سؤالين عن البطارية و زيت الفرامل عشان لسه جديد و معرفش حاجة

**koko616** · 19-01-2012 04:06 PM

العربية : لانسر بومة 2007 1300 سي سي

بقالي اسبوعين لما اجي ادور العربية اول مرة في اليوم اللي بتكون غالبا الصبح ... لازم ادور 3 او 4 مرات عشان تشتغل و تظهر علامة لونها برتقالي للبطارية كأنها بتنزف و بعدين العربية تشتغل

لما سألت الميكانيكي قالي اكشف على البطارية

انا مش عارف بقى ايه النظام هي العربية عاملة 50 الف كيلو و شاريها مستعملة ... هي البطارية دي اكشف عليها فين و لما فيها حاجة بتتشحن و لا لازم اجيب واحدة غيرها ؟

و بالنسبة بقى لزيت الفرامل زي ما قولت العربية عاملة 50 الف كيلو ... و الفرامل كلبشت مني حوالي 4 او 5 مرات مع ان التيل لسه مغيره جديد ... و الزيت لما ببص عليه بلاقيه مليان ... بس فيه واحد بتاع زيت قالي طالما كمان 50 الف كيلو لازم الزيت يتغير

ايه رأيكوا بقى اغير الزيت و لا المشكلة فين ؟

**mohammedabdallh** · 19-01-2012 05:11 PM

هقولك على حاجه فى عريات كتير الصبح مبدورشى من مره واحده وده عادى مش عيب بطاريه ممكن يكون البوجيهات عاوزه تتغير او فلتر البنزين عاوز يتغير حاجات عاديه او السخان مش مظبوط او العربيه عاليه وعاوزه تتوطى شويه
موضصوع افرامل العربيه فيها aps ولا لا

**SYD** · 19-01-2012 05:28 PM

اولا زيت الفرامل يجب تغييره بصفة دورية كل سنتين او كل 60,000 علي الأكثر
وطبعا العربية 2007 يعني يجب تغييره فورا
وراجع كتيب الأستخدامات وكتيب السيرفيس بتاع العربية

ثانيا الدوراة
عندك مسألة الدوراة مرتبطة بسيستم كامل يخص الignition ودة بيكون عبارة عن شمعات الأحتراق (البوجيهات) المارش - الأسبراتير - الكويل - الرشاشات

طبعا انت مش هتغير كل ماسبق
انا بس بديلك فكرة عن الأجزاء المتعلقة بالتدوير العربية

انت غالبا اما بوجيهات عاف عليها الزمن او كتاوت الدينمو او كتاوت المارش
بس لو بتغلبك ساعة الصبحية بس يبقي غالبا بوجيهات او كتاوت الدينمو او شربون الدينمو

والله المستعان
،
،

**ZOoOoMA** · 19-01-2012 10:53 PM

غير الزيت و بعد ما تغيره هتعرف اذا كانت المشكله من الزيت او من حاجه تانيه لو غيرت الزيت و اتحلت المشكله يبقى تمام و الحمد الله لكن لو غيرت الزيت و فضلت بتعمل معاك كده ممكن يكون من المساتر بتاعت الفرامل
اما ب النسبه لكشف البطاريه ده بسيط قوي روح عند اي محل بيبيع بطاريات و قوله عايز اكشف على البطاريه بسيطه مش صعبه يعني

**koko616** · 19-01-2012 11:52 PM

المشاركة الأصلية كتبت بواسطة zooooma

غير الزيت و بعد ما تغيره هتعرف اذا كانت المشكله من الزيت او من حاجه تانيه لو غيرت الزيت و اتحلت المشكله يبقى تمام و الحمد الله لكن لو غيرت الزيت و فضلت بتعمل معاك كده ممكن يكون من المساتر بتاعت الفرامل
اما ب النسبه لكشف البطاريه ده بسيط قوي روح عند اي محل بيبيع بطاريات و قوله عايز اكشف على البطاريه بسيطه مش صعبه يعني

طيب البطارية بتاعت اللانسر دي لو ضعيفة بتتشحن و لا لازم اجيب غيرها ؟

**mohammedabdallh** · 20-01-2012 12:21 AM

بتششحن عادى
بس كدا العربيه العربيه ممكن تكون عاليه
خلى الميكانيكى يوطيها شويه

**koko616** · 20-01-2012 12:38 AM

عالية !!! غريبة دي ... و ايه اللي علاها و ليه قولت انها عالية ؟؟؟؟ هو علو العربية ايه علاقته بتدوير العربية الصبح ؟؟؟ و الميكانيكي هيوطيها ازاى ؟؟

-

الموضوع: سؤالين عن البطارية و زيت الفرامل عشان لسه جديد و معرفش حاجة

LinkBack

أدوات الموضوع

عرض

-

-

-

المواضيع المتشابهه

أرجوكم عاوز كل التفاصيل علشان معرفش أى حاجة

سؤالين في توصيل البطارية

عندي سؤالين بخصوص البطارية السائلة

حاجة غريبة فى( عداد البنزين + مكان معرفش ايه استخدامه ) !!!!

استثناءات وخفايا التامين معرفش عنها حاجة!!!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة