صباح التهييس

ليه الناس بتخبط علي البطيخه والبياع بيشقها ويبص جواها
؟؟؟؟؟؟؟؟؟؟؟؟؟؟؟؟؟؟؟؟
عمر حد فيكم سال نفسه السؤال ده ؟
طبعا لا
بتاكلو وخلاص
النهارده ححكيلكم اسطوره شق البطيخ
الاسطوره اللتي حيرت الاجهزه الامنيه
الجريمه الكامله اللتي لم تحل بعد
انها قصه باتعه وجابر
كان جابر عاملا بسيطا
وزوجته باتعه سليطه اللسان
فدائما ما فكر في الخلاص منها بشتي الطرق ولكنه لضعف بنيته لا يستطيع
في يوم من الايام جابر اشتري بطيخه كبيييييييييييره
وقطعها نصين وحطها في المطبخ
باتعه: انت جيبت ايه يا منيل
جابر : بطيخه يا باتعه
باتعه:هي فين يا زفت
جابر: في المطبخ
باتعه يا ما جاب الغراب لامه لما اروح اشوفها
راحت باتعه تبص علي البطيخه
والبطيخه كبيره
وهي بتميل علشان تبص جواها
راسها تقلت ووقعت جوه البطيخه
وفضلت تنادي علي جابر
يا جااااااااااااابر
جه جابر لقاها واقعه جوه نص البطيخه
راح حاطط النص التاني فوقه وقافلها تاني وراح راميها وسط شادر بطيخ
ومحدش قدر يلاقيها لحد النهارده
ومن يومها
كل ما بياع يمسك بطيخه يخبط عليها الاول يمكن باتعه تكون جواها
وبعد كده يشقها علشان يبص علي باتعه
لو حد لقي باتعه يبقي يقولنا يا جماعه
وده كان سر من اهم اسرار الانسانيه

القصه دي مش حتلاقوها في حته الا لو انا اللي كاتبها