| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 2 من 4 الأولىالأولى 1 2 3 4 الأخيرةالأخيرة
النتائج 11 إلى 20 من 33

  1. #11

    الصورة الرمزية AboELsoud

    رقم العضوية : 13237

    تاريخ التسجيل : 19Jun2008

    المشاركات : 1,304

    النوع : ذكر

    الاقامة : Nasr City

    السيارة: ^بتاعت الحاج^

    السيارة[2]: Hyundai Verna 2007

    دراجة بخارية: No

    الحالة : AboELsoud غير متواجد حالياً

    افتراضي -

    hasad">

    يااااااااااااااااه احلى ايام و عمرها ما تتعوض

    احنا حصل عندنا نفس الكلام ( تقريبا مصر كلها حصل فيها نفس السيناريو )

    بس الصراحه محدش ضرب في التاني احنا بكل بساطه سمعنا واحده بتصوت افتكرت ان فيه حرامي و في نفس الوقت واحد جارنا دخل الجامع و قام عامل اعلان:) ان الشباب ينزلوا عشان المدينه بتتهاجم من بلطجيه :) :) :)

    الشباب كلهم نزلوا و الاباء كمان / بعد شويه الاباء قرروا يفيدونا بخبرتهم ( كلهم ظباط جيش على المعاش ) المهم حطوا الخطه و التكتيك و الاستراتيجيه اللي هنمشي عليها :)

    المهم اننا قررنا تقسيم الافراد على 3 فترات ( شنجي و كينجي و برنجي ) :)

    و فعلا كل فتره كان بيبقى فيه مجموعه قاعده قدام العماره بتقزز لب ( اصل محل اللب في نفس العماره )

    انا بقى كنت في الـ3 فترات :) بكل بساطه اهلي كانوا مسافرين العين السخنه ( شوفتوا الروقان ) و انا مسافرتش عشان عندي امتحان و طبعا مع الاحداث المرعبه دي مكانش بيجيلي قلب اقعد لوحدي في الشقه ااو انام فيها

    .................. يتبع احسن ايدي وجعتني :)

    محمود ابو السعود

    لا تقلق كثيرا بشأن الماضي / ولا تحمل هم الغد / الان هو حياتك عيشها


  2. #12

    الصورة الرمزية ahmed_mido1889

    رقم العضوية : 50384

    تاريخ التسجيل : 19Oct2009

    المشاركات : 5,706

    النوع : ذكر

    الاقامة : ......

    السيارة: .........

    السيارة[2]: .........

    دراجة بخارية: ..........

    الحالة : ahmed_mido1889 غير متواجد حالياً

    افتراضي -

    كانت احلي ايام

    كنا بنقعد من الساعه 6 المغرب لغايه 7 الصبح

    وطبعا لزوم الدفا خلصنا شجر المنطقه

    والنا اللي عندها عفش زياده كانت بتبعته نولع فيه

    حرقنا انتريه كامل وسفره

    وكان سلاحي شومه وماسوره

    والمواقف الي ضحكت عليها

    سمعنا صوت دوشه جاي من بعيد فالطبيعي كله جري علي مداخل

    الشوارع علشان نمنع دخول حد ويبقي الاحتكاك في الاماكن الواسعه

    ومنعا للتلفيات في العربيات

    واحنا بنجري علشان نقفل المداخل الاقي واحد بيشدني من دراعي وبصوت مرتجف من الخوف بيقولي استني خلينا هنا هم كده كده هيجولنا هنا

