استطلاع : هتعمل ايه لو اكتشفت ان زوجتك او خطيبتك ...

هتعمل ايه لو اكتشفت ان زوجتك او خطيبتك بتدخل موقع نسائي من اللي بالي بالك وبتتكلم عنك في صورة شكوى من بعض تصرفاتك او بتقول اسراركم او وده الاهم للمتزوجين بتتكلم في حاجات شخصية مينفعش تخرج براكم انتم الاتنين خصوصا بقى لو سهل التعرف عليها من الاقارب والمعارف والجيران من صور ولادكم مثلا في توقيعها او صور للشقة في بعض المواضيع اللي تخص الديكور او من الاسم
انا عن نفسي مذهولة من اللي بشوفه في بعض المواقع ومن انجراف الكثيرات في الحديث واللت والعجن ولا كأنهم قاعدين في قعدة صحاب بين 4 حيطان مع العلم ان ضد الاسلوب ده حتى مع اقرب الاقربين
هتتصرف ازاي لو اكتشفت ان اسراركم الشخصية جدا موجودة على موقع نسائي ؟؟؟
هتقول عادي خليها تفضفض متفرقش معاك
هتنصحها بالذوق ان كدة غلط وتطلب منها عدم التكرار
هتثور وتتخانق ومش بعيد تضربها وتمنعها من دخول الموقع ده او تمنعها من دخول النت نهائي

مش فاهمة ازاي المدة المتاحة لادراج الاستطلاع 3 دقايق بس من كتابة الموضوع !!! على مافكرت في النقط كانت المدة انتهت ياريت الاشرف يدرج الاستطلاع

تم ادراج الاستطلاع
مشرف عام 1

مش جايز فعلا الراجل مقرف وطلعها عن شعورها
يبقى حقها
لكن لو لت وعجن اعتقد فيها انفصال

طبعا تصرف مرفوض تماما ولازم طبعا هيبقى فى عقاب على افشاء اسرارنا الخاصة (مش هتوصل للضرب يعنى:khd: ) لكن هيبقى التصرف مختلف على حسب ان كانت خطيبتى او مراتى
عموما لو اكتشفت فى يوم الموقف ده من الانسانة اللى هتبقى او اصبحت شريكة حياتى ممكن يبقى تحذير شديد اللهجة فى الأول وان تكرر الموضوع يبقى انفصال حتى لو كان فى أولاد
تحياتى

النت دلوقتى اصبح استطلاع للمشاكل الزوجية .......... للرجال والنساء ..... بس حوار صور الولاد الكلام دة يبقى هبل عشان الواحد يلجا الى النت عشان مينفعش المشاكل دى حد يتحاور فيها لكن لو هتفضح نفسها يبقى غلط طبعاااا...... على العموم انا عارف الموقع الى بتكلمى عليه اول حرف ف صح بصراحة انا دخلته بالخطا ومش عاوزاقوليك كله كلام فارغ وعبط ....... معلش بس وجه نظرى

اقتباس:

---

المشاركة الأصلية كتبت بواسطة masterzmind

النت دلوقتى اصبح استطلاع للمشاكل الزوجية .......... للرجال والنساء ..... بس حوار صور الولاد الكلام دة يبقى هبل عشان الواحد يلجا الى النت عشان مينفعش المشاكل دى حد يتحاور فيها لكن لو هتفضح نفسها يبقى غلط طبعاااا...... على العموم انا عارف الموقع الى بتكلمى عليه اول حرف ف صح بصراحة انا دخلته بالخطا ومش عاوزاقوليك كله كلام فارغ وعبط ....... معلش بس وجه نظرى

---

الموضوع منتشر على معظم المواقع النسائية حتى الخليجية لكن المصرية بالاكتر والردود بتكون هزار ومزيد من الاسرار للمشتركات بالموضوع اكتر ماهي حل لمشكلة ما معتبرين ان محدش شايفهم غير ستات
انا بيني وبينك معرفش موقع نسائي اوله ف خالص :nemoflow:

