تعليم قيادة السيارات ولا الممارسة والخبرة ؟

**hazem_khidr** · 16-06-2007 02:48 PM

أولا: الركن ودى حاجة ضرورية جدا لإنك لما تاخد العربية وتروح بيها مشوار مش هينفع تسيبها كده فى الشارع من غير ما تركنها كويس. عشان كده لازم تركز على تعلم الركن قبل ما تفكر تطلع أى مشوار بالعربية.

الركن سواء حتركن العربيه بالطول او العرض بين عربيتين بتعمل حاجه ظريفه و بسيطه و هو انك تقف علي بعد نص متر من العربيه اللي حتقف وراها و تكون موازي ليها و نص عربيتك عند نص العربيه التانيه و تبدا تكسر الدركسيون(لما تقف علي بعد المسافه دي عمر عربيتك ما تخبط في العربيه التانيه مهما كسرت) و بعدين ترجع بضهرك و اول ما تحس ان العربيه حتخبط في الرصيف تبدا تلف الدركسيون علي الناحيه التانيه حتلاقي العربيه دخلت مضبوطه و بالتمرين حتلاقيها جات معاك اضبط و تقدر تقلل الماسافه عن نص متر

ثانيا: اليوترن أو كيفية الدخول من طريق فرعى إلى طريق رئيسى ودى محتاجة مهارة فى الانتقال من حالة الحركة إلى حالة الثبات والعكس وكذلك محتاجة تقدير سليم لتحركات السيارات الأخرى.

دا بقي لازم تقف خالص و تشوف الطريق كويس و لما تطلع تحاول تطلع بسرعه و تاخد سرعتك مش تطلع براحه علشان ما يجيش حد يخبطك و خصوا لما تبقي علي السريع.و لما تلف شمال تاخد الملف علي الضيق و لما تلف يمين تاخد الملف علي الواسع

**عزيز محمد** · 17-06-2007 01:16 PM

السلام عليكم ورحمة الله وبركاته

شكرا يا أستاذ حازم على النصائح المفيدة بصراحة المشكلتين دول كانوا هما العقدة عندى لكن بفضل الله اتحلوا

وكمان الحمد لله مع الميرا ماعدش فيه مشكلة فى الركن :D :D :D

وجزاك الله خيرا

**hazem_khidr** · 17-06-2007 03:55 PM

لما تلف شمال تاخد الملف علي الضيق و لما تلف يمين تاخد الملف علي الواسع

سوري يا جماعه انا اتلخبط و انا بكتب المفروض لما تدخل يمين تاخده علي ضيق و الشمال تاخده علي واسع .\
و لما تبقي علي السريع المفروض لما تلف اكيد حتلف يوترن علي الشنال ف بتاخد علي واسه برضه علي اخر حاره علي اليمين علشان المفروض اليمين هو للسرعات البطيئه بس برضه لما تدخل تخش باقصي سرعه تجيبها ما ينفعش تاخد اليوترن بسرعه قليله وو بعدين تاخد سرعتك و تنقل علي الشمال عادي بعد ما تبص في المرايه طبعا

شكرا يا أستاذ حازم على النصائح المفيدة بصراحة المشكلتين دول كانوا هما العقدة عندى لكن بفضل الله اتحلوا

العفو يا استاذ عزيز دا اقل حاجه المشكله ان الواحد في دماغه قواعد كتير و مهارات كتير بس من كتر الممارسه الواحد بيفتكر انها عاديه و بينساها و يا ريت لو حد عاوز يسئال عن اي حاجه يسالني و انا ان شاء الله اجاوبه.انا كنت باخد حصص سواقه علي حلبه اتودرم بدبي لتعليم القياده الرياضيه و و في حاجات كتير ان شاء الله احاول اجمعها في موضوع واحد للناس

**khaled2000** · 17-06-2007 10:01 PM

والله يا جماعة أنا مش عارف أشكركم ازاي علي النصائح الغالية دي

**ihab** · 18-06-2007 10:30 AM

المدرسة اولا و يا حبذا لو لقيت فيها نفس ماركة السيارة التى ستشتريها
بمعنى ان انت لو ناوى على شراء سيارة فيرنا مثلا يبقى تحاول بقدر الامكان لو لقيت مدرسة بها هذه السيارة لكى تقوم بقيادتها اولا و التعرف عليها عن قرب و بوجود مرشد او معلم و ده حايديلك فرصة كبيرة من الالمام بها و ابعادها و فراملها و اجهزتها قبل ان تقوم بالقيادة بمفردك
و اخيرا الممارسة هى التى تصقل خبرة القيادة
و كل موقف تتعرض له يعطيك خبرة اكثر و ربنا يوفقك ان شاء الله و مبروك مقدما العربية

**theknight** · 05-01-2010 11:09 PM

ممكن ياجماعه تقولولى اسم مدرسه لتعليم السواقه و نظامها اه فى الوقت والفلوس

**Eng_AmrAllam** · 05-01-2010 11:15 PM

هي المفروض الواحد يطلع الرخصة وبعدين يبتدي يتعلم
بأمانه تحيا مصر
انا بردة واحد صاحبي عمل كدة
بس بجد نصيحه اخوية يا اخ خالد اتعلم الاول كويس جدا
وحاول تمشي بالعربية كتير قوي وفي اوقات الشوارع فاضية الاول
واتعود علي العربية ومتستعجلش في تعلم السواقة
عشان السواقه ممارسة وبعدين ابتدي سوق
عشان صاحبي طلع رخصة وركب العربية وبهدلها اخر بهدلة