عرض للطباعة
السلام عليكم
انا عاوز اسقط موتمور 2000 او 1800 للعربيه بتاعتى Bmw E21 هى 1600 و كنت عاوز اعرف اجيب منين مواتير تكون نضيفه و هل لازم اجيب مع الموتور الفتيس بتاعو بردو و يا ريت لو اعرف ها يبقى مكلف كام الموتور......
انا فى القاهره لو حد يعرف مكان فى القاهره بيبع الكلام ده بس يكون مضمون مش زى الحراميه اللى فى الحرافين.
شكرا
اعتقد ال1800 يركب على فتيسك لكن ال2000 حيحتاج فتيس و كرونا 6 سلندر
الاحسن تنتظر رد بيشوى هو خبير اكتر منى فى الBMW
MMamdouh
بص يا باشا .. مبدئياُ ... حضرتك دخلت عالم البي ام .. يعني عالم غالي و علشان تاخد حاجه نضيفه لازم تدفع ... المهم بقي مش في انك تدفع .. المهم انك تدفع في حاجه تستاهل تدفع فيها ...
الاول احب اقولك .. ان حضرتك اي موتور بي ام هايركب بطريقه او باخري .. يعني ايه .. عاوز تركب 4 سلندر 1800 لو الام 10 هايركب .. و ده نفس موتورك بالظبط .. بس الفرق بقي لو عرفته هاتتخض .. بص يا سيدي ... ال316 و ال318 في الموتور الابيض الام 10 و ده اللي عند حضرتك ..الاتنين بيكونوا 1800 سيسي .. بس بتختلف في شكل البستم من فوق (نسبه الانضغاط) و وش السلندر .. يعني اللي حضرتك ممكن تعمله تجيب بساتم + وش سلندر كامل بتاع 318 و يكون نفس موتورك و تقلبه 318 ..
و ده كده ممكن تعتبرها عمره و حتي لو جبت موتور 318 مش هاتحتاج تغير حاجه ...
اما بقي حضرتك لو جبت 6 سلندر .. هاتحتاج عفشه من مساعدين و فرامل و كله بتاع ال 6 سلندر .. اياُ كان الموتور اللي هاتركبه ... اي موتور غير ال 4 سلندر اللي عند حضرتك بيحتاج يكون معاه فتيسه و كرونته و عفشه ال6 سلندر لو الموتور 6 سلندر ...
المواتير ال 6 سلندر بقي ..اللي ممكن تركب هيا :
2000-2300-2500 ابيض .. و ده كامه واحده
2000-2300-2500 اسود .. 24 صباب 2 كامه
2800-3000-3500 ابيض و ده كامه واحده برضه
الارقام تدل علي السعه اللتريه ...
عامه يا باشا حددلي انت عاوز ايه بالظبط .. و احنا جايلنا دفعه مواتير وارد سويسرا عند واحد حبيبي .. لو تحب تكلمه : 0114441344 أ/عماد المصري و ده في الدقي
عندك كمان في الحرفيين بيجيب شغل مش وحش : 0101763094
لو هاتكلم عماد قوله من طرف بيشوي بتاع بني سويف اللي معاه ال 735 .. و لو هاتكلم زهير قوله من طرف الراجل بتاع بني سويف اللي معاه ال 735 برضه ههههههعهعهعهع
انا لسة جايب عربية و فيها الموتور m10b18 و عايز اسقطلعا موتور شديد بس يكون تكلفته بالتركيب بكلة اقل ما يمكن
لو سمحت انا لسة شارى العربية و هى فيها موتور m10b18 وكنت عايز اسقطلها موتور فوق 150 HP وعزمه حلو و يكون انجكشن عايز اعرف سعره بتركيبة و لو هغير ف العفشة هيكلف كام كله و تحياتى ليك