مشكلة في لاب توب hp

**Dr_Mido** · 20-01-2012 10:17 AM

الصح تروح فى خلال ال 14 يوم وتثبت انه فعلا بيعمل كدة و اطلب بمنتهى الادب تغييرة لو مرضيوش ولا توعق ولا توجع ماغك اتصل بحمايه المستهلك واحكيلهم الوضع وهطلبو منك بيانات والفاتورة و هتلاقى الشركه هى اللى بتتصل بيك لوحدها

**ابو سيف** · 20-01-2012 12:41 PM

المشاركة الأصلية كتبت بواسطة fouaa

يا كبير الجهاز محتاج نسخه وندوز فقط بس تكون اصليه وعليها برامج اصليه وهيبقى زى الفل لو تحب انا ممكن اساعدك فالموضوع ده واهو برضو تبقى جربت عشان تطمن انو تمام ومتقلقش بتحصل كتير

كتر الف خيرك انا فعلا انهاردة الحل اللى عندي هنزل نسخه ويندوز كويسه يا ريت لو تعرف لينك او اي حاجة او انا هسأل اي حد زميلي على نسخة يكون مجربها و تمام معاه جدا و هجرب كدة يومين و اشوف

بجد كتر خيركم

**ابو سيف** · 20-01-2012 12:46 PM

المشاركة الأصلية كتبت بواسطة dr_mido

الصح تروح فى خلال ال 14 يوم وتثبت انه فعلا بيعمل كدة و اطلب بمنتهى الادب تغييرة لو مرضيوش ولا توعق ولا توجع ماغك اتصل بحمايه المستهلك واحكيلهم الوضع وهطلبو منك بيانات والفاتورة و هتلاقى الشركه هى اللى بتتصل بيك لوحدها

هوا انا فعلا روحت الشركة بعد يومين بالظبط و الراجل قالي طب وريني بس بيعمل ايه عشان لو مش مشكله اللاب احلها و لو مشكلته اغيرهولك سابني ساعه شغال على اللاب في خلال الساعه دي معملش اي حاجة و كان زي الفل
خدت بعضي و رجعت
المشكله اللى بفكر فيها اني في حين اللجوء لمشكله مفيش ما يثبت اني كلمتهم في اول يوم ما جيبته و روحتلهم بيه تاني يوم
مفيش حاجة رسمي يعني
عموما انا طالما في ال 14 يوم مش قلقان ان شاء الله
هجرب انهاردة نسخه ويندوز و تعريفات من الموقع نفسه و اجرب كدة و ربنا يسهلها
لو مشتغلش يبقا اتوكل على الله و اروحلهم

يا ريت لو حد له تجربه مع حماية المستهلك يقولها (( لان الشركة طبعا مش هتغير اللاب لمجرد شكوتي دي و هما مشافوش حاجة بعينهم )) يعني هل بيطلبوا اثبات للمشكله؟؟؟ هل بيطلبوا حد فني يشوف الجهاز؟؟؟ بيكون ايه المطلوب بالظبط و لا بحكي المشكله في التليفون فقط و الموضوع بيخلص؟؟؟؟ و يا ريت ارقامهم لو تكرمتو

شكرا ليكم

**ابو سيف** · 20-01-2012 12:52 PM

طيب يا جماعة لو تكرمتوا في نقطه مهمه جدا

طبعا انا معايا فاتورة مختومه من الشركة بالسيريال
الفكرة اني لما طلبت الضمان قالي معدش فيه لماركة اتش بي ضمان بورقه الضمان دلوقتي شركة مترا على ما اعتقد و هوا بالسيريال نمبر فقط عشان كدة في تلات نسخ من الفاتورة المكتوب فيها السيريال نسخه معاك و نسخه معانا و نسخه بنبعتها ليهم عشان الضمان يتأكتف
دلوقتي لو لجأت لحمايه المستهلك المفروض انهم هيطلبوا صورة الضمان و لا عادي موضوع الضمان بالسيريال دا؟؟؟

**medododo** · 20-01-2012 01:09 PM

شيل تعريف التاتش باد
وكمان شيل أي برامج خاصة بيها (مهمة أوي الحتة دي )
وإعمل ريستارت للوندز وسيب الوندز يتعرف اوتوماتيك عليا
وإن شاء الله هيتصلح

**ابو سيف** · 20-01-2012 01:21 PM

المشاركة الأصلية كتبت بواسطة medododo

شيل تعريف التاتش باد
وكمان شيل أي برامج خاصة بيها (مهمة أوي الحتة دي )
وإعمل ريستارت للوندز وسيب الوندز يتعرف اوتوماتيك عليا
وإن شاء الله هيتصلح

