لا... يعنى الجنط بارز لبرة بزيادة بالنسبة لعربيتك
MMamdouh
عرض للطباعة
لا... يعنى الجنط بارز لبرة بزيادة بالنسبة لعربيتك
MMamdouh
السلام عليكم
يا جماعه انا ركبت الكوتش ع الجنط الاصلي و فعلا الكوتش دخل لجوه بعيد عن الشفه والحمد لله
بس للاسف خسرت ف تمن الجنط 400 جنية بس الحمدلله
اللي انا زعلان منه ان شكل العربية كان حلو مع الجنوط هرجع اركب طاسات تاني....
محمد رحيم انا مش ناسيك ف اسم النقشة انا بس مش عارف اسمها فأحسن اصورها واحط الصورة
هو الكوتش ياباني سعر الفردة 510 يعني كله 2080 بعد التركيب و الترصيص
وفهلا المقاس دة ممتاز يعني انا حسيت بفرق ف المطبات هو احسن شويه يعني حاسس انه مريح العربية شويه ف المطبات.
مبارك عليك الكاوتش واكيد للأحسن لنه فعلا بيريح العربيه في المطبات والحتت المتكسرة جامد عن الكاوتش الأصلي بتاعها
ممكن تركب جنط تاني عادي مفيش مشكلة ولكن ميكونشي زي اللي انت كنت مركبه
الله يبارك فيك يا ابو عبدالله هو فعلا احسن من المقاس الاصلي ..بس بردة العربية مفرقتش كتير ف المطبات هو تقريبا العربية دي كدة ..انا حتى وااحد صحبي لسه جايب سيريون 1500 بردة بيقول ان العربية ممتازة معدا موضوع الترزيع ف المطبات
بالنسبة للجنط والله انا خايف اركب اي جنط تاني يعرض الكوتش وبعدين اخسر فيه تاني؟
لا هو فيه حاجتين
اول حاجه مسألة الترزيع في المطبات لأن العفشة اسبور تصميم رياضي فبالتالي لما تقارنها مع عربيات مش تصميم رياضي فاكيد هتبقى ناشفة
الحاجه التانية ان الكاوتش بيفرق في الحتت المكسرة مش هتحس بها زي الأول يعني مثلا عين القطط اللي على الطرق السريعة مش هتحس بها زي الأول .... الأول هتلاقيك كنت بتسمع رزع لما تعدي عليها دلوقتي هتلاقي الصوت اتكتم بفارق كبير ومش هتحس برزعة زي الاول
اما موضوع الجنط هات بتاعها الأصلي وخلاص موجود عند المصرية اليابانية في الحرفيين
متنساش انا عندي الجنط الأصلي ومركب عليه عادي
بعد اذن الاخ صاحب الموضوع عندي سؤال
انا المفروض اغير الكاوتش و واضح من كلامك و كلام الاخ ابو عبد الله و موضوع المهندس ماجد ان مقاس 60*195 هو افضل مقاس علي الجنط الاصلي
سؤالي بقي ايه افضل نوع كاوتش بيحقق الجودة مقابل الفلوس - ان شاء الله حتي لو غالي شوية ممكن احاول اجيبه الاستاذ اسامه جاب سونتامو و الاخ الكريم ابو عبد الله جايب كونتنتال ايه الافضل فيهم او لو في نوع تاني افضل موديله يبقي ايه
مشكورين مقدما