هنسفيد ايه لو عرفنا صفات الحرامى البلدى
صفات الحرامى البلدى
1- شكله مبهدل
2-يقعد فى اماكن غريبه فى الشارع على عربيه - رصيف -ارض-ماشى يتلزق فى حاجه الناسه
3-جبان وتافه يحب يكون قريب من البيت او المكان اللى يعرفه عشان لو حد جرى وراه يعرف يجرى منين ويستخبى فين ولو اتزنق يلاقى اللى يساعده ويخلصه ولو قفشت خالص يلاقى اللى زيه من نفس المنطقه مش هتيجى عليه و بالنهار يمشى يدارى نفسه
4- يحب الأماكن اللى فيها مساحات فاضيه مفيهاش ناس موجوده بأستمرار تحت كوبري قدام شركه مكان فيه عربيات كتيير راكنه ولو فى ناس كتيير تبقى غريبه عن المكان فمش هتعرف انه هو اللى غريب
5- يشمشم على الحاجه الأول ولما الدنيا تهدى يرجعلها تانى
6- يعشق الحاجه اللى سرقها قبل كده ويدور على اللى شبها تانى عشان سهله فى السرقه والتصريف
7- يعيش فى الأماكن العشوائيه والناس تأثرهم منهم بسيط يمكن عشان احساسهم بمعاناه الحاجه والفقر فبيصعبوا عليهم ويسيبوهم او انهم من ضغوط الحياه وصعوبه المكان مش شايفينهم ولا سمعينهم او طالما الحراميه ملهاش دعوة بيهم يبقى هما كمان خليهم فى حالهم
8- يطلع على الأماكن الأرقى يسرق ويرجع تانى عشان لو قعد فتره هيبقى ملفت الا لو فى حرامى زيه قاعد فى ارض فاضيه ولا جراج
9- ميفرقش معاه الضرب متعود عليه
10- لو اللى قدامه جري منه يؤذيه ولو انضرب يهز ديله ويعوى ويعمل قطه -ويقول غلبان سيبوه
11- لو الناس ضربتهم بالنار تبقى مشكله ولو اتصلوا بالمسؤل عن لمهم حلنى وياخد الحرامى وصاحب العربيه مع بعض عشان تبقى خصومه شخصيه والعربيه تتحجز بقى وشغلانه
12- يعنى لوحرامى سرق منك عربيه فى معظم الأحيان هيبقى قريب من المكان وممكن يرجع تانى يشوف غيرها
