سير الكاتينه اتقطع معايا فى السيينا

السلام عليكم و رحمة الله و بركاته
كنت ماشى فى امان الله
لاقيت واحد بن حلال قالى عربيتك فايقه اوى عن بتاعتى
بعدها بساعتين لاقيت العربية بطلت ووقفت اعدت ادور و ازق
و دى كانت غلطتى
نصيحة لو العربية وقفت ما تدورش و سيبها و بص الاول على سير الكاتينه
روحت لميكانيكى قالى الحمد لله دارت بعد ما غيرت و ركبت سير تانى
بس فى صوت تكتكة فى الموتور قالى فيه صبابات اتعوجت و هى ممكن تتطبع
و العربية مش بتحسب
كنت على التانى بجيب 50 و التالت ممكن 80 و بحس ان فيه سحب
ممكن حد يقولى اعمل ايه علشان زعلان عليها اوى بجد
العربية كانت تحفة و عاجبانى اوى
الحمد لله على كل حال
العربية سيينا 2002 1600

قدر الله وما شاء فعل
العربيه دي وهي فايقه بجد عليها سحبه تتحسد عربيه تحفه
سير الكاتينه من اهم واخطر الحاجات في العربيه ولاااااازم يتغير يأما في معاده او قبلها عشان تبقى في الامان
معرفش صحة المعلومه ان الصباب لما يتعوج بيطبع بس على حد علمي الصبابات بتتغير وللاسف غاليه
بس لو حاسس ان السحب بيتحسن بالوقت يبقى المعلومه دي صحيحه

نصيحه غير الصبابات و لازم تاخد بالك قوي من سير الكاتينه ده لانو مهم جدا و احمد ربنا انها جات على صبابات مش نصف عمره و على فكره السير بيتغير كل 40 الف كيلو بس بما ان الانواع اللي في مصر كلها مضروبه ف انا بغيره كل 25 او ب الكتير قوي 30 الف و ده ل ضمان الامان

لازم يفتح وشوف خلوصات الصبابت الي بايظ يتغير والي بسيطه وممكن يتظبط بروديه يتظبط

اقتباس:

---

المشاركة الأصلية كتبت بواسطة yoko

لازم يفتح وشوف خلوصات الصبابت الي بايظ يتغير والي بسيطه وممكن يتظبط بروديه يتظبط

---

+1

ربنا معاك ... وربنا يسترها من سير الكاتينه ... ومن عيون الناس

شكرا على الردود
فتحت المكنة و طلع حاجات جميله اوى بس الحمد لله
بستم و صبابات و شمبر
بس السؤال اللى محيرنى و ياريت الاقى اجابة
العربية هترجع زى الاول ولا هتبقى اقل
و شكرا

اقتباس:

---

المشاركة الأصلية كتبت بواسطة tarek00

شكرا على الردود
فتحت المكنة و طلع حاجات جميله اوى بس الحمد لله
بستم و صبابات و شمبر
بس السؤال اللى محيرنى و ياريت الاقى اجابة
العربية هترجع زى الاول ولا هتبقى اقل
و شكرا

---

لو الي شغال فيها بيفهم في مواتير فيات هيرجعها أحسن من الأول

كده حتدخل في عمرة وش.
صبابات و دليل صباب.و إنت بتقول بساتم وشنابر وجوان وش.
لسه حاصله مع زميل في الشغل معاه نوبيرا.
جاب وش كامل و كبر دماغه.

باذن الله هابدا شغل فيها بكرة و ان شاء هاكتب اسعار الحاجات اللى ركبت و العربية عاملة معايا ايه بعدها و باذن الله تفيد الجميع و شكرا على الردود

اقتباس:

---

المشاركة الأصلية كتبت بواسطة tarek00

باذن الله هابدا شغل فيها بكرة و ان شاء هاكتب اسعار الحاجات اللى ركبت و العربية عاملة معايا ايه بعدها و باذن الله تفيد الجميع و شكرا على الردود

