كان فيه موعد في مشيخة الازهر .... وزير الخارجية الايطالي اتأخر
شيخ الازهر انصرف واعتذر عن اللقاء لتأخر الوزير دون ابداء الاسباب
.....
انا شايف ان شيخ الازهر بيحاول يكسب شعبية على حساب ضيف جاي يزور المشيخة
الشوارع زي الزفت مروريا .... ودي مش غلطة ايطاليا يعني
وكمان الوفد الايطالي مش هو اللي بينظم برنامج الزيارات .... دي مهمة الوفد المرافق له اللي هو مصري ...... انا افتكرت بعض تصرفات عمرو موسى لما بيحب يعمل مواقف بطولية من لا شيئ
معاك
شايفها كماتوافرت الانباء عنها
محاوله للتأسد بدون خسائر
ممكن يكون فى تفاصيل تانية غير معلومةاقتباس:
المشاركة الأصلية كتبت بواسطة aif
ابسطها انه يكون اتاخر وقت طويل و لم يعتذر بسبب
او ان فى المشيخة اتصلوا بالوفد و محدش رد منهم
اقصد الله اعلم بالتفاصيل اللى عليها تم اتخاذ هذا القرار
..... ممكن طبعااقتباس:
المشاركة الأصلية كتبت بواسطة Lion_Heart
وكمان ما تنساش ان اليومين دول قانون انتخاب شيخ الازهر على وشك الاصدار :what:
بطل من ورق
ممكن يبعتله ميسد او رساله او حتى كلمنى شكرا
و هو برضه يا aif يا اخويا وزير خارجية ايطاليا هيتأخر بسبب المرور امال الموتسيكلات وعربيات النجده اللي بتون وتفتح الطريق هتشتغل عشان مين
وبعدين اكيد شيخ الازهر برضه ما مشيش بعد الميعاد بعشر دقائق واكيد اتصل قبل ما يمشي يسأل ايه الاخبار ياجماعة
متهيئلى احنا عرفين ياعنى ايه شيخ الازهر
ممكن يكون عاوز يعمل وضع لمصر امام العالم وانها مش دوله ضعيفه والله اعلم
والدي شغال في سفارة ايطاليا و كان من ضمن المسئولين عن الوفد بتاع وزير الخارجية
النهاردة كان البروجرام بتاعهم الصبح في سفارة ايطاليا ثم في جامعة عين شمس و الي انا طالب فيها و عارف يعني ايه لما بيبقي فيها امتحانات زي النهاردة العباسية لحد الخليفة المامون كل دة بيبقي مقفول و بعدها يطلعوا باين علي المتحف المصري ثم الازهر الشريف
و السفارة اصلاً مكانها في كورنيش النيل بعد فم الخليج يعني حتة المرور فيها زفت
كل دة و في الاخر تم الغاء المعاد بدون اعلام الوفد
وزير خارجية إيطاليا يزور شيخ الأزهر فى منزله ويعتذر له
أصر وزير الخارجية الإيطالى جوليو تيرزى، على إتمام لقائه مع الإمام الأكبر الدكتور أحمد الطيب شيخ الأزهر، والذى كان من المقرر عقده فى المشيخة، إلا أن تأخر الوزير عن موعده جعل شيخ الأزهر يغادر المشيخة دون لقائه، وهو ما جعل الوزير الإيطالى يصر على زيارة شيخ الأزهر بمنزله فى مصر الجديدة، تأكيداً منه على احترامه لمقام الأزهر وفضيلة الإمام الأكبر.
وقال السفير محمود عبد الجواد المستشار الدبلوماسى للأمام، أن فضيلته استقبل بمنزله بمصر الجديدة وزير خارجية إيطاليا وبصحبته الوفد المرافق والسفير الإيطالى، حيث تناول اللقاء العلاقات المصرية الايطالية من النواحى الثقافية والاجتماعية، وذكر الوزير الإيطالى أن الجالية المصرية بايطاليا تبلغ 100 ألف مصرى ووجه وزير الخارجية الدعوة للإمام الأكبر لزيارة إيطاليا فى الوقت الذى يحدده.
أضاف الوزير الإيطالى، أن وثيقة الأزهر وبيان الأزهر عن الحريات كان له مدلول طيب وتأثير إيجابى على الحكومة الإيطالية والشعب الإيطالى.
