استفسار يا معشر الكرستالوية

**shaker_alz** · 20-01-2012 07:51 PM

استفسار مجننى
انا الاول كنت لما بسخن العربية الصبح عادى كنت بدور العربية وكانت بتدور عادى الصبح بدرى بسبها تسخن
بقالى اسبوع اليويمن دول فى الساقة المدمرة دى لازم ادوس دبرياج علشان العربية تدور
ولو مدستش تدور وتبطل تدور وتبطل
لفيت على الميكانيكى والكهربائى انا قلت يمكن تكون فية حاجة عندى اصلى من النوع الموسوس ليكون عند فى العربية حاجة
لاكن ولا حاجة
الاتنين قالولى ان زيت الفتيس بيكون مجمد فى السقعة ولازم ادوس دبرياج
مع العلم الموضوع دة بيحصل لما اكون سايب العربية يوم كامل مدورتهاش لاكن لو دورتها فى اى وقت من اليوم يتدور عادى خااالص
مشكورا هل كلام الميكانيكى والكهربائى صح ولا دول بيفتو ولا انا الى عندى عيب فى العربية مع العلم السخان عندى مظبوط كنت مظبطة وماشاء الله شغال عشرة على عشرة
واسف على الاطالة

**mohammedabdallh** · 20-01-2012 10:19 PM

ده بجد ولا هزار
؟؟؟؟؟؟؟؟؟؟؟؟؟؟؟؟؟؟؟؟
اول مره اسمع الموضوع ده الا فى العربيات الدودج لازم علشان تدور تضغط دبرياج ولما سئلت عن الموضوع ده قالولى عشان لو واخده غيار متنطش وتخبط حد او اى عربيه تانيه

**HeMa_LanCeR** · 21-01-2012 10:27 AM

السلام عليكم
ناخد الموضوع أولا
الصح والطبيعي ان الواحد وهو بيدور يدوس دبرياج ده شيء صح جدا جدا جدا بدون نقاش
نيجي بقي للمشكلة اللي عندك
انت المفروض لما العربيه بتدور السخان يشتغل والعربيه صوتها يعلي
فا انت لما بتكون الدنيا برد كده السخان لو عالي سنة صغير هيخليها تبطل كذا مرة الصبح
يبقي الحل انك توطي السخان
تاني حاجه بقي انت لما بتدوس دبرياج انت كده بتشيل حمل من الموتور فبدل ما هو بيدور الصبح ويبطل علشان لسة مسخنش من الحمل (زي بالظبط لما تمشي بيها من غير تسخين مش بتفضل تنتش ) نفس الفكرة
ولذلك لما بتخف حمل بتدور عادي جدااااااا

لو في نقطة مش واضحة قولي اوضحهالك تاني :)

**ehabfthe** · 21-01-2012 05:13 PM

ارجوكم افيدونى هل فيه علاقه بتنفيس جوان وش سلندر بدخنه بيضه من غطاء الموتور العلوى مع العلم ان الزيت مينقصش نهائ

**memo200545** · 21-01-2012 06:14 PM

المشاركة الأصلية كتبت بواسطة hema_lancer

السلام عليكم
ناخد الموضوع أولا
الصح والطبيعي ان الواحد وهو بيدور يدوس دبرياج ده شيء صح جدا جدا جدا بدون نقاش
نيجي بقي للمشكلة اللي عندك
انت المفروض لما العربيه بتدور السخان يشتغل والعربيه صوتها يعلي
فا انت لما بتكون الدنيا برد كده السخان لو عالي سنة صغير هيخليها تبطل كذا مرة الصبح
يبقي الحل انك توطي السخان
تاني حاجه بقي انت لما بتدوس دبرياج انت كده بتشيل حمل من الموتور فبدل ما هو بيدور الصبح ويبطل علشان لسة مسخنش من الحمل (زي بالظبط لما تمشي بيها من غير تسخين مش بتفضل تنتش ) نفس الفكرة
ولذلك لما بتخف حمل بتدور عادي جدااااااا

لو في نقطة مش واضحة قولي اوضحهالك تاني :)

بدايه احب اشكرك لسرعة الرد مفتقدينك يا ريس بس عفوا انا مش فاهم ولا حاجة انا اساسا السخان عندى مفيص وبايظ وحاليا الكربيتير كله فى التوكيل المهم بردوا العربية علشان متفصلش بقعد دايس على الدبرياج لغاية مالحرارة توصل لاول شرطة