لو اسرار الزوج والزوجة خرجت من نطاق بيتهم يبقى العلاقة بينهم فيها خلل ......
اما المنتديات
ده بصراحة تهريج
انا دايما ضد كدة
اولا ان اللي بيكتب ده بيكتب من طرف واحد .... وممكن اوي لما نسمع الطرف التاني نلاقي اللي كاتب وعامل نفسه مظلوم هو اللي غلطان
ثانيا اللي بيكتب ده بيبقي بيذيع اسرار بيته ( ولو بدون ذكر شخصيات ) على ملايين القراء ..... يعني فضايح
وغالبا معظم القراء بيقرأو من باب الفضول والتسلية ... مش تعاطف واهتمام زي ما اللي كاتب متخيل
ربنا يهدي الجميع

اقتباس:

---

المشاركة الأصلية كتبت بواسطة نور القمر

الموضوع منتشر على معظم المواقع النسائية حتى الخليجية لكن المصرية بالاكتر والردود بتكون هزار ومزيد من الاسرار للمشتركات بالموضوع اكتر ماهي حل لمشكلة ما معتبرين ان محدش شايفهم غير ستات
انا بيني وبينك معرفش موقع نسائي اوله ف خالص :nemoflow:

---

فتكات هههههههههههههههههه

احسن طريقة لحل المشكلة حل المشكله بين الزوجين ومحديش يدخل بينهم .... النت زى استماع المشكله من طرف واحد وعلى ذلك نستخرج حل مبنى على واجه نظر واحدة وهى المشتكى سواء كان الزوج او الزوجة وممكن واحد يسخن الموضوع ويقولك طلقها زى هنا فى المنتدى برده صح ... ف وجه نظرى حل المشاكل مع بعض .... اما لو واحدة عاوزة تجيب حاجة لزوجها هدية وعاوز تستشير حد ماشى اما مشاكل بلاش تطلع برة

اقتباس:

---

المشاركة الأصلية كتبت بواسطة amoor89

....... هههههههههههههههههه

---

هبحث عنه في جوجل لاني مش عارفاه :nemoflow:

"المحتارة" مش كدا؟ زوجتي حكيتلي عن القسم دا بدون تفاصيل
لازم المنتدى دا يمنع الستات من انهم يحكو عليه حاجات خاصة كدا لأن على النت مفيش حاجة اسمها خصوصية و أمان و سهل ينكشف سر كل العضوات الفاضلات و دا ممكن يكون سبب في خراب بيوت كتييييييير

البيوت اسرار و ميصحش تحت اي ظرف يبقى موجود على النت بالمنظر دا ... عايزة تتكلم تفضفض .. يبقى تتكلم مع جوزها ولا خطيبها

السيدة الفاضلة .. إلي تفرش الملاية وتتكلم ف حق زوجها مهما كانت أخلاقه
وخصوصا لو سهل إنها تتعرف هي مين
يبقا ست مش محترمة بالمرة
ومش هتيجي تعدل أخلاق واحدة كبيرة معاها عيال بعد سنين جواز.. يبقا الحل " تسريح بإحسان"

أسرار العلاقة الزوجية لما تكون مشاع لأي حد
تبقا الست خرجت عن الحدود المسموحة إلي للأسف مالهاش حل
غير الطلاق

اقتباس:

---

المشاركة الأصلية كتبت بواسطة أبومعاذ

"المحتارة" مش كدا؟ زوجتي حكيتلي عن القسم دا بدون تفاصيل
لازم المنتدى دا يمنع الستات من انهم يحكو عليه حاجات خاصة كدا لأن على النت مفيش حاجة اسمها خصوصية و أمان و سهل ينكشف سر كل العضوات الفاضلات و دا ممكن يكون سبب في خراب بيوت كتييييييير

---

على فكرة في اقسام تانية الناس بتستخدم النك نيم بتاعها ياريته مقتصر على ده وخلاص هنقول مش فاهمين
وكمان مش قصدي مشاكل بالذات في مواضيع تاني على سبيل الدردشة او الاستطلاع

اقتباس:

---

المشاركة الأصلية كتبت بواسطة نور القمر

على فكرة في اقسام تانية الناس بتستخدم النك نيم بتاعها ياريته مقتصر على ده وخلاص هنقول مش فاهمين
وكمان مش قصدي مشاكل بالذات في مواضيع تاني على سبيل الدردشة او الاستطلاع

