يا جماعة أي حد عنده استشارة طبية أنا تحت أمركم
و اللي الموضوع بتاعة خاص و محرج يكتبه على المنتدى انا ايميلي
medical_egypt@yahoo.com
مع احترامي لجميع زملائي الأطباء في المنتدى سواء الأكبر مني أو الأصغر
عرض للطباعة
يا جماعة أي حد عنده استشارة طبية أنا تحت أمركم
و اللي الموضوع بتاعة خاص و محرج يكتبه على المنتدى انا ايميلي
medical_egypt@yahoo.com
مع احترامي لجميع زملائي الأطباء في المنتدى سواء الأكبر مني أو الأصغر
مبادره رائعه تشكر عليها - سبقتني فيها :(
تحيه من زميل اكيد اصغر :)
على فكرة انا طبيب امتياز
وربنا يوفقك في الامتحانات
انت اكيد في سنة خامسة جامعة بنها او القاهرة
طيب يا جماعة انا هافتتح موضوع الاستشارات...
لي قريب يعاني من نقص في عدد الصفائح الدموية ..(80 الف في المم3)...والدكاترة نصحوة بعملية نقل صفائح لانة كمان مقدم علي عمل عملية جراحية والحكاية دي اتعرفت بعد ما عمل صورة دم كاملة كاستعداد للعملية...
المشكلة انة قلقان جدااااا لان في ناس قالولة..ان دة ممكن يكون بسبب امراض دم خطيرة..وطبعا زي مالاخوة الاطباء عارفين ان منها اللوكيميا...اللهم احفظنا واشف جميع مرضي المسلمين...
ياتري ممكن اساعدة ازاي ...وازاي نتأكد من سلامة الجسم من امراض الدم البشعه دي..
شاكر ليكم...
اية هو تخصص حضرتك
http://www.postimage.org/aV1mgOFi.gif
نقص الصفائح الدموية ممكن يكون بسبب ضعف إنتاجها من نخاع العضام أو زيادة تكسيرها في الطحال و ده الغالب في حالة قريبك و العملية اللي هيعملها اكيد هي استئصال الطحال
بس ع العموم عشان نفرق بين النوعين دول بنعمل فحص عينة نخاع عظام بواسطة دكتور باثولوجي كويس و هو اللي بيحدد إذا كانت زيادة تكسير أو نقص إنتاج
إذا كان السبب زيادة التكسير العيان بيستفيد كتير من استئصال الطحال
إذا كان السبب نقص الإنتاج بنكمل في مشوار التشخيص
و على فكرة لو كان في لوكيميا بتظهر في فحص نخاع العظام
و في جميع الحالات لو العيان قلت فيه عدد الصفائح بصورة كبيرة تؤدي لعرضة المريض لنزيف لازم يتنقل له صفائح
يا استاذ شهاب انا ممارس عام
ولسه ما اتخصصتش
بس ولا يهمك لو حاجة انا ما عرفتهاش هسأل لك فيها
الف شكرعلي الرد....وربنا يستر وما يكونش عندة مشاكل...
انا طب القاهره و حضرتك ؟
انظر بيانات أعضاء نايل موتورز
بسم الله الرحمن الرحيم
جزاك الله خيرا :) شكرا جزيلا على هذه المبادرة الطيبة يا sniper2010 , كان نفسنا نتشرف بأسم حضرتك.
على فكرة اسلام المصري ده اسم واحد صاحبي دكتور
بس معلش يا جماعة محدش يلح عليا في حكاية الاسم دي
ووعد مني اني اقول اسمي بس في الوقت المناسب
صديقي العزيز medo1ahmed1
المشكلة دي عبارة عن التهاب مزمن بالمسالك البولية وده لازمة علاج لمدة شهرين بدواء اسمه uvamin100
ياخد قرص كل 8 ساعات لمدة أسبوعين وبعدين قرص واحد يوميا لمدة 6 أسابيع ثم يكرر مزرعة البكتيريا عشان يشوف النتيجة و إن شاء الله ربنا يشفيه
لا يستحسن وصف علاج بالإسم والجرعة دون فحص المريض ، وكتاب superguide وغيره لا يمكن إعتبارهم مراجع طبية ، يكفينا يا دكتور سنيبر إرشاد المريض للطريق الصحيح وتوعيته بالمعلومات الضرورية.
