بتحسد اتصالات والحياة عندهم بمبى :O_stupid[1]:
من مكانى هذا احب اقولك انه طالب اتصالات مسحولون مسحولون يا ولدى والحياة عندهم الأسود بكل درجاته :beated:
عرض للطباعة
وده هيجى ايه جنب ميكانيكا .... اللى مفيش حاجة عدلة فيها
بس للامانة ... هما بتوع عمارة ومدنى اللى عايشينها ... وانتوا برضه بعديهم ... ياراجل ادخل بص على اشكال دفعة اتصالات وبص على اشكال دفعة ميكانيكا وانت تفهم قصدى :nemoflow:
لنا الله يا ولدى
6 سنين هندسة و قبلهم سنتين ثانوية عامة
و بعدها سنة تستنا جيشك (البيقولوا عليه الواجب الوطني) و انت وحظك
يائمه سنة يائمه تلأت سنين
تخلص يبقي عندك 25-26 سنة
يوكو بيسلم عليكم و باعتلكم دي
http://img818.imageshack.us/img818/4...4084613636.jpg
هههههههههه يا باشا احنا ما بقلناش اشكال اصلا بقينا من غير ملامح :D
انت فى هندسة إيه بقا :cool (1): اخوك فى مقبرة عين شمس
Donzi ليه تقليب المواجع دا :waaaht:
عدد سنين هندسة = 5 + x
حيث x عدد حقيقى موجب : )
يا بشمهندسين مع انى اتخرجت والحمد لله
لكنى فاكر حاجات كتيره جدا منها انى اتخرجت فى قسم ميكانيكا الانتاج بعد استبعاد طبعا القوى الميكانيكية لانى كنت هقعد فيها اكتر ما قعدت فى الكلية
انا بقى قعدت 11 سنة ايوه 11 سنة وفى الاخر خرجت منها حسن سير وسلوك و الحمد لله ..
بس بعد ايه كنت وصلت لاخرى و الحمد لله دخلت الكلية فى 1998 وخرجت 2009
طبعا عندنا فى الكلية عماره باشاوات وانا مش بحسدهم والله لانى كنت عايزها اول ما خلصت اعدادى بس النصيب
عديت اعدادى بمادتين وقعدت فى اولى سنتين وفى تانية 5 وخميسة وثالتة 2 ورابعد عدت على طول.
نسيت اقول حاجه مهمه انا كنت هندسة الجحيم (هندسة اسيوط ميكانيكا ) اسألوا اى حد يعرفها كويس ويعرف الفرق بين الدكتور محمد سلام والدكتور محمد السباعى .
بس والله بجد بحترمهم جدااا جدااا وكل الدكاتره اللى درسولى وعرفت قيمتهم بعد التخرج فعلا لما اشتغلت ..طولت عليكم بس فكرتونى بالذى مضى.
فكرتوني ليييييييييه بس
تصوروا انا لغاية دلوقتي ساعات بأحلم إن عندي إمتحان صعب
أنا فاكر مرة دكتور ادانا مسألة كتحدي وفضلت أفنكر فيها لغاية ما حلمت بالحل - والله مش استهبال بس ده اللي حصل - والصبح يوم الإمتحان قولت للدفعة على حل المسألة لكن للأسف اللي فهمته بعد ما خلصت الكلية إن الدكاترة بيدوا الدرجات على المسائل السهلة علشان الناس ينجحوا
بس من الآخر كده هندسة يعني عمارة
اللي يقدر يدخل عمارة وما يدخلش يبقى بيظلم نفسه
دول عايشين في الدماغ ومقضيينها كاسيتات وروقان ومجهودهم كله عضلي فقط هههههه
ما حدش يضحك عليكم ويقولكم كهرباء ولا ميكانيكا وكيمياء والكلام الفاضي ده - خليكم دايما في الحاجات الظاهرة اللي تتفهم بالنظر