    والتاني كان حصل اشتباك مع كام عيل مبرشمين وقلو ادبهم

    وطبعا المولتوف كان في البلكونات قامت واحده من الجيران مولعه واحده

    وحدفته وطبعا كلنا في لحظه واحده جرينا لاقينها بتقول بقي دول الي هيحمونا

    ممتنع عن المشاركه


  3. #13

    الصورة الرمزية MaZaGAngeE

    رقم العضوية : 19004

    تاريخ التسجيل : 14Sep2008

    المشاركات : 5,735

    النوع : ذكر

    الاقامة : El-menya

    السيارة: Lancer 1993 & VW 1964

    السيارة[2]: نيسان صني فيس لفت

    دراجة بخارية: هانكو 150

    الحالة : MaZaGAngeE غير متواجد حالياً

    افتراضي -

    دي كانت ايام صعبة جدا جدا عليا
    كنت لوحدي في المنيا
    والدتي عند اخواتي البنات في الشروق
    مراتي حامل في الشهر الخامس تقريبا و في مدينة نصر
    و انااااااااااااااااااا لوحدي في البيت في البلد و ده عبارة عن فيلا 3 ادوار وسط الغيطان
    جوز اختي كان في رحلة لأسوان و التاني عنده شركة معدات في السعودية

    بوم 25 كان قلق بس عادي كنت فاكرها مظاهرة و تعدي زي غيرها
    يوم 26 قلت الحكاية طولت
    يوم 27 كنت بتابع على قنوات سهيل و المستقلة بعد ما الجزيرة اتوقفت و المصري بيهرتل و طول اليوم بتخانق مع اولاد عمي و قرايبي لأني كنت مؤمن بنها ثورة و هتنجح ( لأني كنت منتظر حدوثها و متوقعها في 2015 و ابويا كان حكالي احداثها زي ما يكون كان في ميدان التحرير سنة 2000 و اتوفى في 2010 )
    يوم 28 بدء القلق يكبر جدا مع انكسار الشرطة و هروب السجناء و انتشار البلطجية و ايقاف الموبايل و بقيت معزول عن ميدان التحرير لأني كنت بكلم ولاد عمي و قرايبي اللي كانوا هناك على طول ...
    يوم 28 شعري كان بيقف كل ربع ساعة عشان جوز اختي راجع من اسوان و معاه وفد امريكي و مفروض يروحوا الدقي و نزلوهم شيراتون المطار و البلطجية هجموا على الفندق و الاتصال اتقطع معاه مدة 4 ساعات لدرجة اني كنت بفكر هجيب جثته ازاي و منين ........
    طبعا مدينة نصر كانت قلق جدا بس الرجالة في العمارة و الشارع ظبطوا الكلام
    و طبعا لازم اشكر المنتدى و الدكتور محمد من مدينة نصر لأني كنت مش عارف ايه اللي بيحصل و همه طمنوني كتير
    يوم 29 الطريق الزراعي و الصحراوي الغربي و الشرقي و القطارات مقطوعة و مستحيل السفر من القاهرة او الى القاهرة .........
    من يوم 29 الى 12 فبراير متابعة القنوات الفضائية العربية و متابعة الثورة في تونس و ليبيا و اليمن و مصر و محاولات عديمة الفائدة لشرح قيمة الثورة و فائدتها للشعب المصري مع اني كنت بكلم شباب متعلم و مثقف لكن ادمغة عايزة الحرق ( طبعا دلوقتي كلهم ثورجية مع انهم كانوا اولاد مبارك !!!!!! )

    أول خطاب لسونة بتاع سأظل و سأظل ( مش عايز اتوقف تاني ) كنت عارف انه هيقول كده ( سياسي قديم بقى )
    تاني خطاب ( بتاع الجمل و دموع التماسيح ) كنت بعيط لما لقيت الناس بتقول خلاص كله يروح و انا اقولهم يا بهايم ده هتبقى مشنقة لكل مواطن ... بس ربنا ستر و الجمل جه و الرجالة رجعت الميدان بعد الفتنة دي ..
    خطاب 12 فبراير بتاع تسليم السلطة للجيش كان فرح و زغاريط ( مع ان قبلها بيوم كان ناس كتير عايزين سونة يكمل 6 شهور !!!! مش بقولك فتنة )
    من بعدها متابعة لكل ما يكتب و ينشر عن الثورة و كنت عارف موقف الاخوان و عارف الخطوات اللي البلد ماشية فيها و تقريبا ( تحليل و قراءة جيدة للتاريخ مش غرور ) لأني كنت قاري كويس التغيير من القمة اللي فشل ( ثورة 23 يوليو ) و التغيير من القاع ( بداية من 83 ) و اللي نجح فعلا ...........

