-
عملت حادثة :((
السلام عليكم ياهل القسم
الحمد لله طبعا على كل حال
الحكاية انى و انا راجع من الجامعة انهاردة عملت حادثة (سيراتو 2010 )كنت ماشى و عربيتين تانى بتوع صحابى و ماشين مع بعض من اول الطريق و خلاص فى مدخل اسماعيلية عند الاستثمار (مدرسة المجمع التعليمى ) و كنا ماشين عادى فى امان الله و الطريق وقف مرة واحدة و كنت انا فى الحارة التانية و قدامى صاحبى ادانى انتظار هديت و اديت انتظار للى وراية لقيت ميكروباص تويوتا و كان هيخبطنى و هيدخلنى فى صاحبى دخلت فى الحارة شمالى كان فى عربية ماروتى و كانت لسه طالعة من ملف و ماشية 20-30 دوست اخر الفلرامل و تاكدت انى هعمل حادثة و حاولت اطلع نفسى باقل ضرر ممكن رميت على ميكروباص كان على يمينى و خبط من ناحية الفانوس شمال و خوفت ايرباج يفتح و خبط على 90 تقريبا واحد كان راكب معايا هو اللى بيقولى
المهم الخسارة عندى
1- كابوت مطبق و مفصلاته اتحركت للجنب
2- فانوس شمال
3- شبكة مش بايظة اوى ممكن تركب
4- رفرف فيه عوجة بسيطة جدا
5- حاسس ان فى حاجة فى العجلة الشمال زى رافة او عجلة مش مربوطة كويس كانت مش موجودة اول ما مشيت و بتزيد دلوقتى جامد
انا راكن العربية دلوقتى و عايز اعرف سعر الفانوس شمال و كبوت
ادى الصور
20120118211136978500.jpg
20120118211146703125.jpg
-
السلام عليكم
ربنا معاك و يصبرك
سعر الفانوس شمال صينى امامى ب 175 جنيه من التوفيقيه و هو اخو الاصلى فى الشكل و كده كده الاصلى فيه عيب صناعه بيسرطن بعد فتره .يبقى توفر و تجيب الصينى .و ممكن تلاقيه بسعر افضل كمان و الله اعلم
معرفش تمن المفصله و الكبوت .بس ممكن تجيبهم استيراد.
ربنا معاك يا معلم
-
-
الف سلامة عليك وفداك
والحمد لله انها جت على قد كدة وبسيطة ان شاء الله
-
-
الحمد لله انها جت على قد كدة بس شكلك كنت بتجرى جامد
عموما خلى بالك لأن طريق الاسماعلية طريق بايظ و الجرى عليه وحش علشان مليان مطبات هوا ودى بتقلل عزم الفرامل
-
الف سلامة عليك يا احمد وبأذن الله بسيطة
فى تأمين عندك ؟
جرب الاول تصلح عند حد يكون ثقة ...او انزل بورسعيد او الحرفين علشان الكبوت
بس بلاش تمشى بالعربية لحد ما تشوف موضوع العجلة الشمال .
-
-
الف سلامه عليك وفداك ميت سيراتو
-
الحمد لله انها بتيجى فى الحديد و الله .
اللهم أجرك من مصيبتك و أخلفك خيرا منها.
Content Relevant URLs by
vBSEO 3.6.0 PL2