---

قدر الله وما شاء فعل

معلش الحمد لله انها جت على اد كده

طيب لو الجزء العلوى من الموتور بايظ عندك هاته استيرات وركبه وخلاص

وخلى بالك الموتور كله تقريبا اقل من 3000 بحاجته من غير فتيس
يعنى لو الموضوع حيفتح وعاوز عمره غيره وخلاص

على فكره وش السلندر ب 600 جنيه استيراد بس ده لل 1400

اقتباس:

---

المشاركة الأصلية كتبت بواسطة misoalex

قدر الله وما شاء فعل

معلش الحمد لله انها جت على اد كده

طيب لو الجزء العلوى من الموتور بايظ عندك هاته استيرات وركبه وخلاص

وخلى بالك الموتور كله تقريبا اقل من 3000 بحاجته من غير فتيس
يعنى لو الموضوع حيفتح وعاوز عمره غيره وخلاص

---

الأسعار دي و الوش اللي 600 ده ال 1400 كامة واحدة
ال1600 2 كامة نادر جدا انك تلاقيه....أنا عطرت في واحد في اسكندرية كان وحيد و كان ب 5000 انت و حظك بقى دور كويس بس ...

اقتباس:

---

المشاركة الأصلية كتبت بواسطة karimalaa

الأسعار دي و الوش اللي 600 ده ال 1400 كامة واحدة
ال1600 2 كامة نادر جدا انك تلاقيه....أنا عطرت في واحد في اسكندرية كان وحيد و كان ب 5000 انت و حظك بقى دور كويس بس ...

---

5000 ولا 500

لما الوش ب 5000 الموتور كله على بعضه بكام ؟؟ !!

ده لو الموتور اغلى من 3000 يبقى الموتور ال 1400 افضل بقى وعلى الاقل قطع غياره هى هى الشاهين

لا حول ولا قوة الا بالله
ربنا يسترها معاك ومعانا وان شاء الله ترجع زي الاول

ان شاء الله ترجع زى الاول واحسن بس هات قطع غيار اصليه

السلام عليكم
شكرا على الردود
بس اتصدمت لما للقيت الميكانيكى كاتبلى كشف بـــ1850 جنيه ولسه
اجيب مكنه جديدة ولا اكمل معاه
و شكرا

اقتباس:

---

المشاركة الأصلية كتبت بواسطة tarek00

السلام عليكم
شكرا على الردود
بس اتصدمت لما للقيت الميكانيكى كاتبلى كشف بـــ1850 جنيه ولسه
اجيب مكنه جديدة ولا اكمل معاه
و شكرا

---

انا لو مكانك اجيب مكنه استيراد

1850 ده غير لسه الله اعلم عاوزه ايه تانى ده غير مصنعيات مكانيكى وخراط حتدخل فى 500 جنيه

والعمره اصلا متوقفه على شطاره المكانيكى والخراط لانهم لو مش اد كده يبقى العربيه مش حترجع زى الاول

انا بقولك مكنه استيراد لانك حتاخودها على التجربه لو فيها حاجه ترجع تانى لكن العمره لو فيها حاجه انت اللى حتتحمل التكلفه

ممكن تجيب مكنه استيراد من غير ادوات التغزيه والحساسات وكده ودى حتفرق معاك جامد فى السعر ولو تقدر تجيبها كامله والفرق فى السعر بسيط هاتها وخلى حاجه المكنه القديمه عندك حتنفع كقطع غيار

معلش قدر الله ماشاء فعل ,,
الموضوع ده حصل معايا في العربية بيترا ,,, 1600 ,, و الميكانيكيه قالولي الموضوع بسيط ,, و كتبولي لسته زي اللى معاك و لفيت و جبتها ,, و عينك ما تشوف الا النور ,,, ميكاننيكي يبركب الحاجو والعربية مبتتصلحش ,, و بقيت داير بيها على الكل و الكل طبعا بيفتى,,, لحد لما ربنا هداني و رحت مركز ,,, قالى يا نجيب وش سلندر و نعمل عمره ,,, يا نجيب واحد استيردا,,
انا قلت انا مش هصرف في حاجة و لاقدر الله ممكن متبقاش زي الاول فقررت اجيب واحد استيراد,,
الراجل جابلى واحد 1600 , 2 كامة طبعا ب 3000 جنية بس الكلام ده من سنه و نص و ماشي الحال الحمد لله ,,
النصيحة متسلمش رقبتك لا ميكانيكي,, حتي لو فاهم ,,, بيجي في النص و تلاقيه بيفتي ,,, و خصوصا ان ده موتور..
بالتوفيق انشاء الله