    [mshosh2]http://www.4shared.com/photo/lCkSz74F/morsee.html[/mshosh2]


  4. #14

    الصورة الرمزية MaZaGAngeE

    رقم العضوية : 19004

    تاريخ التسجيل : 14Sep2008

    المشاركات : 5,735

    النوع : ذكر

    الاقامة : El-menya

    السيارة: Lancer 1993 & VW 1964

    السيارة[2]: نيسان صني فيس لفت

    دراجة بخارية: هانكو 150

    الحالة : MaZaGAngeE غير متواجد حالياً

    افتراضي -

    اه نسيت اقول اني عملت نقطة تجمع لللجان الشعبية عند البيت و كنا بنسهر لحد 8 الصبح
    بس الجو كان تلج و كنت بسيبهم الساعة 1 و ادخل من البرد
    بس كنت مظبطهم شاي و سكر و خشب و دكك و كراسي

    طبعا اكتشفت اني تقريبا الوحيد في جمهورية مصر العربية اللي معندوش سلاح

    في ليلة سمعنا ضرب نار من الغيطان و الجامع اعلن ان البلد نزل فيها حرامية من سجن الفيوم و جايين عندي ..............
    طبعا رجالة العيلة كلهم جم باسلحة فشر بتوع ليبيا و انا دخلت خدت دش و اتشاهدت على نفسي و استعديت نفسيا و معنويا اني هموت في الليلة دي
    مش قادر اوصفلكم انا كنت مرتاح جدا و نفسي هادية و في حالة كده عمري ما عشتها
    بس الحرامية اتمسكوا قبل ما يجوا عندي بمسافة صغيرة و سلمناهم للمركز اللي كان اهالي البلد حامينه بظباطه و عساكره و عربياته و معداته

    [mshosh2]http://www.4shared.com/photo/lCkSz74F/morsee.html[/mshosh2]


  5. #15

    الصورة الرمزية Mahmoud_ezzo

    رقم العضوية : 117337

    تاريخ التسجيل : 02Dec2011

    المشاركات : 169

    النوع : ذكر

    الاقامة : Cairo

    السيارة: none

    السيارة[2]: megane

    الحالة : Mahmoud_ezzo غير متواجد حالياً

    افتراضي -

    .................................................. ............

    --------------------------------
    يرجي عدم كتابه اللغه العربيه باحرف انجليزيه
    يمكنك استخدام هذا الموقع لكتابه اللغه العربيه
    ظ…ط.ط±ط± Yamliâ„¢ - ظ„ظˆط.ط© ط§ظ„ظ…ظپط§طھظٹط. ط§ظ„ط¹ط±ط¨ظٹط© ط§ظ„ط°ظƒظٹط©

    3.28ص
    19/1/2012

    م.ع.12


  6. #16

    الصورة الرمزية AhMeD EzZ

    رقم العضوية : 14275

    تاريخ التسجيل : 06Jul2008

    المشاركات : 3,032

    النوع : ذكر

    الاقامة : cairo

    السيارة: MERCEDES 190 D

    السيارة[2]: SPERANZA A 516

    دراجة بخارية: ------------

    الحالة : AhMeD EzZ غير متواجد حالياً

    افتراضي -

    علي قد ما كان جو جميل و ايام جميلة و روح حلوة بين الناس و ازاي الصبح بنساعد بعض في الطلبات و بليل سهرانين مع بعض علي قد ما كان في يومين عكننوا علي الواحد

    يوم 28 صحيت من النوم علي خبط الباب

    لقيت قناه الجزيرة و عايزين يصورا من العمارة عندنا لاننا جنب جامع الخازندار بشبرا و كان من اهم مناطق التجمع للمظاهرات

    طلعت معاهم و نزلنا صلينا الجمعة و طلعنا نصور من فوق السطح بسرعة بعد طبعاً ما كان بيتم التجهيز من قبل الصلاة