---

أنا شايف المشكلة الأساسية في قوانين المنتدى ده اللي بتسمح ليهم يعملوا كدا

ده ايه الموقع ده بقى ؟ عايز لينك اشوف دي محتارة ليه


مفيش ست محترمة بنت ناس تفرش ملاية لجوزها على النت
مهما كان الراجل وحش

هرزعها زخروف علي وشها و اجرجرها من شعرها لحد بيت ابوها ههههههههههههههههههه

ياريت محدش يفتي والنبي بالله عليكم وهو ع البر وايديه ف المياه البارده
لما تبقا انت ف الموقف بيختلف الف مرة
ده مش معناه اني مع الحركه الزباله دي او ان اتسيحلي قبل كده عند المحتارة

وطبعا لو حصل معايه الموقف ده مش هيعدي بالساهل وممكن لو خطيبتي الموضوع يوصل اني اسيبها لان لو النهارده سيحت عند المحتارة بكرة تشوف موقع تاني معرفوش وحياتي هتبقا بقا علي كل لسان اونلاين سو وات
ولو مراتي هقولها عارفه بيت بابي يلا عليه يا حبيبتي معتقدش ان لازم نسيب الموقف يعدي كده معاكم بالزات لما يبقا موقف كبير قوي زي ده
بس الي عنده طول بال بقا وصبر في التعامل مع المواقف دي
:] ربنا يصبرنا يارب

ماهم كده كده بيطلعوها
سواء علي المنتدي او مع الأخوات او مع الأم او مع الاصحاب الا من رحم ربي

فكرتوني بمره واحده بتتصل علي قناة الناس وكان المتصل بيسال اساله في الدين يعني وكان الشيخ مصطفي العدوي

واحده بتقول زوحي مش وملحقتش تكمل قام الشيخ مروقها
قالها اوعي تقولي علي الملاء زوجي بيعمل وبيخلي ولو لازم تسالي يبقي تقولي لو زوج بيعمل كده يبقي ايه الحل

لا يصح الزوج و لا الزوجه يطلعوا اسرار بعض اي كان

بس الغريب ان الازواج بيستنكروا دا و في نفس الوقت هما بيتكلموا علي مراتتهم علي الملأ عادي

غريبه الصراحه

المحتارة ده موقع ايه ؟

انا معاكي فان الاسلوب ده حتى ماينفعش مع اقرب الاقربين لانه احيانا بدل ما يحل بيعقد المشكلة
الا بقى لو مشكلة كبيرة بجد ولازم حد من الاهل يتدخل بس برده مش اي حد
واعتقد اي مشكلة بين الاتنين المفروض ماتطلعش بره تتناقش بينهم في وقت مناسب وبصراحة من الطرفين
وراي ان ده ممكن يحل اي مشكلة
بس للاسف ناس كتير مش بتعرف تسمع وده اللي وصل الناس انها تكتب على النت
وطبعا ده اكير غلللللللط

هاشيل كابل النت واقلها لمي هدومك وانزلي في اي سيبر خليهم ينفعوكي

مينفعش طبعا ......... ايه السياح ده

مشاركة يادوبك كلام ..... المشاركة اللي بعديها صور .... حبه بحبة فيديون ...... ومش بعيد في اخر مشاركة التليفزيون يصور.

كلمها بالذوق المره دي و فهمها ان المشاكل انتو تحلوها مع نفسكوم
و لو اتكرر الحوار ده تاني يبقي حلال فيها اي حاجة

بدون ادنى زعل او اتهامى بالرجعية انا شايف ان دخول الست من اساسة على النت غلط كبير جدا الا لو كان تعليم او ايميلات شغل او حاجات زى كدة .

الموضوع ليه أبعاد كتير ... أولا انا بافترض ان كلمة أسرار شخصية الموضوع متعلق بمشاكل .. أكيد نوعيه المشاكة و أسبابها هيه الي هتحدد الموقف هيوصل لايه .. يعني لو المشاكل جاية رأسا من الزوجة و الكلام المنشور فيه شيء من تحليل واستباحة وتبرير للنفس لأخطاء بتقع فيها مع زوجها أعتقد الموضوع هيقلب جد جدا و ممكن يوصل لانفصال تام

ولو المشكلة متبادلة بين الطرفين فممكن يتم فتح النقاش عن الموضوع ومحاولة احتواء المشكلة ومحاولة التأكيد على ان المشاكل مش هتتحل على النت وأعتقد حتبقى فرصه كويسة لحل المشكلة .. مع نصيحة بعدم استخدام الموضوع ده تاني لانه خصوصيات .. الخ الخ الخ

