طيب ياشباب الجديد ولا مستعمل احسن ؟
عرض للطباعة
طيب ياشباب الجديد ولا مستعمل احسن ؟
بس لو مستعمل من فئه اعلي ؟
يعني بدل ماادفع 92 الف في اوبترا ولا صني اركب بيهم مثلا شارك كسر زيرو ؟
معالي الباشا
هما كلمتين ابرك من عشرة
هتنبسط بالاوبترا
وانا كنت زيك كدا وانا بشتري
ولية الاوبترا
شكل مقبول وكلاسيك
كل الكماليات الي انت عيزها
باور وتكييف وازاز كهربا ومريات كهربا وكاسيت شرايط وسي دى ومفتاح ريموت شكلة شيك
وصالون واسع وعائلي
ومرتفعة من علي الارض
وموتور قوي
غير كدا بقي انها تقفيل كوري بالكامل
مفيش ايد مصرية اتمتد فيها
قطع غيرها متوفرة وسعرها مناسب وتوكيلها نوعا ما كويس
وف السفر مريحة جدا وسحبها كويس مع التكييف
باختصارهتحط فلوسك ف المكان المناسب
مع كامل احترامى لكل مالكى نيسان وف النهاية دى ازواق
وطبعا خليك ف الزيرو علشان ليها طعم تانى خالص ومهما كان الزيرو زيرو
وبالتوفيق في القرار السليم
مش هتلاقى شارك كسر زيرو بالسعر ده, لان موديل 2011 نزل غالى اول فئة كانت ب138
انت ممكن تلاقى شارك 2008\2009 بالسعر ده بس مش كسر زيرو
رغم انها عربيه حلوه جدا بس انا رأيي من رأى ahmazong ان الزيرو احسن من المستعمل الفئة الاعلى وخصوصا ان الصنى والاوبترا حلوين وعربيات اصيله وبنت حلال
وربا يوفقك
انزل شويه في مواضيع المقارنات هتلاقي مواضيع مقارنات كتيييييييييييير بين الصني والاوبترا
ياريت والله مش فاكر اني مواضيع بصراحة رديت فيها
بس اكيد لصالح الصني هاهاهاهاها
الزيرو طبعا احسن واشيك مليووووووووون مرة وبتاخد انت خيره كله
لو قدامك حاجة مستعملة بس يكون مش ماشية كتير او صيانتها في توكيلها يبقي اكشف عليها ف التوكيل وشوف تاريخا ايه بيبقي نتسجل عندهم
وممكن بالسعر ده تجيب تيدا 2010 حالتها حلوة
الصني عمري ماهشتريها جديده لانها شكلها خلاص هينغير
لو دخلت معاهم الاكسنت ار بي ب 96 تقريبا بس مش مشكله الفرق عشان كده كده هيبقي قسط
هي احسن ولا الاوبترا ؟
كشكل برده انا شايفها اجدد واحسن
كراحه ورفاهيه وموتور وقطع غيار ايه النظام؟؟
حتي الان انا ميال اكتر للأوبترا وخصوصا اني قدامي واحده 2010 مش ماشيه كتير بتباعة راجل كبير بس ممكن يكون مهمل في الصيانه بس بفكر في الزيرو بصراحه عشان نفسي ابقي اول واحد يحط رجله فيها
بس لو زيرو هل اوبترا ولا اكسنت ار بي ؟؟
اركب اوبترا اتوماتيك ومش هتندم ابعد عن الصينى
وبلاش مانيوال فى مصر انا معايا سيراتو مانيوال ونيو اكسنت مانيوال
وكنت جايبهم عشان انا من عشاق المانيوال وندمت بعديها من العزاب اليوميى فى الزحمة