السلامو عليكم ورحمه الله
اعضاء لمنتدى
ارغب فى شراء سياره نيسان صنى 2012
وافاضل بينها وبين النترا الشكل القديم انا معايا حوالى 100 الف وعاوز استغلهم افضل استغلال
ورجاء حد يقولى 2012 فرقه ايه عن 2011
عرض للطباعة
السلامو عليكم ورحمه الله
اعضاء لمنتدى
ارغب فى شراء سياره نيسان صنى 2012
وافاضل بينها وبين النترا الشكل القديم انا معايا حوالى 100 الف وعاوز استغلهم افضل استغلال
ورجاء حد يقولى 2012 فرقه ايه عن 2011
حضرتك بتقارن بين المانيوال ولا الاوتو
مفيش اى فرق بين 2011 و2012 غير سنة الموديل فى الرخصة والعربية ما اتغيرش فيها مسمار
ونصيحة مش عشان احنا هنا فى قسم نيسان بس الصنى بكمالياتها وامكانياتها وعيوبها المسيطر عليها باحكام تكسب الالانترا الفاضية والغالية ع الفاضى بالاضافة ان توكيل نيسان انضف واحسن كتير اووووووووووى عن غبور وكمية المشاكل اللى اتحلت فى الضمان واسعار الصيانات الدورية وتقارير الاعضاء تشهد بكده على مدار السنتين اللى فاتوا
عالعموم اول فئة اوتو فى الالنترا 2011 سعرها 112 الف .. والصنى السوبر صالون 104 الف .
لو عايز وسع ونعومة وتجميع سريع واحساس بسيط بتفاصيل الطريق يبقى النترا بس عيبها واطية جدا وبتحك فى المطبات
ثباتها على السرعات العالية مش قد كده ، فرامل متسعفش من بعد 140 كم ، صاج ضعيف ، غير كده العربية زى الفل سواء خامات او تقفيل والفتيس الماتيك والماتور زى الفل ، نيجى بقا للصنى : وسع ونعومة متوسط ، تجميع سريع بس الالنترا اسرع ، احساس قوى بتفاصيل الطريق ، لو سوقتك علاطول حرق يبقى الصنى هتحرق بنزين جامد عكس الالنترا ، ولكن الصنى تتفوق بجدارة فى (ثبات - فرامل - صاج قوى ) .. والالنترا تتفوق بجدارة فى ( عزل ونعومةووسع ) وباقى التفاصيل مكتوبة فوق
شكرا بجد على المعلومات القيمه
انا هاستخير وتوكل على الله خلال الاسبوع ده
اوتوماتك
معايا صنى سوبر صالون و زميلى معاه النترا 2008 اتوماتك
زميلى عايز يغير و يجيب صنى لانه برضه موش مبسوط من انها واطيه زياده عن اللزوم ده غير انه حاسس ان الفرامل و التكييف موش قد كده
هو لو افضل استغلال فعلا ممكن تشوف التيدا اول فئة
لو مش هاتقدر يبقي الصني
ومتنساش الاستخارة ان شاء الله
و بالاضافه لجميع الردود المحترمه اللى فاتت كمان الالنترا نزل منها شكل جديد مختلف كليا عن القديم . يبقى ليه تدفع الفلوس دى كلها فى عربيه زيرو لم تعد تصنع من قبل حتى ما تشتريها؟
ما فيش كلام تاني يتقال