اقتباس:

---

المشاركة الأصلية كتبت بواسطة eng_ghazaly

معلش قدر الله ماشاء فعل ,,
الموضوع ده حصل معايا في العربية بيترا ,,, 1600 ,, و الميكانيكيه قالولي الموضوع بسيط ,, و كتبولي لسته زي اللى معاك و لفيت و جبتها ,, و عينك ما تشوف الا النور ,,, ميكاننيكي يبركب الحاجو والعربية مبتتصلحش ,, و بقيت داير بيها على الكل و الكل طبعا بيفتى,,, لحد لما ربنا هداني و رحت مركز ,,, قالى يا نجيب وش سلندر و نعمل عمره ,,, يا نجيب واحد استيردا,,
انا قلت انا مش هصرف في حاجة و لاقدر الله ممكن متبقاش زي الاول فقررت اجيب واحد استيراد,,
الراجل جابلى واحد 1600 , 2 كامة طبعا ب 3000 جنية بس الكلام ده من سنه و نص و ماشي الحال الحمد لله ,,
النصيحة متسلمش رقبتك لا ميكانيكي,, حتي لو فاهم ,,, بيجي في النص و تلاقيه بيفتي ,,, و خصوصا ان ده موتور..
بالتوفيق إن شاء الله

---

مهو ده اللى انا بقوله عن تجربه فى موضوع المكانيكيه والمواتير

الاول يعملك من البحر طحينه عشان تقوله خلاص اتكل على الله واشتغل وهو فعلا حيشتغل بس حيشتغل الزبون مش حيشتغل فى العربيه

ولما فى الاخر العربيه متدورش او تدور بس فيها مشكله يقولك العيب فى الحاجه اللى انت جايبها او العيب فى حاجه تانيه فى الموتور ملوش دعوه بالشغل اللى عملناه

عشان كده بقول موتور استيراد لانه لو طلع فيه حاجه حينفع انه يرجع
وكويس انك قولت سعره عشان انا كنت فاكر انه اكتر من كده بس انت جبته كامل ولا ناقص حجات ب 3000 جنيه

اقتباس:

---

المشاركة الأصلية كتبت بواسطة misoalex

مهو ده اللى انا بقوله عن تجربه فى موضوع المكانيكيه والمواتير

الاول يعملك من البحر طحينه عشان تقوله خلاص اتكل على الله واشتغل وهو فعلا حيشتغل بس حيشتغل الزبون مش حيشتغل فى العربيه

ولما فى الاخر العربيه متدورش او تدور بس فيها مشكله يقولك العيب فى الحاجه اللى انت جايبها او العيب فى حاجه تانيه فى الموتور ملوش دعوه بالشغل اللى عملناه

عشان كده بقول موتور استيراد لانه لو طلع فيه حاجه حينفع انه يرجع
وكويس انك قولت سعره عشان انا كنت فاكر انه اكتر من كده بس انت جبته كامل ولا ناقص حجات ب 3000 جنيه

---

لا ده موتور بس ,,,

اقتباس:

---

المشاركة الأصلية كتبت بواسطة misoalex

5000 ولا 500

لما الوش ب 5000 الموتور كله على بعضه بكام ؟؟ !!

ده لو الموتور اغلى من 3000 يبقى الموتور ال 1400 افضل بقى وعلى الاقل قطع غياره هى هى الشاهين

---

ده الموتور كله طبعا!

اقتباس:

---

المشاركة الأصلية كتبت بواسطة eng_ghazaly

لا ده موتور بس ,,,

---

انا اقصد كامل بالحساسات وكده ولا بلوك ووش سلندر بس

اقتباس:

---

المشاركة الأصلية كتبت بواسطة karimalaa

ده الموتور كله طبعا!

