شكرا...
عرض للطباعة
حسام باشا -مبروك عليك
بس سوال هو انا لما بكلمهم بحددلهم نوع الزيت اللى انا عايزو ؟ وهما بيجبوة ولا الفنى اللى بيجى بيكون معاة انواع كتير وبنحدد واحنا واقفين -؟
انا بسال لية ؟ علشان لو انا اتصلت بيهم علشان اغير زيت ماتور مثلا هل ممكن يكشفلى على زيت البور والفتيس ولو لقى فى حاجة ناقصة او عايزة تتغير ممكن يكون معاة عبوات زيادة معاة فى العربية ولا لازم اتصال تانى و امر تشغيل تانى ؟ وشكرا
الله يبارك فيك
الله يبارك فيك
فك الطبه من تحت
الله يبارك فيك ياباشا
اه فعلا انا استغربت وبعين عرفت ان كل الاوبترا لما بيغيروا زيت بينزل كدا , تقريبا كدا بيسترخصوا فى كوريا او منصور بيجيبها من غير زيت ويحطلنا زيت تموين :)
الله يبارك فيك , بصراحه انا محستش باى تحسن فى الاداء , هو تغيير الزيت عموما هدفه الحفاظ على عمر الفتيس مش تحسين اداء , وفعلا الزيت تخليقى والراجل قاللى بيتغير على 60 الف بس انا برضه هاخلينى فى الامان واغيره كل 30 وانا كدا كدا مابعملش كيلومتر كتير
التغيير هاقولك عمل ايه , فك الاول كارتيره بلاستيك قافله على الطبه هى تعتبر حمايه من تحت , وبعدين فك الطبه عشان ينزل الزيت وبعد مانزل شويه قاللى انقل الفتيس على كل الغيارات عشان الزيت ينزل كله بس والعربيه مش دايره , بعدها حط 2 لتر وقاللى دور وهات الغيارات كلها وابتدى يقيس , بيقيس والفتيس عال d وطبعا دايس فرامل ورافع الهاند , وبعدها اللتر التالت وزود كمان شويه من الرابع وقعد يقيس كذا مره لحد مالقى المقاس مظبوط
الله يبارك فيك ياكبير تسلم
الله يبارك فيك
هو بيحط على اد اللى بينزل واللى نزل حوالى 3 لتر , هو تقريبا عشان الزيت ينزل كله محتاجه عمليه جراحيه :) بس معظم العربيات كدا برضه اللانسر بومه المفروض 7 لتر وشويه بتاخد 5
طيب الحمد لله حظى كويس , وفعلا الفنى اللى جالى قاللى مش اى حد يغير زيت الفتيس والفنيين عندنا مستصعبين الموضوع وقليلين اللى بيعمله عندهم وان هو كان خلاص اتنقل مبيعات ورجعوه تانى يغير , مع ان انا شايف الموضوع بسيط جدا محتاج بس ضمير واتقان مش كروته
الله يبارك فيك انا فعلا شفت زيت نازل من عربيه بومه 2005 مغيرتش زيت ولا مره يعنى بقاله 7 سنين ونازل احمر :)
ابو يحيى قال المفيد :)
وعليك يادكتور
انت بتكلمهم وتقولهم انا عايز زيت كذا , وممكن برضه تقولهم نوع العربيه وحالتها فى التليفون وانت بتحجز وهما يحددولك , او تسأل فى الموضوع بتاعهم فى العام وبرضه حد هايقولك , او تدخل بنفسك على فالفولين اوروبا وتدخل بيانات عربيتك هايجيبلك كل الزيوت المناسبه
Lubricant advisor - Valvoline
بخصوص زيت الباور او الفتيس يستحسن انت تكشف عليهم بنفسك وتشوف محتاجين تزويد او تغيير ولا لأ وتقولهم وانت بتحجز لان انت وحظك ممكن يبقاه معاه بزياده وممكن لأ , لو معاه هايغيرلك عادى مفيش مشاكل مش لازم حجز تانى الا لو وراه مواعيد تانيه بعديك
متابع
مبروك ياحسام
وموضوع السواد ده
ممكن يكون سببه انك بتحرق او كنت بتجرب الغيارات المانوال مثلا
بس انا لما بغيره عندي حتي لو بعد 20 الف بس بحس بفرق نعومة ونقلات اسرع وبغير موبيل