    بعد الصلاه غلي طول قوات الامن المركزي بدات ضرب القنابل المسيلة للدموع علي المصليين و حصل اشتباك و للاسف كانو لامين صيع المنطقة باللبس المدني بيساعدوا في الفض

    في عز التصوير فوق قنبلة جت بالغلط عندي في البلكونة و للاسف اخويا من الخضة قفل الشبابيك و هي جوة طبعاً كلنا اتخنقنا جامد جداا

    و كمان جوز اختي رجلة اتخبطت و هو بيجرلي بس قلنا خبطة خفيفة و كدمة و هتروح

    استمرار الاشتباكات للساعة 3 العصر و بعدها هدوء نسبي و الشرطة سيطرت علي شارع شبرا و قفلتة من عند الدوران و تمركزت هناك

    الساعة 4.30 فوجئنا بتجمعات بتخصل في الكنايس و الجوامغ و بينادوا بكدة في الميكروفات و الساعة فوجئنا باعداد غفيرة جاية من ناحية الخلفاوي و الاعداد كانت عددها كبيييييير جداااااا لدرجة ان الشرطة فعلاً مقدرتش تسد و انسحبت

    الساعة 6 صلاة المغرب جماعة في الشارع فرحة بالنصر و تحرك مسيرة علي ميدان التحرير

    كل دة و انا والدي شغال في سفارة ايطاليا قريب من القصر العيني في عز البهدلة و مش عارف اوصلة و لا اطمن عليه لانة كمان مكنش واخد العربية طبعاً عايش في حالة قلق

    و في نفس الوقت رجل جوز اختي كانت بدات تورم جامد و كنت مضطر انزل بيه مستشفي و شفت مشوار عنب في عز القلق دة و الضرب حواليا و الحمد لله وصلت المستشفي بس طبعاً مكنش في اي حاجة في المستشفي اضطريت اخد لفة تاني علي الصيدليات في عز الضرب بردة

    بعديها روحت لقيت والدي وصل البيت بس كان تعبان جداااا من قنابل الغاز

    علي الساعة 8 و بدء حظر التجوال كان الشارع صحرا و مكنش لسة فيه لجان اتعملت

    الساعة 12 بليل بقي للاسف عشت اكتر موقف صعب في حياتي

    مواجهة ضرب نار مع بلطجية لاعمال النهب في شارع شبرا و البنوك الي جبنا و كنت اول مرة في حياتي امسك سلاح و مات اتنين في اليوم دة

    و ضرب النار استمر لحد الساعة 5 الفجر و بدات الناس تنزل تساعدنا

    عضو 6 ابريل و افتخر !

