عايز افضل عربية فى رينج ال 70 الف زيرووو و مش ازيد الحجم مش فارق بس متكونش صغيرة خالص مثلا الكماليات عادى و تكون مانيوال و لكن اهم حاجة مضمونة و التوكيل كويس و قطع الغيار متواجده و سهله مش اجى اركب انذار يقولولى مينفعش :d ديه الخلاصة و شكرا.
عرض للطباعة
عايز افضل عربية فى رينج ال 70 الف زيرووو و مش ازيد الحجم مش فارق بس متكونش صغيرة خالص مثلا الكماليات عادى و تكون مانيوال و لكن اهم حاجة مضمونة و التوكيل كويس و قطع الغيار متواجده و سهله مش اجى اركب انذار يقولولى مينفعش :d ديه الخلاصة و شكرا.
لا لوجان لا فيرنا
ايه تانى غير دوول علشان فيرنا ديه لا يمكن
احسن حاجة في الرانج ده لوجان .. عندك بقى الباقي بروتون ساجا .. لانوس .. فيرنا .. سبرانزا .. byd f3 .. فيات بونتو كلاسيك
Proton Saga
لو قلبك جامد fsv لو هتسمع اللى يقولك حرام عليك و صينى يبقى خليها للى بيقدر قيمتها
لوجان أو b y d
شكراا جداا ليكم افكارى بدات تترتب :)
لانوس
عربية جميلة
l o g a n
ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان عند حوض الماتور ودا مش موجود فى فئتها
من ضمن العربيات القليلة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *
العيوب ( ومش هنسميهاعيوب ) هنسيمها حركات غلسة بس هتتعود عليها
الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
مسالة قطع الغيار
* قطع الغيار بدات فى الانتشار الفانوس الامامى ب 200 جنية والخلفى ب 150
وجوز المقصات ب 400 جنية وبكدة مسالة تفاضل الانوس بسبب قطع الغيار اصبح مالهاش لزمة
ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك
ودا المصدر
Dacia Logan : Informatii Dacia Logan
نوع العربية
Preference 1.6 MPI 90 CP
بعشقها عشق لولو حبيبتى
وبس يا سيدى وان شاء الله ربنا يوفقك فى اختيار العربية المناسبة لك
-----------------
العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية
تقرير مفصل عن العربية بالشرح والصور بواسطة الاستاذ نادر نبيل
http://www.nilemotors.net/Nile/90472-2010.html
بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم
دى فيدوهات ليا بالعربية
Logan 180 km/h with 6 Passenger [1] - YouTube
180 و 6 راكب
وغرز بيها على الطريق الصحرواى - مصر اسكندرية
ودا لما عديت الـ 180
Logan 180 km/h with 6 Passenger [2] - YouTube
واتفضل اسال فى اى وقت
ودا قسم اللوجان بالمنتدى
http://www.nilemotors.net/Nile/forum149/
السبب ان كان معايا فيرنا 2007 كاملة مانيوال و بعتها عامله 28000 الف كم من اللى شفته غيرت كل حاجة فيها و مافيش فايده جنوط و ركبت علشان الثبات طنابير غيرت كذا مرة فواعد موتور و فتيس غيرت و فى الاخر كانت عايزه علبه دركسيون و بات بتسخن و الؤشر يجيب اخره و التقفيل لا تعليق الصراحة مع ان استخدامى ليس له مثيل تعبتى جداااا و لكن الجيتز برقبتها مييييييييييييييييييت مرة و عربية ممتاازه
لو ناوى تغير قريب فى أى وقت أو تبيع بسرعة يعنى أعادة البيع كويسة يبقى هات لانوس زيرو
لو ناوى تقعد معاك مدة كبيرة ومش ناوى على التغيير بسرعة يبقى هات لوجان لآن أعادة البيع فى اللوجان مش سريعة ذى اللانوس
والله الموفق والمستعان
لوجــان أعلى فئة، أو أي حاجة متكونش صيني
هى اللوجان جميله وراى الشخصى الفضى منها روعه وعاليه وكل حاجه
بس انت عايش فى مصر اشترى ليك وللسوق يبقى لانووووووووووووووس واحسن حاجه فيها اقتصاااديه
لو انا بقى مكانك هشوف حاجه مستعمله باقل من 70 حالتها حلوه وبياااااااااااااعه زى الماتريكس مثلا او لانسر واخليها معايا شويه لغاية ما اجمع قرشين وابيعها على القرشين واجيب اى عربيه من فئة 90 وانت طالع ابتداء من صنى او اوبترا ومرورا ب النترا او على الاقل لو مصمم على زيرو هدفع 70 فى صنى وعليها عرض كويس الايام دى واقسط الباقى واهو يبقى لا لوجان ولا لانوس حاجه يبانى ومحترمه وزيرو برضه
بصراحه انا لو مكانك مش هطلع عن كده وفى انتظار اراء الاخوه
انا ان شاء الله استقريت على البونتو كلاسيك و ربنا يوفك ان شاء الله
استرجل واركب برليانس