عايز استفسر منكوا يا جماعه علي موضوع السفر للخارج

**Kazzaz** · 18-01-2012 11:45 AM

انا بقالي كثير مش بدخل المنتدي و لكن قلت ان لو عايز مساعده مش هلاقيها غير هنا. المهم ...

انا مهندس معماري خبرتي سنه و شويه كده و انا دلوقتي عندي فرصه اني اسافر الامارات ( العين بالتحديد ) بس مش عارف المفروض الواحد يسافر علي كام و هل العين مدينه كويسه ولا لا ياختصار مش عارف اي حاجه هو مش شركه كبيره ولا حاجه هو انا رايح علي مكتب استشارات هندسيه و عديت من اول مقابله و المفروض المقابله التانيه بحدد فيها المرتب و النظام ( اللي انا مش عارفه اصلا ) فلو ممكن حد يساعدني يقولي المفروض اطلب مبلغ في حدود ايه ؟ و ايه اللي اخد بالي منه ؟

**ahmedfoud** · 25-01-2012 02:39 AM

تاخد بالك كويس من انك تعمل عقد متوثق من هناك و توثقه هنا و متسافرش ابدا ابدا الا لما يجيلك العقد ده و يكون مده العقد سنه واحده فقط قابله للتجديد بموافقتك انت و اهم حاجه العقد يكون مذكور فيه الراتب و بدل السكن و وسيله الانتقال و انت عشان خبرتك سنه واحده مش هتعرف تتشرط و تقول عايز سياره موديل كذا بس اطلب تكون معاك سياره خاصه بالنسبه للراتب في العين معرفش بس راتبك لو في السعوديه يبتدي من 3500 ريال مش اقل من كده ممكن اكتر + بدل سكن 3 شهور + سياره جديده .. يا ريت تبقي تحكيلي تفاصيل اكتر و انا هفيدك ان شاء الله , بس اوعي اوعي تتنازل عن الكلام الي قلتهولك حرفيا
اخوك / احمد فوده

**Ahmed Selim** · 25-01-2012 08:53 AM

غالباً فى الإمارات هيكون الوضع مختلف عن ما ذكره الأستاذ احمد فودة

هنا هيديك مرتب و انت تتصرف السكن و كل حاجة تانية ما عدا العربية

يعنى لو عاوز سكن أوضة و صالة هتتكلم فى حدود ٢٥٠٠ في الشهر...... تزيد شوية او تقل شوية

مصاريفك تفرق لو عازب عن متزوج و عيلتك معاك و لا لأ

لو انت عازب متتكلمش فى اقل من ٥٠٠٠ بدون العربية والسكن علشان تعرف تحوش

و اسأل كمان على بنزين العربية على مين لأن البنزين هنا غالي ب ١.٧٢ للتر و انت شغلك هيكون لف على مواقع يعنى هتدفع كتير في البنزين

يا ريت تقول تفاصيل اكتر عن نفسك زى متزوج ولا عازب مرتبك فى مصر كام الخ علشان نعرف نساعد اكتر.......حتى لو علي الخاص
اعمل حسابك برضه علي فاتورة موبايل في الشهر في حدود ٤٠٠ لأن طول ما انت برة المكتب هيكون شغلك بالتليفون

و يا ريت تقول اسم الشركة و هحاول اعرفلك من صديق ليا اذا كانت شركة صغيرة ولا كبيرة