الموضوع: صيانة الالف يونيتد جروب

اولا: 1000 مبرووووووووووك يا حسام باشا ع العربية والصيانة
ثانيا: بخصوص اسئلتك

المشاركة الأصلية كتبت بواسطة hossam_bonie1

1- وانا هناك قالولي ان التكييف نازل من غير فلتر والفلتر بتركيبة ب 180 ج
هل سعره كويس وهل هو ضروري جدا للسيارة ؟

فعلا العربية بتنزل من غير فلتر تكييف واكيد وجوده مهم فى العربية للحفاظ على كفاءة دورة التبريد والهواء ايضا داخل الصالون خاصة فى الصيف بالاضافة لمنع الاتربة وخلافه فى حال وضعية دخول الهواء من الخارج وعن نفسى لم اركبه الا بعد مرور سنة على عربيتى وتحديدا فى 6-2011 وكان مجانى ضمن حملة فحص فى بداية الصيف وكثير لحد دلوقت ما ركبهوش .. ممكن تركبه او تأجله لبداية الصيف باذن الله وهو ثمنه فعلا 180ج

المشاركة الأصلية كتبت بواسطة hossam_bonie1

2- لما بعمل مشوار كبير بالعربية 70-100 كم مثلا لما ابطل وانزل من العربية بسمع صوت تكتكة جاي من الكبوت طول مالعربية سخنة وبيهدي ويقل مع الوقت مش عارف ليه ؟

الصوت ده طبيعى جدا ومش بس فى الصنى كمان فى اغلب العربيات الجديدة وبيبقى من سخونة الموتور وبيبقى كتير واضح فى الاول لأنى دلوقت مش بالاحظ التكتكة دى اوى زى الاول

المشاركة الأصلية كتبت بواسطة hossam_bonie1

3- لما باخد مطب والعربية سرعتها تقل وبعدين لما اجي اطلع من المطب وازود السرعة بلاقي ال rpm بيزيد ل 3-4 مع صوت عالي للموتور في حين سرعة العربية لسه قليلة
السرعة بعد كده بتزيد تدريجي مع ال rpm مش عارف ده عادي ؟

ده بسبب سرعتك قبل وبعد المطب وعربيتك اتوماتيك ونقلها بيكون حسب سينسور ضغطة دواسة البنزين وحاول فى فترة التليين الاولى ما تكبسش بنزين جامد والrpm ما يزيدش عن 3-3.5 وده عن طريق التسارع التدريجى عشان الفتيس ينقل براحته بدل تشبيع الغيار
غير المانيوال بتتحكم انت فى النقل وفى المطبات غالبا بعده بتدى الغيار الاول وتمشى او التانى لو المطب مش عالى

واخيرا واضح من كلام حضرتك ان دى اول مرة تركب فيها اتوماتيك وياريت لو تقولنا كنت راكب ايه قبل الصنى عشان نتعرف اكتر على احساسك بالعربية اللى اكيد بيختلف من واحد للتانى واكيد لا اراديا بيتم عمل مقارنات داخلية واسلوب ونمط سواقتك بيكون ذاتى وتلقائى دون تفكير