---

اه كده مبلوعه 5000 فى الموتور

كل يوم بتأكد ان 90% من تجار الاستيراد عندنا فى اسكندريه نصابين :_Alshmokh11:

هات واحد استيراد واخلص والله

السلام عليكم و رحمه الله و بركاته
شكرا بجد اوى على النصايح بتاعكوا
امبارح نزلت المنصورة و الحمد لله اشتريت موتور 1600 بدون الفتيس عمل 2500
شامل الحساسات و الكمبروسر عندى سؤال بقا
الحاجات بتاع الموتور القديم تتباع بكام
ولا اعمل فيها ايه
و ادعو ربنا يتممها على خير
كل واحد يقابلنى و الله العظيم يعد يقولى السيينا
و شكرا جزيلا و ربنا يستر

اقتباس:

---

المشاركة الأصلية كتبت بواسطة tarek00

السلام عليكم و رحمه الله و بركاته
شكرا بجد اوى على النصايح بتاعكوا
امبارح نزلت المنصورة و الحمد لله اشتريت موتور 1600 بدون الفتيس عمل 2500
شامل الحساسات و الكمبروسر عندى سؤال بقا
الحاجات بتاع الموتور القديم تتباع بكام
ولا اعمل فيها ايه
و ادعو ربنا يتممها على خير
كل واحد يقابلنى و الله العظيم يعد يقولى السيينا
و شكرا جزيلا و ربنا يستر

---

بس السؤال العربية ترجع باذن الله زى الاول بعد الموتور الاستيراد؟

اقتباس:

---

المشاركة الأصلية كتبت بواسطة tarek00

السلام عليكم و رحمه الله و بركاته
شكرا بجد اوى على النصايح بتاعكوا
امبارح نزلت المنصورة و الحمد لله اشتريت موتور 1600 بدون الفتيس عمل 2500
شامل الحساسات و الكمبروسر عندى سؤال بقا
الحاجات بتاع الموتور القديم تتباع بكام
ولا اعمل فيها ايه
و ادعو ربنا يتممها على خير
كل واحد يقابلنى و الله العظيم يعد يقولى السيينا
و شكرا جزيلا و ربنا يستر

---

2500 سعر كويس جدا جدا ممكن تقوللى بعد ازنك جبته من مين فى المنصوره بالظبط
ولقيته بسهوله ولا تعبت عبال موصلت لموتور 1600
على فكره انا معايا سيينا زى بتاعتك وبسمع كلام يزعل على قطع غيارها مش عارف ليه مع انها العربيه منتشره جدا

بس انت مكملتش كلامك كل واحد يقابلك يقولك على السيينا ايه

وعلى فكره العربيه بعد الموتور الستيراد لو الموتور اللى انت جايبه كويس حترجع احسن من الاول بجد

والموتور القديم بيتباع عادى بس الافضل حتخلع منه كل الحساسات والطلمبه والحاجات السليمه واخليها عندك خطع غيار لانها حتوفرلك اكتر من تمنها كتييييير لو بعتها
وباقى الموتور البلوك والحجات دى بيعها لبتاع الخرده او فيه ناس معينه بتاخده تفككه وتبيعه اجزاء وحيجيبلك 200 الى 400 جنيه مثلا

بصراحه ماعرفش العنوان بالظبط بس هو قريب من مرور المنصورة
و فيه ميكانيكى فى المحلة اسمه ايمن الشوحة دا محترم اوى و امين جدا و اثق فيه اوى هو اللى على مكان الراجل دا و روحنا هناك دخلت مخزن مواتير استيراد كل انواع الفيات و البيترا اوكتافيا و بى ام
و كان فيه ناس بتشترى باسعار خياليه بس لما اتكلم مع ايمن ربنا سترها فى السعر ولقيته نزل جامد
و كان فيه هناك نص سيينا كامل بالموتور و كل حاجة بس قال دى برازيلى .......
اما بقا بخصوص انى مكملتش كلامى على السيينا ...... الناس الفقر اللى بيطلعوا زتون اسود من جوا
كل شويه يسئلوا السيينا فين السيينا فين عايزين يرجعوا يفقروا فيها تانى
ربنا يسترها معانا يارب