    6 Of April Member & Proud !


  7. #17

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    فعلا كانت مدينة نصر فيها قلق جامد و الادهي ان وراها الدائري و 4 و نص يعني البلاوي كلها
    البداية كانت بمتابعة الاخبار و تم تأجيل الامتحانات و اذ بي افاجأ بخبر هجوم ع الرحاب طبعا ذهلت كلمت اللي اعرفهم هناك بيقولي اتنين دخلوا ع المول هناك بس اتعمل معاهم الصح و كان الموضوع قبل حلول الليل و اساسا في الرحاب اغلب الناس اسلحة مرخصة و لاسلكي يعني مين المجنون اللي يدخل
    المهم ابتدينا ننزل واحد ورا التاني في المنطقة حتي العرسان ملحقوش يتهنوا و كان قريبي لسه برده متجوز نزل تاني يوم بس كان في منطقة تانية و بيقولي عمرو شكلي مش هلحق اشوف العروسة ههههههههه و انا ميت ع نفسي من الضحك و بقوله متنسانيش في الوصية
    نزلنا هنا كلنا الشباب و الرجالة و الاطفال و الجميع اتشاهد و نازل عشان عارفين اللي هينزل ممكن ميطلعش
    و انا غاوي احط في خطط تأمين و هجوم في الالعاب و كان طول عمري متوقع ان هيجي يوم ممكن يحصل شئ مشابه و كنت بستعد له و حصل
    فبقيت عمال اقول يا جماعة نتقسم كده و مجموعة تأمن من هنا و مجموعة تأمن من هنا و مجموعة تخرج لغاية اخر الشارع تستطلع و كان معانا ظابط جارنا و ظابط جيش ع المعاش طبعا السلاح كان ليه دور معانا
    اللي يغيظ في الليلة ديه كلها ان الظباط شايفين كلامي صح و الناس الكبيرة في السن ازاي عيل لسه في الجامعة بقي يقول الناس تقف ازاي او تعمل ايه مع اني موجهتش حتي ليهم كلمة عشان عارف العقليات و كانوا هم 3 مفيش غيرهم و مكنش حد طايقهم من اللي بيعملوه المهم قفلنا بعض الشوارع المؤدية لينا بعواميد النور كانت مرمية لسه مركبتش و جيبنا حجر الارصفة مرمي و عملنا بيه زجزاج في كل شارع و لقيت خشب مسلح جيبته حطيته بمساميره بين كل حجر و التاني عشان لو موتسيكل ميعملش صايع و يعدي منه و الباقي نولع بيه نار تنور و ندفي بيها و جيبنا كاوتش اللوادر المرمي ( في القاهرة الجديدة هتلاقي من ده كتير هههههه ) و عملت بيه زي بوابة بتجري في مجري بين الحجر لمدخل المربع الخاص بالعماير لأن باقي التجهيزات ديه كانت خارج المربع كمان عشان يبقي هو اخر خط دفاع لينا نرجعله و البيئة بصراحة مساعدنا و طبعا المولوتوف كان واحد مسئول عن رمي المولوتوف و واحد مسئول عن انه يولعها عشان منبقاش مشتتين و الاطفال يلموا الزلط و يحدفوا بيه و ظبطنا طبعا حاجات كتيير و جت اول لحظة فجأة سمعنا ضرب نار و ستات بتصرخ طلعنا جرينا ع مصدر الصوت و لقيت الناس بتسيب اماكنهم و كنت بزعق انهم يفضلوا فيها و احنا نروح عشان ضهرنا ميكونش مكشوف و خلاص داخلين في بعض في المجموعة اللي قدامنا و كلهم سنج اشكال و الوان و اذ بيا افاجأ انهم من نفس المنطقة ههههههه لولا اني اعرف بعضهم كانت هتبقي مجزرة و الحمد الله ربنا ستر و الصريخ كان بسبب الستات افتكروهم بلطجية المهم اتفقنا ع التقسيم برده معاهم و يعملوا مجموعة تجلينا لو صفرنا و احنا مجموعة تروح لو صفروا و الباقي يستمر في مكانه
