الموضوع: فاكر اللجان الشعبية .. أحكلنا حصل معاك فيها اية ؟

وعند واحد صحبى فسكندرية .. موقفين واحد فالكمين مش بيعرف يقراء ولا يكتب بيقول رخصك .. الراجل ادله كرت atm الواد أخد الكارت وراح عن النمر بص للنمره وبص للكرت ... وادله الكارت قاله تمام .. أمشى ... طبعا صحبى وصابه كانه على الارض والسواق مقدرش يمشى بالعربية من كتر الضحك

وده موقف شوفته على النت بس جامد

حدث أيام اللجان الشعبية

و انا ماشي بالعربية وقفت في لجنة من اللجان الشعبية فواحد قالي هات رخصك اديته الرخصة بص فيها كده لقي مكتوب وزارة الداخلية، قالي ايه انت ظابط قولتله لا دي وزارة الداخلية هيا اللى بتطلع الرخصة، فضلت ساعه اقوله و الله ما ظابط و هوا يقولي لا انت ظابط و مكتوب وزارة الداخلية اهو، لحد ما جيه واحد وقالي امشي وانا هفهمه

المشاركة الأصلية كتبت بواسطة ahmedcar

انا كنت مسئول عن جراج العربيات :) ركبت كميه عربيات فى الثوره دى فظيعه

احلى حاجه ابويا كان بينزل يصلى الفجر و بعد الصلاه يجيب اصحابه و يقعديعملهم زلابيه و ياكلونا :)

و دى الفتره الوحيده اللى كنا بنشوف فيها الناس الكبيره فى المنطقه بعديها كله شباب و احلى تجمعات كانت من بعد العشاء كانت ايام رائعه عشت قد ماعشت دول احلى 5 ايام فى حياتى

هى العربيات وراك وراك ياحمد حتى فاللجان الشعبية .. انت المفروض تفتح ورشة يابنى والله

المشاركة الأصلية كتبت بواسطة axel

و الله فيه تفاصيل و مواقف كتييير مرضتش اكتبها عشان لقيت نفسي طولت اكتر من اللازم كان كل شوية و كل يوم مواقف تموتنا من الضحك
و شكلنا يا زميلي هنطلع جيران و انا معرفش كمان كنت بتلعب يه ساندا و لا اساليب و لا وصلت للوينج تشن عالطول هههههههههههه
ايوة اداني الآلي كان داخل ع الكمين و كويس اننا عارفينه لأنهم لابسين مدني و معاهم طبنجات و بنادق الي انا شوفتها من هنا عيني زغللت عليها من هنا بقوله حلو الكلاشينكوف اللي معاك ده ورهوني كده و اداهوني شديت الاجزاء و بقوله خلاص اشطة سيبه انت و خلص لفتك و تعالي خده هههههههههه و في الاخر بعد شوية اخده تاني حاولت ادخله في النانشكو رفض ههههههه المنطقة كلها بقت بتحسدني اني اخدته و انتوا بقي عارفين الحقد اللي بيحصل و سمعت الكثير من العبارات المعتادة : الله يسهلو - ماشية معاك يا عم -اللي اداك يدينا يا سيدي و لا الحاجات ديه مش بتطلع غير لقائد المقاومة و غيره بقي من الحقد لدرجة اني حاسس مش هعرف امسك مسدس خرز بعد كده

انا كنت بلع ساندا واساليب وواخد بطلولات فالساندا ... والاساليب شمالى وجنوبى وشوية اساليب اكيد انت على علم بها .. انا 8 سنين .. ونفسى ارجع اتمرن تانى

وكمل احكلنا مغامراتك ؟؟؟ انا لسه هكتب الجزء الثانى كان فى معركة اللى حصلت عندنا

انا السلاح بتاعى غريب شوية ... كورباك سودانى متزيت وكان اوعى .. كل اللى يعدى على الكمين يسألنى ده سودان اقوله اه ... كنت بلعب بى زى الزانه بظبط ...

