السلام عليكم
بالنسبة للسويفت متفكرش فيها حضرتك، لأن أمامك البدائل الأفضل بكثير. طبعا دائما أنصح السادة الأفاضل باقتناء الموديلات الأوروبي وذلك لكفاءة محركاتها ومتانة الهياكل وارتفاع معدلات الأمان فيها مع العلم بأن المفرض صيانتها عند فني متخصص فاهم في الموديل عشان العربية تفضل سليمة معاك، وبالنسبة لمن يقول إن قطع الغيار الأوروبي أغلى من الكوري والياباني أنا معاك وكلامك صح بس بتعيش أضعاف الكوري والياباني فلو حسبت الاستخدام والاستهلاك خلال السنة تلاقي إن الأوروبي موفر أكثر وده عن تجارب وليس تجربة. أنصح حضرتك بالتفكير في:
1- سكودا فيليشيا وش أوكتافيا موديلات 99-2000 مثلا، موتور 1300 انجكشن تكييف وباور، موتور محترم ثبات في السرعات صاج متين نسبيا كفاءة موتور عالية لو سليم، يفضل صيانتها دائما عند متخصص سكودا، قطع غيارها معقولة.
2- رينو كليو أوائل الألفينات عربية محترمة ثبات على الطريق رائع توفير ملحوظ في الوقود عالية في المطبات قطع غيارها كويسة ومش غالية زي ناس مافاكرة، الصيانات عند متخصص رينو شنطة مهولة وصالون مناسب.
3- أونو الألفينات لو استخدامك بسيط وعاوز حاجة ناعمة وخفيفة
وبرضه لو بتفكر في المدرسة الشرقي ممكن تتجه للأكسنت تلاقي منها باور وتكييف وبصراحة عربية كويسة وناعمة وسهلة الصيانة بس خفيفة في السرعات ومنخفضة على الأرض.
أرجو أكون أفدتك
المفضلات