سؤال عن لون حوض المنديو

**mohnsar** · 18-01-2012 04:29 PM

السلام عليكم

كنت بتفرج علي منديو 98 لخويا معروضه عليه ب 28000 كامله بس لقيت الشنب لونة اسود تقريبآ مع ان العربية لونها زيتوني فسألت البايع قلي هيا الفورد كده زي البيجو لون الحوض واحد في كل العربيات المهم احنا مخدناش العربيه علشان في صوت في الموتور عالي الميكانيكي ال عليه كستبنات بس حابب اسأل علي موضوع اللون ده صح ولا غلط لان اخويا ركبه في دماغه اما المنديو او الدايو سبيرو

**MIDOCOOL23** · 19-01-2012 09:09 AM

السعر قليل اوى على العربيه دى خد بالك سعرها من 35000 الى 45000 حسب حالتها يعنى 28000 دا رقم غريب

**aYaBooY** · 19-01-2012 10:29 AM

هو لون الحوض كله مختلف عن لون العربية الخارجي و ده عادي بس بيكون لوم الحوض كامل مش لون الشنب بس
و عموما لو لعربية زيتوني او زيتي بيكون الحوض اسود و لو حمراء بيكون الحوض احمر مط و لو فضي بيكون الحوض سمنى
بس تخلى بالك من الدواخل كويس
و برده رقم 28 ده غريب قوي العربية توبها من 35 لـ 45 حسب حالتها
و نصيحة متاخدش اي فورد متهانة علشان صعب قوي ترجعها كويسة