتى لو كانت تصميماته مش حلوة زى الصينى وطبعا السعر وجودة التصنيع بتفرق

فية ماركات محترمة زى مومو و او زى و بى بى اس دى ماركات عالمية و صناعتها تفوق الجنوط الاصلية بمراحل

4- الوزن .. وزن الجنوط عامة بيكون اخف من الحديد العادى وان كان فيه العكس يعنى على حسب وكلما كانت الاوزان متقاربة كان افضل عشان اتزان العربية ككل والتحكم على الطريق والامان

فى الغالب بيبقى الجنط السبور اخف خصوصا لو بنتكلم فى نفس المقاس... و كقاعدة عامة لازم تجيب جنط يكون خفيف لان كل ما كان الوزن الغير منبوض منخفض كل ما زادت كفائة عفشة العربية و اتحسن الثبات بتاع العربية

المشكلة ان غالبا كل ما وزن الجنط خف كل ما دة اثر على متانتة... عشان كدة بتلاقى الجنوط الصينى بربع جنية ووزنها خفيف جدا... دى مع اول مطب حلو هتتفلق اتنين... انا شوفت مناظر مرعبة عند الثلاثية بتاع تصليح الجنوط فى الحرفيين لما فرجنى على جنوط صينى مكسرة... تفريبا الجنط بيتفرتك كما لو انه معمول من البسكويت

الماركات العالمية اللى ذكرتها قبل كدة بتبقى فعلا خفيفة بس متينة جدا... بس المشكلة ان سعرها مكلف جدا جدا... الحل الامثل هو ان الواحد يجيب جنط اندونيسى او تايوانى عشان يبقى جامد شوية عن الصينى و برضة مش تقيل اوى و فى نفس الوقت سعرة مناسب

MMamdouh