والله انا عن نفسي غير متاح الجمعه الجاية.. و اجازة برة القاهرة من 10-16 يوليو..
من بعد كده ان شاء الله موجود و متاح اي يوم..
عرض للطباعة
دى مشكلة الالمانى كله وبالذات فى الخليج"""
ياجماعة انا عندى مشكلة وهية ان فية صوت صفرة وانا كاسر الدركسون وسئلت قالولى انك لو جبت ماكينة باور جديدة هيكةن فيها نفس المشكلة
اللى اعرفه و عن تجربة و الدورة مكبوسه كويس الحراره اخرها 94 و التكييف و فى عز الحر ممكن توصل 97 بس بتنزل بسرعه و اعتقد ان ده صح
فيه ناس بتلغى ترومستات الكوعه و انا حاسس ان ده غلط و مش عايز اعملها
لو مظبوطة اخرها 90 او 92 وبالتكيف وفى عز الحر والولعة ..مش هتعلى الا لو المية ناقصة وناقصة كتير كمان
ثرموستات الكوعة خطر انك تلغية سيب العربية على اصلها
عربيتى 2000 سى سى مش 1600 اعتقد انها بتولد حرارة اعلى و لا انت مش معايا فى الكلام ده خصوصاً ان سرعة المروحة التانية عندى تبدأ من 92 حسب الكتالوج
اكيد معمول حسابها فى الديزاين
عموما العربية لحد 98 متقلقش منها فى الرينج الطبيعى واعمل تشيك اضمن لأنها مش الطبيعى توصل لكدة (خد هوا من الدايرة , تغير مية الرادياتير لو بقالها فترة , كتاوت المراوح وانها شغالة كويس , كبس الدورة علشان لو فية تسريب , مية خضراء مضمونة وبلاش مية الحنفية والمية الخضرا المضروبة )
طيب انا حاطط مايه معدنيه و الماية فى الأربه بيضة و مش بتنقص الا بعد السفر لمشوار طويل حسبة 1/4 لتر ده طبيعى و لا لأ
اعتقد ان فيه نوعين مضمونين او تلاته من الماية الخضرا ( موبيل و شل و كالتكس ) كلامى صح و لا غلط
و بالنسبة للديزاين درجة الحرارة فى المؤشر عندى اولها 90 و فى 1600 اولها 80 مش كده يبقى التصميم بتاعها مختلف
بلاش مية معدنية لو مش عايز تحط مية خضرا حط مية مقطرة
انا مريح دماغى وبشترى اثيلين جليكول ومية مقطرة وبعمل انا المية الخضرا
انا معرفش عدادات الفكترا a بس موضوع تبدأ بكام مش مهم المهم درجة حرارة التشغيل الطبيعية كاماقتباس:
و بالنسبة للديزاين درجة الحرارة فى المؤشر عندى اولها 90 و فى 1600 اولها 80 مش كده يبقى التصميم بتاعها مختلف
محمد مختار معاة ال 2.0 وتقريبا نفس درجة حرارة ال 1.6 والعدادات واحدة فى الفكترا b
انا معايا فيكترا ايه
و منين اثيلين جليكول ده بيتباع و المايه المقطره دى بتاعت البطاريات و النسبة تبقى كام الى كام
و يا ترى اغلى و لا اوفر من البنزينه
اى محطة بنزين .. انا جبتة من موبيل نوعة cyclo علبة ابيض X اخضر
بالنسبة للخلط بيبقى مكتوب على العلبة
اه قصدك الماية الخضرا المركزه فهمت ام 17 جنيه عارفها بتبقى فى علبه صفيح
الف شكر يا باشا تيجى الفلوس و نيتدى نجرب
العفو ياباشا جرب وقولنا النتائج
يا باشا انت تأمر بس و انا رقبتى سداده
السلام عليكم ورحمة الله وبركاته
الموضوع مش إن الألمان أذكياء أو أغبية
المشكلة إن أغلب السيارات الأوروبية مصنعة لدرجة حرارة أوروبا في الأساس
وطبعا فيها حماية ضد إرتفاع الحرارة لكن إرتفاع يكون مؤقت
لكن الطبيعي عندنا إن الحرارة أعلى من أوروبا
وده هتلاحظه كتير في المرسيدس
طبعا اللى زاد المشكلة إرتفاع درجة حرارة مصر عن الأول
وعلشان كده السيارات اللى بتنزل من أوروبا حاليا الحديثة بيراعوا فيها المشكلة دي
وخصوصا النازلة بمواصفات خليجية
لكن الياباني مرتاح قوى في موضوع الحرارة ده ودي أكتر ميزه مخلياه منتشر في الخليج
وجة نظر بس برضوا اليابانى فى حاجىة اسمها Operating Temp دى درجة الحرارة الى عندها العربية كفائتها كامله فى الألمانى اسرع و فى اليابانى ابطأ
يا جماعه انا لسه مشترى اوبل فكترا 94 وعندى مشكله مشعارف ليها حل ان العربيه بتاكل بنزين كثير ارجو ممن عند حل لهذة المشكله ان يكتبلى رد علما بان السيارة 2000 سى سى