بس صحبك كان اسد

المشاركة الأصلية كتبت بواسطة axel

ههههه يا مرعب كان معانا واحد معاه كورباج بس مش سوداني و كان عندي اسلحة تانية عاملها بايدي برده زي ماسورة ستارة من الحديد بتاع زمان ركبت في طرفها سكينة بقت رمح و سكينتين مطبخ لزقتهم بقوا عكس بعض اللي يمسك يمسك من النص و يتعامل و عصاية خشب و متظبطة مسامير من اللي قلبك يحبه و قاعد ف الشارع اعمل كل شوية حاجة بدل الزهق هههههههههههه و طبعا مش بنزل بيهم كلهم كنت كل يوم انزل بحاجة فيهم بس اللي كان ثابت معايا اغلب الوقت النانشكو صاحبك برده مدرب ع استخدامه
كان من اطرف المواقف الكلاب البلدي اللي وقفت معانا و كانوا عاملين لوحدهم لجنة فعلا سبحان الله كأنهم عارفين احنا واقفين ليه كانوا يقفوا كلهم متجمعين عن غفير قبل الكمين و مربعنا بكام عمارة و اي عربية او شخص بس يعدي يا ليله يا سواد ليله لغاية ما يوصل لنا و هم يرجعوا تاني هههههههههه فقولنا نغامر و نتمشي لببرة المنطقة كمجموعة لقينا الكلاب بتهوهو علينا احنا فبقولهم انتباه يا كلب منك ليه و الا هدوركم مكتب و كله ميت ع نفسه من الضحك

كملنا انت بقي الجزء التاني من اللي حصل و منقطتك فين و عيش عايزين الموضوع ده يبقي موسوعة لما حدث في اللجان الشعبية

نكمل الجزء التانى

انا بعد مروحت وطمنت على ابن عمتى فالمستشفى .. وكانت اصابته فالعين اثر طلقة مطاطى الدكتور لما عارف عمله معمله الابطال بجد بجد ورفض يتقاضى اى أجر ... وخلصنا وانا داخل الجراج والدتى اتصل بيا قالتلى اختك عند حمتها وعايزاك تروح تجبها عشان خايفة ,, قولتها خليها هناك .. من هنا لهنا ماما اثرت ان لازم اروح اجبها .. طبعا الوضع كان عادى ومجاش فيبالى ابدا انى هقابل البلطجية تانى ... قولت ماشى .. أخدت صديق ليا وتوجهت على بيت حمات اختى اللى بتبعد عننا 10 دقائق مش تقريبا ... قولت اختصر وقولت ادخل من شارع اشبه بالسوق لكن الغريب انه كااااان زحمة جدا جدا جدا بطريقة لا توصف بجد وكالعاده الشعب المصرى لما يكون فى اى ينوع من الازمات لازم ينزل يلم كل حاجة من مستلزمات البيت ... وانا وصحبى بنتكلم والدنيا عاديه جدا .. وفجأه .الوضع يتغير 180 درجة حاله زعر وخوف سيطرت على كل الناس من حولى .. والناس بتهرب فالاتجاه المعاكس ليا واللى كان بيشترى حاجة سبها وجرى واللى ساب محلة وجرى وصوت صويت وصوت ضرب ... مشهد عمرى مهنساه فحياتى ... كان على لمينى فورن عيش وبعده محل جزارة وعلى شمالى بتاع خضار وصيدليه ... وصحبى بيشد فيا وعمال يقولى ياله نرجع ياله نرجع عشان نقولهم فالبيت ونحمى بتنا... وانا واقف فى مكان مش بتحرك وكل اللى فاكرة ان البلطجية بتوع امبارح شتمه جارى وتوعدوله انهم لما يرجعه هيطلعه يختصبه مراته ...
" طبعا متخيلين هم قاله اية بظبط "

هكملكم لما اروح عشان انا ماشى دلوقتى من الشغل