أبو غالي حيث لا قيمة للمستهلك !
السلام عليكم ورحمة الله
فعلا أبو غالي هو المثل السىء للضحك علي المستهلك المصري
وهو المثل السىء لعدم الاكتراث بنتفيذ العهود
مشكلتي تتلخص فيما يلي :
قرأت مثلما قرأ الملايين العرض المغري لابو غالي في اواخر سنة 2007 بالاشتراك مع بنك الاسكندرية ومنصور شيفورلية العرض التالي :
1- فائدة للتقسيط ميسرة جداً
2- دفع الاقساط من اول 2008
3- التامين علي السيارة اول سنة مجاناً
4- كوبونات بنزين بقيمة 1200 جنية مجاناً
5- صيانة للعربية المشتراة اول سنة مجاناً
واما اغراء العرض اخترت فعلاً ابو غالي كاسم كبير ومكان اثق فية (مع اني مجربتهوش) وفعلا ابرمت الصفقة
وعند سؤالي عن نوع العربيات الداخلة بالعرض قالولي كل العربيات ستتمتع بهذا العرض فيما عدا عرض الصيانة المجانية تتمتع به فقط عربيات شيفورلية
فقلت اوك وانا نفسي في الافيو وحاولت احجزها فعلا الا ان كا من بالمعرض قالولي بلاش احسن بتتأخر جدا في التسليم
بناءاً علي طلب كل من في ابوغالي غيرت رأيي وحجزت عربية هيونداي فيفا وقالولي حتلاقي عندنا اسرع استلام
وطبعا لن ادخل في تفاصيل المهاترات التي رأيتها من أبو غالي اللي سلمني العربية بعدها بشهر ونص تقريبا
وبالفعل دفعولي سنة تأمين علي العربية مجاني ولكن ........
اكتشفت ان الصفقة دي داخل فيها 3 أطراف – بنك اسكندرية و أبوغالي – ومنصور شيفورلية
1- بنك اسكندرية صاحب عرض سنة تأمين مجاني وهو فعلا بنك محترم لانة دفعة علي طول
2- منصور شيفورلية – صاحب عرض سنة صيانة مجانية – وطبعا التزم بيها لعربياتة هو فقط (افيو واوبترا)
3- أبو غالي النصاب هو صاحب عرض كوبونات البنزين – وطبعا لا تتخيلوا مدي عدم الجدية ومدي الاستخفاف بالعملاء اللي لاقيتة منهم
كل اسبوع يقولولي خلاص الاسبوع اللي جاي حنصرفلك وهكذا حتي يومنا هذا
وشوية يقلولي : "مش عارف انت لية محموق قوي علي الهدية ، دي مجرد هدية" –ونسي اني فضلتة علي كثير من تجار السيارات بسبب تلك الهدية-
وللاسف لاننا معندناش حد بيراعي حقوق المستهلك اتصلت بية اخر مرة لقيتة بيقولي –بعد 6 شهور من المماطلة- "أصل عرض كوبونات البنزين كان علي الشيفولية بس" تخيلو مدي الاستخفاف بالعملاء
وعلي هذا اتصلت بجهاز حماية المستهلك واعتقد انهم مش حيعملوا حاجة
وعوضي علي الله -
عموما نصيحتي الاخيرة احذروا من هذا النصاب المدعو أبوغالي
وياريت لو حد كان داخل في العرض دة يقولي صرف الكوبونات ولا لأة لكي يطمأن قلبي
شكرا والسلام عليكم ورحمة الله وبركاتة
أحمد ابراهيم
0106902540