    و اصحاب اللوادر و العمال اللي بيبنوا في المنطقة كان ليهم دور برده جامد باللوادر بتاعتهم اللي قفلوا بيها الشوارع اللي في ضهرنا و كان فيه صعايدة بسلاحهم من الجهة التانية
    و اي عربية تيجي نقسم مجموعة الكمين عليها واحد يشوف الرخص و البطايق و واحد يفتش اذا استلزم الامر و باقي المجموعة تستعد عشان اي حركة ندالة و طبعا الاشكال ال....بيبان عليهم و الاشكال المحترمة بيبان عليهم كنا بنفرق مش زي العيال الصغيرة اللي كانوا اي عربية رخص بطايق كارنيهات تفتيش هههههههه
    و الحمد الله مكنش فيه حاجة غير مجرد اخبار بتجيلنا في التليفون ع اللي بيحصل في مدينة نصر تحت لغاية حوالي الساعة 12 سمعنا ستات بتصرخ من اخر الشارع و ضرب نار و رجالة بتزعق صفرت بالصفارة ( كنت المسئول عن اطلاق الانذار بالصفارة المعدن بتاعتي ههههههه ) جرينا زي المجانين ع هناك و الظابط اللي معانا بيضرب نار في الهوا عشان لو بلطجية يجروا عقبال ما وصلنا كانوا ولاد الـ... ركبوا الميكروباص و جريوا اطمنا ع الناس هناك و بعدها ظابط جيش جالنا و قالنا هتنزل قوات عندنا و هو المسئول لغاية ما ينزلوا و اي حاجة تحصل بلغوني و الراجل بصراحة كان رايح جي طول الوقت بالاضافة لظباط القسم عندنا نزلوا في عربيتين ملاكي بيلفوا طول الليل بسلاحهم و رئيس المباحث خدت منه الآلي بس خده تاني ( اخوكم رماية من صغره ) و حاولت ادخله في النانشكو اللي معايا ( سلاحي في اللجان الشعبية ) لكن الراجل رفض لو كان وافق كنت اديته عليه سكينة مطبخ هدية ههههههههههههههه
    و فضلنا واقفين لغاية الصبح و بقينا بنبدل ناس تطلع تريح و ناس تنزل و هكذا و ع اي صفارة كله ينزل يجري حتي لو نايم و الناس بتنزل بلبس البيت و البيوت كانت قايمة بالواجب معانا شاي و اكل و حلويات و اخر دلع و عملنا حركة مش تمام بس عشان نتأكد صفرنا و كله نزل يجري و قولتلهم كنا بنعمل اختبار لحالة الاستنفار القصوي هههههههههههههه الناس ماتوا ع نفسهم من الضحك و بعدها لقينا مدرعة جاية عندنا و صاحبي ساكن جهة الرحاب كلمني بيبلغني ان الدبابات و مدرعات نزلت عندنا ( متفرحوش اوي ) بنسأل اللي في المدرعة اللي نزلت انتوا جايين لينا الرد كان اننا رايحين نأمن الرحاب هههههههههه قولت مش مشكلة احنا قدها و قدود