حبيبى مبروك
بس الأتى سبب اكل البنزين
1. حساس الكولنت و ده ممكن تعرفه لو فى دخنه سودا من ورا ب 60جنيه
2. الماف - لا قدر الله - لو العربية بتعلى و توطى لوحدها و تحس انها مخرفه فى السلانسيه او حد يكون لاعب فيه و ضبطه بايده عشان العربية تمشى و خلاص و ده مش هتلاقيه عشان انا موصى طوب الأرض عليه لا يقل عن 450 و لا يزيد عن 1000 جنيه بس لازم الرقم يكون مطابق
3. الرشاشات - و دى ليها كذا حل يا اما تجرب منظف رشاشات مع البنزين بتركيز عالى و تجر ب او منفعش يبقى تنضفها التراسونيك و تشوف كفائتها ايه - منفعش يبقى تغرهم استيراد و تريح دماغك ب 350 جنيه
4. التكييف لو شغال و كويس بيستهلك بنزين بغباء منقطع النظير فوق 50% من العادى بتاع العربية عن تجربه و ده مالوش حل
5. فيشة الأوكتين لازم تضبطها على البنزين اللى انت بتحطه لأنى اعتقد عربيتك اتوماتيك مش مانيوال زى اللى معايا و الأتوماتيك استهلاكه اعلى للبنزين
6. سواقتك فيها حاجة غلط انك بتقرص فى الطلعات جامد او بتقرص فى الجرى و ده احد عوامل شرب البنزين مش استهلاكه
ساعات المروحة بتبقى معلقة مش اكتر خصوصا لو عربية ريحت على الشبكة و دى مجرد تلمس المروحة بحذر و هى تلف و العربية هتبرد بسرعة
انهى مروحه اللى بتعلق اللى قدام دى مع التكييف بس بتشتغل و على درجتين او لما العربية تسخن قوى تشتغل على الدرجة التانية ثوانى لغاية ما العربية تبرد
هى التانية اللى لما العربية تسخن اوى(اللى صوتها عالى)
اللى جوه الموتور سرعتين و اللى بره سرعتين و صوتها بيعلى لما العربية بتسخن على السرعة التانية بس غير كده ملهاش صوت
عنك واحد فى العجوزه اسمه مركز النيل
و عندك واحد فى المعادى
عندى العناوين هدور عليها و ابعتهالك
ىا جماعة العربيات دى اتعملت عشان تشتغل فدرجة حرارة 15 تحت الصفر بالعلم انا راكب vectra 96 2000cc
أسواء ما فى الفكترا الإزاز اليمين عشان ما بيتفتحش كتير و بيتوسخ بسرعة و بيتنيه يطلع و ينزل رخم جدا و كمان فى ال 1600 ما نيوال ما فيهاش لمبة حزام
انسى بيرحو دماغهم من الشكاوى وعملو وعايا كده وعربيتى جابت وش سليندر ودفعت عندهم 4000 جنيه
دي مشاكل فرديه وليس عيب
كلها حاجات فى العادى لغاية دلوقتى
سواء رضينا ام ابينا فالاعتراف بالحق فضيلة....ومع الاسف مواتير الاوبل التى خصصت لمصر والبرازيل تحديدا تعتبر من اسوأ المواتير الالمانى اللى نزلت مصر...سخونة منقطعة النظير...قابلية عالية لأستهلاك البنزين سواء 1600 او 2000 سى سى (طبعا قصدى الموتور الاسود) ومشكلة الحرارة تؤرق جميع من يركبون تلك السيارة وهى حقيقة لا فائدة من انكارها...عن نفسى كان لدى موتور 1600 الاسود فى سيارتى من قبل وعانيت معه كل مشاكل الدنيا فى السخونة وغيرت كل حاجة واتعاملت مع اكتر من مركز صيانة وبرده الموتور كان بيسخن جامد ويتعفرت اكتر مع التكييف....واحد صحبى كان معاه نفس الموتور بس 2000 ونفس القصة....وكل مااتعامل مع مركز صيانة واسأل الناس اللى بتصلح عربياتها هناك يشتكوا من مشكلة الحرارة دى بطريقة رهيبة...باختصار هى مشكلة حقيقية وليست ازمة ميكانيكى فاهم او مش فاهم...قد تكون تلك المشكلة فعليا اقل بكثير فى المواتير ال2 كامة (الايكوتيك) نظرا لأن تصميم تلك المواتير على ما اعتقد يميل للمواصفات الياباني....اما بالنسبة للمقارنة مع السيارات اليابانى فهى لا تتأثر بالحرارة مطلقا ولذا هى بالفعل الانجح للخليج واستحالة ان تكون جميع مراكز الصيانة فى الخليج على سبيل المثال مش بتفهم عشان كدة العربيات مش بتستحمل عندهم...الواقع انها سيارات صممت للأجواء شديدة البرودة.....عشان كدة اهم حاجة المراجعة الدورية على جميع اجزاء دايرة التبريد
وجهة نظر منطقية و صحيحه