ووجه الوزير الشكر للإمام حول تصريحاته فى علاقة الإسلام بالأديان الأخرى، مشيداً ببيت العائلة الذى يضم مسلمين ومسيحيين.
youm7.com
علي فكرة مفيش اي دبملوماسي اجنبي بيمشي بحراسة من الشرطة حالياً غير عربية من سفارة الدولةاقتباس:
المشاركة الأصلية كتبت بواسطة katz
و رؤوساء الدول بس هما الي بيبقي معاهم حراسة و موتسيكلات شرطة
حتي الاعلام الي علي العربيات في المواكب الرسمية مش بيحطوها خوفاً من اي احتكاك
شكلها فيها موضوع
لانه في نفس اليوم زار المفتي في دار الافتاء
https://www.facebook.com/photo.php?f...type=1&theater
وماننساش برده انه اول واحد نادى بانتخاب شيخ الازهر . ده لو انا فاكرة كويساقتباس:
المشاركة الأصلية كتبت بواسطة aif
بصراحة أنا معاه تماما طالما مش إحترم معاده معاه ولا حتى إعتذر يبقى لازم شيخ الازهر كان يمشى
والوزير لما راح للشيخ فى بيته أكيد عشان عارف إنه الموقف اللى حصل مع الشيخ موقف مش ظريف
مش عارف حاسسها افورت منه
يكفي انه ضيف مهما كان سبب الزيارة
والراجل احرجه وراحله لحد البيت
لو شيخ الازهر عمل عجينة الفلاحة برضو في ناس معينة مش هيعجبها حاجة...لانهم من انصار شيوخ تانيين.
يعني لو كان استناه واتأخر كان قالك يعني هو الازهر ملوش كرامة ومعرفش ايه الخ الخ...
اتفقاقتباس:
المشاركة الأصلية كتبت بواسطة r0xer
اقتباس:
المشاركة الأصلية كتبت بواسطة r0xer
+1111
الناس بره بيقدسوا المواعيد
احنا هنا بنقدس نتأخر عن المواعيد
ده تصرف صحيح من شيخ الأزهر
و الوزير الإيطالي صحح تصرفه بالزيارة اللاحقة لشيخ الأزهر
لو كان حصل العكس وشيخ الازهر هو اللي اتأخر عن موعده مع وزير اوربي كان هايحصل نفس التصرف
مهما كان سبب التأخير لو كان اعتذر تليفونيا معتقدش ان شيخ الازهر كان هايمشي
سؤال بريءاقتباس:
المشاركة الأصلية كتبت بواسطة dolly13
هو عمل كدة من نفسه ولا لما لقى الناس بيعملوا وقفات احتجاجية بعد الثورة على اساس انه من اتباع النظام السابق وبيطالبو بان يكون المنصب بالانتخاب
؟؟؟؟؟
على فكرة انا مش ضد الشيخ الطيب ... بالعكس انا باقدره واحترمه وباستجدعه .... لكن الموقف ده بالخصوص مش عاجبني .... حاسس انه زودها شوية
وكمان الراجل ضيف عندك ...... لو الكلام ده في ايطاليا كنت اول واحد ارفعله القبعة
يا باشا لما يبقى صلاح سالم واقف تماما او ماشي بسرعة السلحفاة ..... الموتوسيكلات ح تعمل ايه ؟؟؟اقتباس:
المشاركة الأصلية كتبت بواسطة katz
لما تلاقي مكروباسات جاية بالعكس والدنيا بايظة مفيش اي حل غير الطائرة الهليكوبتر
وبعدين انا عن نفسي دلوقت بعد الثورة لو لقيت عسكري مرور عاوز يقفل الطريق عشان موكب يعدي .... ح اطنش اللي جابوه وامشي من غير ما اعرف مين اللي ف الموكب ..... اوسع لعربية مطافي او اسعاف .... انما اقف عشان مسؤل يعدي لأ...... لما هو مسئول يبقى يعيش المشكله عشان يحلها.... مش يتجاوزها بالموكب الشريف ..... الكلام ده كان ايام مبارك
+11111اقتباس:
المشاركة الأصلية كتبت بواسطة human12
لا يصح إلا الصحيح مرة كنت رايح مقابلة شغل و لقيت انب هتأخر 10 دقايق مع اني كنت عامل حسابي في الوقت كويس اوي.. بس البلد كانت زحمة كلمته قلتله و سبحان الله يومها اتقبلت في الوظيفة