نصيحة لوجه الله

**douha_wise** · 19-01-2012 01:58 PM

السلام عليكم اخوتى جميعا
كنت عملت شغل عند محمد بالزاوية كما عرفتكم من قبل و منها شغل بالعفشة و بعدها وجدت مشاكل بالعفشة و كانت بتدبدب و صوت دربكة اسوأ من الأول قبل ما اغيرها برغم تغييرى لمعظم العفشة و قلت مش هروح لمحمد تانى فى موضوع العفشة لأنها مش تخصصه و انا غلطت بذهابى له و ذهبت لواحد عدنا فى اكتوبر عفشجى يعنى فقالى تيش الدركسيون فيه بوش فذهبت و اشتريت بتاع جولف 2 و ركبته و كان القديم فعلا سيئ و العجله كانت فيها بوش بسببه لكن الصوت مازال موجود و دربكه على اعلى مستوى فقالى كده البطاحات عايزه تتغير قلتله دى جديده و المانى و اغلى حاجه ازاى متكملش اسبوع و قلتله طيب يمكن عايزه تربيط فلاقيته مش موافق فبحثت ووجدت عفشجى بيشكروا فيه جدا جدا فى الكيت كات اسمه احمد سوسته و ذهبت له و وجدت عنده صنايعى فبص و على طول ربط البطاحتين و اعاد تربيط العفشه و كانت مفكوكه و مش متربطه صح و كل الأصوت بفضل الله ذهبت و العفشة اتظبطت فقلت انبهكم محدش يعمل شغل عفشة لا عند محمد بالزاوية و لا عند أى واحد مش متخصص فيها و لو اى حد عايز يعرف عنوان العفشجى اقول لكم عليه و تحت امركم و اسف للاطالة و لكن هذا للصالح العام

**HossamE** · 22-01-2012 09:22 AM

انا متابع موضوعك من الاول و الحمد لله ان العربية رجعت زى الاول و يا ريت تقولنا على عنوان العفشجى اللى اسمه احمد سوستة فين فى الكيت كات بالضبط و لك جزيل الشكر
اخوك حسام

**douha_wise** · 22-01-2012 12:57 PM

المشاركة الأصلية كتبت بواسطة hossame

انا متابع موضوعك من الاول و الحمد لله ان العربية رجعت زى الاول و يا ريت تقولنا على عنوان العفشجى اللى اسمه احمد سوستة فين فى الكيت كات بالضبط و لك جزيل الشكر
اخوك حسام

مكان العفشجى اللى اسمه احمد سوسته فى الشارع اللى خلف البوسطة اللى فى الكيت كات يعنى لو انت جاى من العجوزة لف من ميدان الكيت كات شمال كأنك راجع العجوزة تانى و ادخل يمين فى الشارع اللى على ناصيته بنك مصر و ادخل يمين تانى فى اول شارع يقابلك و هو موازى لشارع السودان على فكرة و امشى فيه حوالى 200 الى 300 م و هتلاقى على يمينك محل شكمانات و بجوارة بتاع قطع غيار اسألهم عنه و هو معروف جدا و لو جاى من امبابة برضه تعدى ميدان الكيت كات و ندخل فى نفس الشارع اللى على اليمين اللى على ناصيته بنك مصر

**ahmed2801** · 23-01-2012 08:28 AM

شكرا يا أستاذ/ دوحة على الافادة هو الاسطى محمد اشتغل شوية بذمة وعمل اسم وبعد كده عادى زى اى صنايعى الاهمال اشتغل و متصور انه مسكك و انك ح تروح ح تروح مفيش غيره بيفهم ف الشيرى وده طبعا متهيأ لة الحقيقة انا زعلت من وصف حضرتك ده مش مهم وده مش مهم وده أشتريه من التوكيل وحسبنا الله ونعم الوكيل.

**douha_wise** · 23-01-2012 09:55 AM

المشاركة الأصلية كتبت بواسطة hossame

اشكرك جزيلا يا اخ دوحة على وصف العنوان و على فكرة انا معايا شيرى a11 برضه موديل 2006

تحت امرك اخى العزيز

المشاركة الأصلية كتبت بواسطة ahmed2801

شكرا يا أستاذ/ دوحة على الافادة هو الاسطى محمد اشتغل شوية بذمة وعمل اسم وبعد كده عادى زى اى صنايعى الاهمال اشتغل و متصور انه مسكك و انك ح تروح ح تروح مفيش غيره بيفهم ف الشيرى وده طبعا متهيأ لة الحقيقة انا زعلت من وصف حضرتك ده مش مهم وده مش مهم وده أشتريه من التوكيل وحسبنا الله ونعم الوكيل.

و الله يا اخ احمد الواحد زهق من معظم الصنايعيه إن مكنش كلهم اهمال و تسرع و نسيان و تكسير حاجات مش عارف الواحد يعمل ايه معهم بجد