الموضوع: العربية ادمرت في ثواني ! معقولة فيه كدة ؟ ؟

المشاركة الأصلية كتبت بواسطة yoko

أولا دي إلانترا البومبيه والكل عارف إنها صاج وشاسيه خفيف جدا وده خابط في تريلا حديد صلب وبجمب العربيه يعني أقل مسافه بين الصاج والشاسيه فطبيعي جدا
تاني حاجة الدريفتات في السعوديه في الطرق سريعة بتبقى كلها فوق ال140 مستريح (شوفت بعيني كذا مره وانا هناك) فده طبيعي جدا وممكن اوريك حوادث أنيل بمجرد إن كاوتشه نزلت في الرمل يطير ويتقلب 3 أو 4 مرات في الهواء قبل ما العربيه تلمس الأرض اول لمسه

المشاركة الأصلية كتبت بواسطة mohdamin18

قول و الله ؟

المشاركة الأصلية كتبت بواسطة yoko

والله أصل انا عيشت هناك حوالي 17 سنه منهم 8 سنين دراسه لحد 3 ثانوي
شوف مشاركتي الي بعدك على طول
أنا شوفت عربيه كنت بجري معاها وكنا حوالي 140 جوه البلد أنا لقيت الإشاره هتقلب هديت ووقفت هو كسرها عربيه البوليس طلعت من تحت الإشاره (قعدت تفرك كتير ومره واحده طار) لقيت عربيه البوليس مركبه صاحبنا الي كان كاسر ال140 الرصيف عشان مرضيش يقف بعد أقل من 1كم!!!!!!
واحد كاسر الإشاره 140 والتاني كان واقف
عربيات البوليس هناك كلها متعدله بغباء ومعظمها فيها توين تربو عشان المطاردات
ليا زميلي كان بيجري منهم ببيتلز موديل السنه البوليس خبطه لبس صاحبي في سور مصنع البيبسي إتكسر السور والواد العربيه إتدغدت وإتسجن

المشاركة الأصلية كتبت بواسطة tutankhamoun

حد شاف المرسيدس بتاعة ديانا و دودي ايه اللي حصلها

علشان الناس متقولش بس هيونداي و الكلام اللي لا بيودي و لا بيجيب

أرجوكم معانا ناس سنها صغير و بتتأثر بالكلام ................ و و الله اللي سنه كبير بيتأثر برضه بالكلام .

في الحوداث كله بيتعجن و بيبقى كفتة






سرعة العربية كانت 90 كم -س فقط لا غير
فتيخلوا بقى لو العربية كانت ماشية مثلا 150 كان أيه اللي جرى لها ؟؟؟؟؟؟؟؟؟؟؟؟


أرجوكم لا تثقوا كثيرا في اي سيارة
و ثق فقط في الله عز و جل أولا و أخيرا طبعا
بس الأسباب ......... الأسباب ............ الأسباب .............. الأسباب

لا تجاذف بالسرعات العالية
لا تجاذف يا شواماخر يا بتاع الغرز و تعمل غرز
لا تتردد بأستخدام الفرامل بدلا من الغرز و محاولة التخطي الدائم اللي ملوش أي لزمة
لا تتردد أن تقف في التقاطعات بدلا من الجري كالمجنون في التقاطعات (لسة واحد صاحبي لابس في ميكروباظ دمر العربية من الجنب تقريبا كله .

السلامة أولا يا مصريين الله يهديكم

تمااام الله ينوّر.. هو دا قصدي