    تاني يوم نزلت الصبح اشتري شوية حاجات للبيت الاقي البطارية نامت و مش عايزة تقوم ايه النحس ده ههههه اديتها زقة ادور ع حد فاتح مفيش و في الزهراء الجيش كان موجود و دبابات و لقيت كاوتشات محروقة و فوارغ طلقات اظاهر كانت معارك دايرة هناك و اضطريت انزل لغاية المطرية و دخلت من عند سيتي ستارز و كانت و فرحة ليا اني اشوف لأول مرة قوات الصاعقة اللي تشبه فرق التدخل السريع و قوات مكافحة الارهاب و عرفت انهم صاعقة من البادج اللي ع دراعهم و بعدها عرفت انهم من قوات مكافحة الارهاب في الجيش و متتخيلوش مدي سعادتي لما شوفت المنظر و كنت بقول الدكر بس يقرب كانوا واقفين زي الاسود اللي مستنية الفريسة و طلعت ع المطرية و الطريق كله مرشق مدرعات و دبابات و اول ما دخلت بس المطرية مقولكوش الشباب هناك عاملين ايه ده اللي احنا عاملينه عندنا في المنطقة و لا حاجة جنبهم لدرجة انهم غرقوا شوارع بحالها مية لمنع دخول اي عربية او موتسيكل و اسوار حديد و الكلاب و السنج و اول ما دخلت الشارع الناس اللي تبعي هناك يا عمرو اتعامل و اترمالي مطواة و سنجة ههههههه و فضلت قاعد هناك جوة ورا قسم المطرية لغاية ما البطارية تشحن و وقفت مع الناس اللي اعرفهم هناك و مش عايز اقولكم الستات جاهزين بالازاز و المولتوف و قصاري الزرع من البلكونات و واقفين في امان الله لقينا تاكس ابيض محمل شنط و بلاوي فوق الشبكة و جاي بيجري بسرعة رهبية و الشارع اساسا ضيف مياخدش غير عربية و مش عايز يقف و شال كام واحد من ع الارض و كلنا هناك بكل حاجة ضربنا بيها التاكس مبقاش تاكس اساسا غير اللي اتشعبت في الشبكة و وقفناه اخر الشارع فلتتخيلوا الراجل اللي سايقه راجل كبير في السن افتكر اننا بلطجية طلع يجري و كان معاه ستات في العربية ورا هههههههههههههههههه و التاكس مبقاش تاكس بقي شبه خردة ربنا يعوض عليه في الازاز و الفوانيس و تظبيط الصاج و الخدوش
    ظبطت العربية و شديت ع الرجوع و سلمت المطواة و السنجة للعيال و روحت البيت و نزلت اكملها واقفة عندنا من العصر و تم تظبيط كل شئ تاني و يومها الهيلكوبتر كانت رايحة جاية فوق منطقتنا رايحة جاية رايحة جاية هههههههه كأن مفيش غيرنا قولت احنا التأمين بتاعنا بقي جوي و الرحاب ارضي يلا مش مشكلة و بليل نزلت عربيات الجيش و بقوا رايحين جايين طول الوقت
    و من اطرف المواقف اللي حصلت كنا جايبين كاوتش من بتوع اللوادر مقاس 60 تقريبا حاجة ضخمة جيه واحد معانا اتفزلك و راح مولع فيه و كان جواه خشب و لكم ان تتخيلوا الموقف لما كاوتشة بالحجم ده تولع و لا كأن عمارة بتولع الناس كلها طلعت من الشبابيك و لقينا و عربيات الجيش جاية ع الدخان اللي كان متصاعد في السماء هههههههههههه و كلنا ميتين ع نفسنا من الضحك و بنحاول نطفيها بتراب و مية حوالي نص ساعة بنطفي فيها و تولع تاني و نضحك اكتر هههههههه و غيره من المواقف
    بعدها لقينا اسعاف جاية من بعيد و فجأة وقفت طبعا شكينا و لحسن الحظ كان فيه عربية جيش ورانا بكام عمارة واقفة صفرنا جوم علينا بسرعة و بنقولهم عليها في نفس اللحظة اللي بنقولهم اسعاف واقفة هناك كل العساكر شدت اجزاء السلاح و العربية طلعت تجري عليهم و نزلوا ثبتوهم و خدوهم وراهم و معرفناش حصلهم ايه
    و باقي الايام كانت عادي الحمد الله كبيرنا ناس من غير بطايق او اثبات شخصية و ناس قليلي الادب و كانوا هيضربوا المعتاد اللي كلنا شوفناه يعني بس كان كل شوية يجيلنا بيانات عربية مسروقة نسجلها عندنا عشان لو جت عندنا و فضلنا كده لحد خطاب التنحي
    احلي ما في الامر بجد الصحبة و التعرف ع الناس يعني بجد كانت فايدة اللجان الشعبية اتعرفنا ع بعض بالرغم اننا كنا في منطقة واحدة لكن منعرفش بعض
    و بالمناسبة انا اسلحتي في اللجان الشعبية كانت نانشكو لأني كنت لاعب كونغ فو و سكينة مطبخ من الحجم الكبير و شومتين كل واحدة 50 سم تصنيع ايدي :)
    معلش بقي طولت عليكم ده فيه كمان حاجات كتيير مكتبتهاش بس لو كتبت مش هخلص ههههههه بجد كانت من احلي الايام


