طفل عنده ثقب في القلب هل من مساعد

**نور القمر** · 19-01-2012 06:04 PM

طفل من البلد عنده 12 سنة تقريبا عنده ثقب في القلب 3 سم بين الاذنين
مطلوب منه عملية فورا
باباه راح معهد القلب بالتأمين الصحي للولد لقى العملية تتكلف 12 الف بعد خصم نصف التكاليف
انا اتصلت ب د كتورة ضحى لو تقدر تساعد بانها تدلني على مكان تاني مجاني على نفقة الدولة او تكاليف اقل هي مشكورة هتسأل وترد عليا بس انا قلت اسأل باقي الاعضاء على اساس ادور في كذا اتجاه
لان حالتهم المادية معدمة فعلا لان الاب موظف مرتبه لا يصل ل 500 جنيه مع مراعاة الحالة مستعجلة ومن فضلكم اللي عارف معلومة اكيدة يساعد بيها علشان مندوخش الرجل بابنه ونضيع وقته على الفاضي

الحمد لله الذي عافانا مما ابتلى به غيرنا

**katz** · 19-01-2012 06:39 PM

ربنا يشفيه يا رب

**Shiref_mohamed** · 19-01-2012 06:48 PM

اللهم اشقه واشفى مرضانا اجمعين

**mahmoud_anwar** · 19-01-2012 08:17 PM

انا بشوف اعلان بتاع مستشفي مجدي يعقوب عامله اعلانات للم التبرعات لي انها بتعمل عملايات مجانيه لي الاسر الفقيرة
وكمان حضرتك ممكن تساعديه انك تفتحي حساب بي اسمه وتحطي رقم الحساب هنا اننا نقدر نتبرع ليه
واتمني من كل عضو التبرع ليه علي الاقل بي مبلغ 100 جنيه او اكثر حسب مقدرته ولا يكون اقل من 100 جنيه مع الاعلان علي جميع المواقع والفيس واكيد اصحاب الخير كتير وحضرتك هتفضلي فتحه الحساب لغايه ان شاء الله لما تتلم مصاريف العمليه وبعديها تعلني عن غلق الحساب بس بعد لم مبلغ اكبر من مبلغ العمليه لي سبب ان دواء القلب غالي برضة

**elmkaneeki** · 19-01-2012 08:58 PM

المشاركة الأصلية كتبت بواسطة wassof

انا بشوف اعلان بتاع مستشفي مجدي يعقوب عامله اعلانات للم التبرعات لي انها بتعمل عملايات مجانيه لي الاسر الفقيرة
وكمان حضرتك ممكن تساعديه انك تفتحي حساب بي اسمه وتحطي رقم الحساب هنا اننا نقدر نتبرع ليه
واتمني من كل عضو التبرع ليه علي الاقل بي مبلغ 100 جنيه او اكثر حسب مقدرته ولا يكون اقل من 100 جنيه مع الاعلان علي جميع المواقع والفيس واكيد اصحاب الخير كتير وحضرتك هتفضلي فتحه الحساب لغايه ان شاء الله لما تتلم مصاريف العمليه وبعديها تعلني عن غلق الحساب بس بعد لم مبلغ اكبر من مبلغ العمليه لي سبب ان دواء القلب غالي برضة

اقتراح رائع

**نور القمر** · 19-01-2012 10:54 PM

انا بشكر الجميع وخصوصا الطبيب اللي كلمنا من برة بيعرض يتبرع بالمبلغ كله
والله من المفاجأة كنت مذهولة و مكنتش عارفة ارد عليه ولا اتكلم
الدنيا لسه فيها خير بجد وبقوله كتر خيرك وربنا يجازيك خير دنيا واخرة
بس قسما بالله تعالى الراجل رفض ياخد مننا فلوس واحنا اولى بيه بصراحة بس والله رفض وقال بالنص مش هاشحت على ابني

فمعلش يا جماعة موضوع التبرع المادي مش مقبول لكن اللي ايده اي طريقة اخرى للمساعدة ياريت زي ماوضحت في المشارؤكة الاولى
وانا هحاول اوصل لموقع لدكتور مجدي يعقوب مجاش في بالي خالص بصراحة وهحاول اتواصل معاهم وهوافيكم بالجديد وربنا يقدم اللي فيه الخير
ومتشكرة لكل من عرض المساعدة وخصوصا الدكتور .... اللي كلمني من برة

**ابو سيف** · 20-01-2012 01:55 AM

يا مدام نور حاولي تتواصلي مع مستشفى سعد بالخبر بيعملوا العمليات دي مجاني تماما بالطيران و التأشيرة و الاقامه لغير القادرين و كان ليا زميل عملها لأبنه هناك
هوا الراجل عنده مشاكل ماديه من فترة فمش عارف لسه بيعمل العمليات دي مجانا و لا لأ
لكنه راجل لا يتأخر في الخير
حاولي بكل الطرق لو تقدري تتواصلي معاهم
اسم المستشفى
مستشفى سعد التخصصي بمدينه الخبر بالمنطقه الشرقيه بالمملكه العربيه السعوديه
لصاحبها الشيخ معن الصانع
يا ريت لو تقدري تعرفي تليفونهم او ايميلهم على النت و تكلميهم