ان شاء الله انزل نسخة ويندوز جديدة تماما و اجرب الموضوع دا عشان اكون جربت كل الحلول

بس يا جماعه في نقطه واضح انكم مش واخدين بالكم منها

التاتش باد بتعلق و ساعتها اليو اس بي بيعلق تماما كمان و مبيقراش حاجة حتى لو ماوس خارجي
و المعلومه اللى عندي من اتش بي ان الاتنين دول على سلوت واحد في البورده فلما بيدخلهم اي كهربا غلط او اي حاجة غلط بيعلقوا سوا

يعني موضوع تعريف التاتش باد لوحده دا انا مش مقتنع بيه لأنه كان ساعتها هتبقا فيه مشكله في التاتش باد فقط
عموما انا هجرب اخر حلول السوفت وير و لو منفعتش يبقا خلاص كدة

شكرا ليكم

**fouaa** · 21-01-2012 10:51 PM

المشاركة الأصلية كتبت بواسطة ابو سيف

كتر الف خيرك انا فعلا انهاردة الحل اللى عندي هنزل نسخه ويندوز كويسه يا ريت لو تعرف لينك او اي حاجة او انا هسأل اي حد زميلي على نسخة يكون مجربها و تمام معاه جدا و هجرب كدة يومين و اشوف

بجد كتر خيركم

حضرتك تامرنى انا عندى نسخه اصليه جايه من لندن وبتعمل ابديت و اى تطبيق لميكروسوفت لو تحب اقابلك اعملهولك معنديش مانع هديلك كمان شويه حاجات لوندوز سفن وهتدعيلى او لو تحب تاخد النسخه وتعيش حياتك انت معنديش مانع شوف الى يريحك وانا معاك

**ابو سيف** · 21-01-2012 11:46 PM

المشاركة الأصلية كتبت بواسطة fouaa

حضرتك تامرنى انا عندى نسخه اصليه جايه من لندن وبتعمل ابديت و اى تطبيق لميكروسوفت لو تحب اقابلك اعملهولك معنديش مانع هديلك كمان شويه حاجات لوندوز سفن وهتدعيلى او لو تحب تاخد النسخه وتعيش حياتك انت معنديش مانع شوف الى يريحك وانا معاك

كتر الف خيرك يا باشا و الله انا لسه منزل نسخه دلوقتي هجرب كدة الموضوع خلال يومين لو معملش حاجة و كان كويس و ابن حلال يبقا المشكله كانت في النسخه و التعريفات فعلا و اجيلك ان شاء الله استاذنك في النسخه دي
منتحرمش يا باشا و الله

**fouaa** · 23-01-2012 06:53 AM

عنيا ليك انت تامر

**ابو سيف** · 23-01-2012 07:07 PM

طيب يا جماعة لو تكرمتم انا دلوقتي الجهاز نزلتله ويندوز و بدون تعريف اي شيء بقاله يومين شغال كويس و علق معايا اليوم تاني !!!
المهم اتصلت بالشركة و قالي تعالي بكره

طبعا الله اعلم هما ناويين يعملوا ايه بكره او هيكون ايه وضع الكلام
بس انا من فضلكم عايز اعرف حقي قانونيا ايه بالظيط ... هل حقي التبديل فقط او حقي ان ابدل الجهاز باخر او ارجعه تماما مع استرداد كامل النقود ؟؟
انا بسأل لأنهم بكره لو مرضيوش بكل ذوق و ادب يبدلوا الجهاز ... هطلب ترجيعه تماما من جهاز حماية المستهلك عند اللجوء ليه

فياريت لو حد يعرف الصح يقولي و شكرا جزيلا

الموضوع: مشكلة في لاب توب hp

LinkBack

أدوات الموضوع

عرض

-

-

-

-

المواضيع المتشابهه

مشكلة تكييف اللوجان 2012 هل هى مشكلة عويصة مالهاش حل

مشكلة رداخ اللادا + مشكلة هدية :)

السير عكس الطريق ... مشكلة شخصيه سائقين ولا مشكلة تصميم الطرق ؟؟؟

مشكلة جوان يا مشكلة وش سلندر ربنا يستر :(

مشكلة فتيس الكرولا الجديدة مشكلة عالمية على النت

الكلمات الدلالية لهذا الموضوع

المفضلات

المفضلات

ضوابط المشاركة