  8. #18

    الصورة الرمزية rompo10

    رقم العضوية : 80905

    تاريخ التسجيل : 22Sep2010

    المشاركات : 2,674

    النوع : ذكر

    الاقامة : cairo elbehera

    السيارة: بيجو 406

    السيارة[2]: bmw 523i

    دراجة بخارية: no

    الحالة : rompo10 غير متواجد حالياً

    افتراضي -

    تسلم ايدك بجد انك كتبت الكلام دا كله ياراجل دا انت لو كنت رحت الميدان كان ارحم

    rompo10


  9. #19

    الصورة الرمزية beautiful0mind

    رقم العضوية : 5678

    تاريخ التسجيل : 14Feb2008

    المشاركات : 957

    النوع : ذكر

    الاقامة : cairo

    السيارة: بيجو 405 ملك الوالد

    السيارة[2]: vw passat 2003 2000cc

    دراجة بخارية: والله معندى

    الحالة : beautiful0mind غير متواجد حالياً

    افتراضي -

    اولا : انا مكنتش اتوقع انكم هتتفعله كدة مع الموضوع بس واضح ان الايام دى فعلا عمرها مهتتنسى ابدا

    وفعلا كانت من أجمل ايام حياتى ... ومستمتع جدا وانا بقراء تعليقاتكم بشكل لا يوصف لدرجة انى عايز اسأل عن تفاصيل كل الايام دى منكتر مهى شيقه

    اقتباس المشاركة الأصلية كتبت بواسطة aboelsoud مشاهدة المشاركة


    الشباب كلهم نزلوا و الاباء كمان / بعد شويه الاباء قرروا يفيدونا بخبرتهم ( كلهم ظباط جيش على المعاش ) المهم حطوا الخطه و التكتيك و الاستراتيجيه اللي هنمشي عليها :)

    المهم اننا قررنا تقسيم الافراد على 3 فترات ( شنجي و كينجي و برنجي ) :)

    ممكن اعرف الخطة كان متفق عليها وتم شرحها ازاى .....

    اقتباس المشاركة الأصلية كتبت بواسطة ahmed_mido1889 مشاهدة المشاركة
    كانت احلي ايام


    وطبعا المولتوف كان في البلكونات قامت واحده من الجيران مولعه واحده

    وحدفته وطبعا كلنا في لحظه واحده جرينا لاقينها بتقول بقي دول الي هيحمونا
    هى جت عندك فى أزازة ملتوف وحدة ياراجل ده احنا شارع كامل ضرب فى بعضة عشان ازاة ملتوف أتحدفت غلط ... وبعد اصابات كبيرة اكتشفة انهم جيراااااااااان

    B.R
    Mohamed Bisheer


  10. #20

    الصورة الرمزية beautiful0mind

    رقم العضوية : 5678

    تاريخ التسجيل : 14Feb2008

    المشاركات : 957

    النوع : ذكر

    الاقامة : cairo

    السيارة: بيجو 405 ملك الوالد

    السيارة[2]: vw passat 2003 2000cc

    دراجة بخارية: والله معندى

    الحالة : beautiful0mind غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة axel مشاهدة المشاركة

    معلش بقي طولت عليكم ده فيه كمان حاجات كتيير مكتبتهاش بس لو كتبت مش هخلص ههههههه بجد كانت من احلي الايام

    ياراجل متقولش كدة انا بقراء تعليقك وانا مستمتع .. الجميل فالايام دى فعلا انك عرفت ناس جيرانك وممكن الباب فالباب وانت متعرفوش ... ودلوقتى بقى من اعز اصدقائك

    بس قولى هو فعلا الظابط سبلك السلاح فعلا

    وعلى فكرة انا زيك للاعب كونغو فو ... طلعنا زمايل

    B.R
    Mohamed Bisheer



 
صفحة 2 من 4 الأولىالأولى 1 2 3 4 الأخيرةالأخيرة

المواضيع المتشابهه

  1. للترفيه فقط .... ذكريات مع اللجان الشعبيه
    بواسطة Mahmoudyoussif في المنتدى المنتــــــدى الاجتمــاعى
    مشاركات: 54
    آخر مشاركة: 18-11-2013, 12:50 PM
  2. مهزلة زاهى حواس يطلب من اللجان الشعبية حماية الآثار المصرية
    بواسطة dayun في المنتدى المنتــــــدى الاجتمــاعى
    مشاركات: 3
    آخر مشاركة: 02-03-2011, 06:41 PM
  3. فاكر اول مرة سوقت فيها.ايه بقى اول مصيبة عملتها ؟؟؟؟
    بواسطة himatros في المنتدى المنتــــــدى العـــــــــــام للسيــارات
    مشاركات: 21
    آخر مشاركة: 04-04-2009, 03:18 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2