عمرة الموتور وتصليح الفتيس يتكلفة كام لعربية 127

صباح الفل
انا عندى عربية 127 مو82 2 باب والعربية عملت معايا مشاكل كتير بالنسبة الى الموتور الموتور خفيف ولسة مش عارف هخش فى عمرة كاملة ولا نصف عمر اما بالنسبة للفتيس فهو بيعض فى الثانى والثالث واعتقد ان المشكلة فى الغوايش بتاعة الفتيس لانى لسة مركب من كذا شهر طقم دبرياج جديد المانى وطبعا قبل لما اركب الطقم بردة كانت بتعض فارجوا من سيادتكم توضيح الأتى لآنى ناوى اوديها الى الميكانيكى يوم الجمعة القادم ياريت توضحولى الآتى :-

1- فى حالة لو الموتور عايز عمرة كاملة يتكلف اد اية خامات واد اية مصنعية .

2- فى حالة الموتور عايز نصف عمر يتكلف اد اية خامات واد اية مصنعية .

3- الفتيس يتكلف اد اية خامات يعنى الغوايش دى بكام واد اية مصنعية .

وشكرا وياريت من جهابزة المنتدى يردوا عليا قبل يوم الجمعة

بص يا سيدى:

نبدأ الأول بمستلزمات نص عمرة:

1- طقم صباب (لاتشترى غير صباب فيرا ايطالى اصلى) :120 جنيه
2-طقم شمبر (افضل ما فى السوق ماركة كوفاب برازيلى): 130 جنيه
3-طقم سبيكة كرنك المصانع الحربية: 50 جنيه
4-طقم سبيكة كامة المصانع الحربية :50 جنيه
5-طقم دلايل وكاوتش صباب:50 جنيه
6-طقم هلالات كرنك: 50 جنيه
7-طقم جوانات: 60 جنيه
8-طقم كهرباء: 60 جنيه
مجموع الخامات :570 جنيه
مصنعيات: 100 جنيه خراط وش السلندر و 250 جنيه ميكانيكى
مجموع المصنعيات : 350 جنيه
المجموع الكلى:920 جنيه ، يعنى قول 1000 بالفكة

لو عمرة كاملة ستشمل كل ما سبق ويضاف الآتى يضاف الآتى:
1- طقم مكابس (بستم) : من وال 200 جنيه للتايلاندى وحتى 500 جنيه للأسبانى مرورا بالتركى والإيطالى ، وانت وراحتك فى الاختيار
2-مصنعية خراط البلوك والكرنك : 350 جنيه

المجموع: 920(مجموع ما سبق)+200+350=1470، يعنى قول 1600 بالفكة والاكراميات

مصاريف قد تزيد بحسب الحالة:

عمود كرنك كامل لو عمودك متآكل، حوالى 150 جنيه
وش سلندر كامل لو الوش بتاعك متآكل: 450 جنيه
كاربراتير، لو كاربراتيك حالته سيئة: 250 جنيه لو مستعمل 550 لو جديد
عمود كامة لو عمودك متآكل:100 جنيه
عمود تاكيهات لو عمودك متآكل: 120 جنيه

بالنسبة للفتيس:

غويشة غيار واحد فى حدود 120 جنيه، و60 جنيه فك وتركيب

طب اقولك .. انا قدامي موتور اونو 1000 سيسي ... مش يبقي احسن من العمره ولا ايه ...... نشجع الحبايب بقي شويه هعهعهعهعهع

اشكركم جدا على الرد

جزاكم الله خيراً

معلش يا ماجد
أنت غيرت طقم الدبرياج بكام
الثمن الأصلى والمصنعية