عرض للطباعة
السلام عليكم
عاوز استفسر عن امكانيات السيارة لانسر الشارك 1300 سي سي المانيوال 2012
1.3 f/o m/t
هيا سعرها حاليا 99.900 الف
هل هيا افضل ولا اجيب لانسر البوما الاتوماتيك وبنفس السعر وتقريبا 1500 سي سي
خصوصا اني قرات انه الشارك الاتوماتيك بطئية في السحب قليلا؟
وايضا هل يوجد بديل افضل في نفس الرينج ( اقل من 100 الف )
منتظر الردود لاني ناوي اشتري قريبا جداااااااا
شكررا
تصحيح بسيط بس
الشارك هيا ال 1500 سي سي والبومه 1300 و في 1600
وطبعا الشارك اغلى من البومه مش بنفس السعر
بالنسبه للبومه ال 1300 ما جربتهاش فا للأسف مش هقدر احكم عليا واستنى اراء ملاكها
لكن لو قدرت تزود المبلغ شويه وتجيب بومه 1600 هتكون حلوه وعربيه تستاهل بصراحه او تجيب الشارك ودي احسن بكتير من البومه بس الشارك حلاوتها لما تكون اعلى فئه الهاي لاين :)
واي حاجه تانيه عايز تستفسر عنها انا تحت امرك لأني عندي العربيتين :)
البومة الـ 1300 في المانيوال كويسة جدا لكن الاوتو سحبها بيقل قوي مع تشغيل التكييف في الصيف
لو عاوز بومة اوتو يبقى الـ 1600.
اولا شكررا لكل الردود
شكررا علي التصحيح يعني البوما الجديدة 1300 فل اوبشن هيا اللي ب 100 الف تقريبا
طيب بالنسبة للتكييف هل جيد؟ في المانيوال؟ اللي هيا 1300 سي سي وهل هيا كاملة الكامليات ولا لأأ؟
شكرا
الشارك 2012 بموتور 1600 يا هندسه ..... للتصحيح بالمرة
ومتجبش 1300 اوتوماتيك ابدا نصيحة من اخوك
فخليك 1600 مانوال اوتوماتيك بومة قرش 10\10
انا سقت ال 1300 مانيوال مرة من الزقازيق للقاهرة كانت بتاعة واحد صاحبى العربية معقولة بس من غير التكييف انا وصلت بيها 160 عادى ... بس طبعا مافيش مقارنه خالص مع ال 1600 مانيوال ( مع واحد صاحبى برضه ) بجد الفرق شااااااااااااااااااسع
ما تحاولش تجيب 1300 اوتو ابدا عربية بطه وخصوصا مع التكييف