تعليم قيادة السيارات ولا الممارسة والخبرة ؟

**khaled2000** · 14-06-2007 05:03 PM

السلام عليكم ورحمه الله وبركاته
بصراحه يا جماعه المنتدي أخر روعة ومفيد جدا
اخوكم عضو جديد معكم وان شاء الله سوف أشتري سيارة جديدة خلال شهر
ولكن
أنا مبعرفش أسوق أوي بمعني أني أعرف أطلع بالسيارة وأعطيها جميع غيارتها بس تنقصني الممارسه لعدم وجود سيارة
يعني من الأخر كدة بسوق بنسبه 40% كويس ومعايا رخصة
السؤال دلوقتي هو أروح أتعلم القيادة في مدرسة تعليم ؟ ولا أستني وأتعلم علي السيارة اللي هشتريها واحدة واحدة؟
وهل في قواعد عامة للقيادة أو ممكن أستفيد من من خبراتكم في مجال القيادة ( أرجو ألا تبخلو علي بخبراتكم )
وجزام الله عني خير الجزاء

**memo_hefnawy** · 14-06-2007 05:08 PM

أهلا بيك منور يا خالد :)

المدرسة فى الأول أفضل طبعا عشان يكون معاك واحد يدربك و بعد كده هاتكتسب الخبرة مع الوقت إن شاء الله :)

أهم حاجة تعلمك السواقة هى التركيز مع أى حد سايق و إنت قاعد بجواره :) ده التعلم بالملاحظة :)

**أبو عبدالله** · 14-06-2007 05:10 PM

أهلا بك يا خالد ومنورنا ان شاء الله

وفعلا زي ما قالك محمود المدرسه في الاول طبعا بتيجي بفايده انك هتلاقيك عرفت حاجات ممكن تكون مكنتش واخد بالك منها او مش عارفها وهو ده فايدتها وان شاء الله موفق بإذن الله

**Driver** · 14-06-2007 05:34 PM

التعليم الاول....و بعد كده مع نفسك :D

**Abo_Lina** · 14-06-2007 05:36 PM

الممارسة هيا اساس القيادة..

لان ما ستتعلمه في المدرسة من قواعد القيادة السليمة ليس له علاقة بما يحدث في شوارع هذه البلد..ولا يوجد من يطبقه

عموما القيادة ليست فقط القدرة على تحريك السيارة ولكن ايضا تركيز و تقدير مسافات وحاسة سادسة و توقع الخ,,,وهذه الاشياء لا تاتي الا بالممارسة..

وبالتوفيق

**hazem_khidr** · 14-06-2007 08:38 PM

انا من رايي تشوف سواق تاكسي كويس يدربك احسن و بعلمك ازاي تاخد الملفات و ازاي ترجع بضهرك و الحاجات دي علشان دي روح السواقه .السواقه مش انك تنقل و تجري لاء السواقه اكبر من كده بكتيير و الحاجه الوحيده اللي كل ما بتمارسها بتتعلم منها .
اهم حاجه و انت سايق تبقي عارف عجل عربيتك رايح فين!!!!!!! لو فهمت الجمله دي كويس و حطيتها في دماغك تاكد انك حتسوق كويس من غير اي مشاكل و طبعا الالتزام بالقواعد ممكن يكون نص الشعب مش ملتزم بس اللي ملتزم عمره ما بيجرا ليه حاجه و انت لسه مبتدئ معني كده انك لازم تبقي ملتزم و يا سيدي لما تبقي متمرس ابقي اعمل اللي عاوزه بس خلي بالك ان كل حاجه ليها عواقبها يعني لما واحد يخش في شارع مخالف و يقولك انا عارف انا بعمل ايه و تيجي عربيه في وشه و يخبطها ساعتها مين اللي غلطان؟؟؟؟ ف متحاولش تحط نفسك في وضع يخليك تقول اسف او يخليك تتكلف تصليح عربيتك و عربيه غيرك.
انا مثلا لحد انهارده مهما كان الشارع فاضي لا اكسر اشاره ولا امشي مخالف مش خوف من المرور لا خوف علي ارواح الناس و خوف علي نفسي .و ربنا يكرمك ان شاء الله بس كل حاجه ليها وقتها ما تقولش انا عاوز اجري و كلام من دا الاول تاخدها براحه و بعدين حتلاقي نفسك بعد كده ايدك و رجلك بيتحركو لوحدهم .و الله المستعان

**memoo305** · 14-06-2007 09:53 PM

قيادة السيارة عبارة عن توافق عصبي بصري . التوافق ده مش هيجي غير بالممارسة(سواقين الميكروباص والتاكسي ماأعتقدش أنهم راحو مدرسة ولا يعرفوا أصلاً حاجة أسمها قواعد المرور :mrgreen: )
.يعني مثلا علشان تعرف تركب عجلة لازم تمارس ركوب العجل ولو حد قعدمن هنا لغاية بكرة يشرحلك أزاي تركب العجلة نظري مش هتعرف غير لما تجرب .
بإختصار وبدون تعقيد خذ القواعد الأساسية من أي جهة تدريبية وإشتغل مع نفسك (يعني مثلاً أبتدي أعمل مشواير بالعربية الصبح بدري قوي)حبه حبه هتلاقي نفسك بتعرف نسوق.

**memoo305** · 14-06-2007 09:54 PM

**Abdallah** · 15-06-2007 12:13 AM

اكيد المدرسة اولا علشان تاخد القواعد والاسس والازمة للقيادة وبعد كدة ممكن تجرب بنفسك لوحدك فى مشاوير قصيرة وغير اوقات الذروة ومتحاولش تمشى فى شوارع زحمة وضيقة فى الاول عشان متحبطش.

**khaled2000** · 15-06-2007 12:40 AM

يا جماعة أنا مش عارف أشكركم ازاي علي الأهتمام بموضوعي وسرعة الرد علية
وجزاكم الله كل خير

الموضوع: تعليم قيادة السيارات ولا الممارسة والخبرة ؟

LinkBack

أدوات الموضوع

عرض

-

-

-

-

-

المواضيع المتشابهه

تعليم قيادة السيارات , فيديو وبالعربى

لأول مرة بمرور بني سويف أحدث نظم تعليم قيادة السيارات لأبناء المحافظة

برنامج تعليم قيادة السيارات ( اسطوانه أصليه ) 3d

تعليم قيادة السيارات على سيارتك

مدرسه تعليم قيادة ؟

الكلمات الدلالية لهذا الموضوع

المفضلات

المفضلات

ضوابط المشاركة