اقتباس:

---

المشاركة الأصلية كتبت بواسطة tarek00

بصراحه ماعرفش العنوان بالظبط بس هو قريب من مرور المنصورة
و فيه ميكانيكى فى المحلة اسمه ايمن الشوحة دا محترم اوى و امين جدا و اثق فيه اوى هو اللى على مكان الراجل دا و روحنا هناك دخلت مخزن مواتير استيراد كل انواع الفيات و البيترا اوكتافيا و بى ام
و كان فيه ناس بتشترى باسعار خياليه بس لما اتكلم مع ايمن ربنا سترها فى السعر ولقيته نزل جامد
و كان فيه هناك نص سيينا كامل بالموتور و كل حاجة بس قال دى برازيلى .......
اما بقا بخصوص انى مكملتش كلامى على السيينا ...... الناس الفقر اللى بيطلعوا زتون اسود من جوا
كل شويه يسئلوا السيينا فين السيينا فين عايزين يرجعوا يفقروا فيها تانى
ربنا يسترها معانا يارب

---

معلش هى العين بتعمل اكتر من كده الحمد لله

وان شاء الله العربيه ترجع احسن من الاول وابقى طمنا عملت ايه وابقى ادخل معانا رابطه اصحاب السيينا حتستفاد كتير

http://www.nilemotors.net/Nile/65734-a-45.html

ياريت يا باشا لو عرفت مكان او عنوان الراجل بتاع الاستيراد اللى عنده الموتور او حتى رقم تليفونه

ياريت تقولنا على اى معلومه عنه

معلش ياباشا دى عين تفلق الحجر
احمد ربنا انها جت على قد كدة
انا اعرف ان سير التقسيمة لما يتقطع بتجيب صبابات
امرك لله غيرها عشان العربية ترجع تانى لحالتها وماتنساش تكتب الكيلو بعد كدة لما تغير السير لان السيو ليها عمر افتراضى

السلام عليكم
معلش اتاخرت عليكم لانى كنت مشغول جدا مع الهدية اللى ربنا بعتهالى ياسين
الحمد لله بعد ما غيرت الموتور العربية بقت جميله و احسن من الاول الحمد لله
بس واحد كهربائى او بتاع الراديتير و هو بيظبط الساعه بتاع الراديتير كسر الفبر اللى حوالين الساعه
رحت لكذا واحد كله بيفتى واحد يقولى عليه
و التانى يقولى راديتير جديد المهم باذن الله هاركب راديتير جديد بس عايز اعرف سعره كام جديد و لو استعمال خارج يكون سعره كام و اى واحد فيهم احسن
اللى انا اشتريت منه المكنه اسمه بيت الشاهين المنصورة الحسينية ش سور المحطة 01225762829 اسمه محمد على ورده
و شكرا للجميع و عذرا على التاخير

يعنى الفبره اللى اتكسرت دى متنفعش تتعمل بمادتين ؟؟؟

واظن الريدارتير الاستعمال لو حالته كويسه حيبقى افضل

للاسف جربنا نعملها بارنديت و بتجيب ميه بس اللى عملها قالى انها هاتكربن و تمسك نفسها
بس انا بحب اجيب من الاخر ...
طيب الاستعمال دا يعمل فى حدود كام ؟
ولو عايز اغير العربية دى تعمل كام عايز اجيب موديل 2004 و دى تعمل كام

ألف ألف مبروك يا أستاذ طارق على الهديه ويارب يخليهولك وتشوفه عريس ....... حد يعرف ياجماعة الموتور ال1500cc للسيينا موديل2008 كام كامة ؟؟ (كامة واحدة ولا كامتين ) ؟؟ وحد يعرف معلومات عنه ؟؟ يعني قطع غياره كويسة ولا صعبة ؟ يعني من الاخر كده عامل زي 1400 ولا 1600 بتاع السيينا العادية .... وشكرا ليكم مقدما