ولو المشكلة في الزوج .. دي بتبقى بحالتين لو مشكلة الزوج نفسه أخدها بكبرياء زائد هتوصل لانفصال .. او ممكن يطلع عاقل ويحاول يشوف في نفسه الحل للمشكلة بينه وبين نفسه وبعد ما يحلها ينصح زوجته بعدم استخدام الانترنت بالشكل ده لان فيه مفسده

وأكيد طبعا وجهة نظري العامة في عرض اي مشاكل بين الزوجين على اي طرف ثالث فهي خيانة في حد ذاتها للأمانة والثقة بين الطرفين و مشكلة محتاجة حل قاطع و محتاجة شيء من التوعية الثقافية العامة عشان في ناس كتير فاهمة الانترنت بطريقة خاطئة خاااالص

على فكرة في نقطة انا موضحتهاش بالظبط معتقدة انكم هتفهموا ما بين السطور
نوعية النقاشات في الموقع بتوصل لدرجة ما يحدث في غرف النوم بين الازواج ونقاشات غالبا مش لحل مشكلة ما وانما للدردشة والهزار والضحك ده اللي استفزني فعلا ومستنكراه وقرفني

ازاي آخر مشاركة بتاريخ 20-1-2012 ودلوقتي ده أول موضوع في القسم ومكتوب آخر المشاركة بتاريخ اليوم ؟!!

اقتباس:

---

المشاركة الأصلية كتبت بواسطة أبو آسر

ازاي آخر مشاركة بتاريخ 20-1-2012 ودلوقتي ده أول موضوع في القسم ومكتوب آخر المشاركة بتاريخ اليوم ؟!!

---

التصويت بيرفع الموضوع زي الرد بالظبط.

اقتباس:

---

المشاركة الأصلية كتبت بواسطة نور القمر

على فكرة في نقطة انا موضحتهاش بالظبط معتقدة انكم هتفهموا ما بين السطور
نوعية النقاشات في الموقع بتوصل لدرجة ما يحدث في غرف النوم بين الازواج ونقاشات غالبا مش لحل مشكلة ما وانما للدردشة والهزار والضحك ده اللي استفزني فعلا ومستنكراه وقرفني

---

وتلاقي مواضيع عن اوضاع ال ..... على الفراش والبنات يقعدوا يهللوا ويطبلوا واللي تقول انا جوزي بيعمل كذا والتانيه ترد عليها دنا جوزي احسن يا اوختشي :36_2_33:
واللي تسألها اسئله عن الجنس وترد عليها الدكتورة هبه قطب مش مش هبه قطب ذات نفسها يعني دي واحده مستنكره ههههههه
معاتيه ربنا يهديهم

خلينا نتفق على حاجة .. في رأيي الموضوع مش بس يقتصر على مواقع الدردشة والمنتديات

دي طبيعة الستات بشكل عام انها تتكلم وتفضفض براحتها (وده بيحصل في اي قعدة ستات - في الشغل - في التيلفون وغيره)

مش هتكلم فى مدى حرمانية الموضوع وان في عقاب شديد من ربنا على اللى بتفشي اسرار بيتها او علاقتها بزوجها

بس في حلول عملية منها:
1- الحديث المفتوح بدون اي حدود بين الزوجين
2- ان الراجل ينبه عليها في ان الاسرار دي مينفعش تتقال لحد نهائي (سواء منتدى ولا صاحبتها) لان ممكن الزوجة متكونش عارفه ان ده حرام
3- ان الستات يبطلوا فرجة على المسلسلات التركي والهبل ده
4- مع الوقت ومن كثرة التنبيهات والتدرج فى العقاب (عقاب نفسي فقط ) والتدرج فى توجيه اللوم الشديد على افشاء الاسرار

لو الموضوع قلب بعند بقه او مفيش فيها فايدة انها تتغير بعد عدة محاولات معاها .. انا شخصيا هفضل الانفصال حتى لو كان في اولاد

في الاخر ... كمان تدين تدان
علشان احيانا الرجالة بتسرح فى الكلام ده برضه وتفضل تقول وتحكي ومستني من مراته انه متتكلمش .. اللى بتعمله .. هيتعمل فيك