طبعا يا جماعة كلام الدكتور أحمد صح 100 في 100
ويشمل ذلك أيضا ما يحدث في برامج التليفزيون اللي بقى بعضها دلوقتي عبارة عن إعلانات فقط لا غير
بس الحالة دي بالذات أنا عارفها لأنه قريب ميدو صاحبي
شكرا على المبادرة الكريمة يا دكتور sniper2010 لى سوال لو سمحت اخوى اجرى عملية استئصال الغدة (الموجودة فى اسفل الرقبة )من ثلاثة اشهر وبياخذ ليها علاج مش فاكر اسمة ايه بس هى حبايه صغيرة كدة وبياخذ قرصين يومين - المشكلة انه ساعات بينسى ياخذ العلاج دة ؟ هل فى مضاعفات لكدة وكمان ايه خطورة استئصال الغدة وكذلك هل مرض نشاط الغدة الذى يودى لاستئصالها يصيب النساء فقط وحالة اخى هذه استثناء ولا ايه . وشكرا مقدما على الرد يا دكتور
على فكرة يا دكتور أحمد انا عاجبني تخصص ال Ent
وبفكر أخده
أنا ممكن يكون ليا نيابة في الجامعة
ربنا يسهل والإعلان ينزل
رأي حضرتك إيه
إلى الأستاذ إمام
الغدة دي اسمها الغدة الدرقية وهي فعلا شائعة بين النساء عن الرجال ولكن أمراضها تصيب الرجال أيضا
بس أنا ما أقدرش أقول لحضرتك حاجة على الدواء إلا لما أعرف اسمه
وأعرف كمان هو استأصلها كليا ولا جزئيا و السبب كان إيه زيادة إفرازاتها أم لا قدر الله ورم بها
أما عن خطورة استئصال الغدة فتكمن في أن الهرمون الذي تفرزه يعتبر المنشط لكل أجهزة الجسم تقريبا وعشان كده لازم نعوض المريض بالهرمون ده بعد العملية ونتابع مستواه في الدم كل فتره
وأنا برجح إن الدواء اللي بياخده أخو حضرتك هو هذا الهرمون و بالتالي فإن عدم انتظام تناوله يعرضه إلى أعراض مرض نقص هذا الهرمون
إلى الزميل العزيز admiral
مشكلتك لازمها كثير من الاستفسارات ياريت حضرتك تكلمني على الخاص أو ع الإيميل
شكرا يا أدميرال على التوضيح وعلى الصورة اللي مشخصة نفسها
المرض ده اسمه حزاز جلدي وكل مشكلته انه بيضايق و يخليك عايز تهرش فيه ببطن إيدك زي ما حضرتك تكرمت وقلت ولكنه مرض بسيط بيروح لوحده لو عايز تصبر عليه أما لو هو قارفك قوي ممكن تستعمل له كورتيزون موضعي زي مثلا كريم بردرم وما تقلقش ما لوش الأعراض الجانبيه بتاعة أقراص الكورتيزون
نسيت أقول لك أنه مش معدي
معلش نسيت أقول لك إنه مش معدي
إلى الدكتور أحمد
لسة ما أعرفش الخيارات المتاحة لأن الإعلان لسة ما نزلش
وانا ترتيبي الثلاثين على طب المنوفية
بالنسبة للتخصصات فأنا بحب في الأكاديمي الفسيولوجي والباثولوجي والميكروبيولوجي وبالنسبة للكلينيكال بحب أي حاجة ما عدا النسا و التحاليل والآشعة و التخدير مع احترامي للدكتور شيكو
بالإضافة إلى إن دكاترة قسم الأنف والأذن عارفيني من أيام ما كنت في سنة رابعة وبيحبوني كلهم لأني كنت متفوق فيها
ربنا يوفقك يا دكتور شيكو وترجع مصر بالسلامة
على ماالإعلان ينزل حاول تتخيل نفسك فى تخصص باطنى وتخصص جراحى وعيش حياتك بجد فى الأقسام اللى بتفضلها وقلص إختياراتك ل 3 بالكتير ، ولما ينزل الإعلان هنحسبها من جديد على ضوء الظروف الجديدة والإعلان
دكتور شيكو
أنا سمعب عن حاجة اسمها الولادة الملكية وهي إعطاء جرعة تخدير للمرأة أثناء الولادة حتى لا تشعر بألم "مثل الأميرات يعني"
طب إزاي يدي المخدر بكل أضراره المعروفة على الجنين أكيد في طريقة معينة
نرجو الإفادة
بص يا سيدي الفاضل و ببساطة شديدة عشان كل الاعضاء يستفيدوا
فيه طرق كتير للتحكم في ألام الوضع و الولادة
أكثرهم فاعلية و أمانا هي البنج النصفي أو Epidural
بطريقة معينة يتم الوصول إلي منطقة في الظهر قريبة من النخاع الشوكي و يتم إعطاء جرعات محسوبة من الأدوية عن طريق قسطرة مثبتة تؤدي إلي تخدير الجزء الأسفل من الجسم أثناء الوضع و حتى الولادة
طبعا الموضوع ده كبير قوي و يطول شرحه انما الطريقة ديه منتشرة جدا بره و اثبتت فعالية و أمان
الطريقة التانية هي إعطاء أدوية عن طريق الوريد لتقليل الأحساس بالالم ....عادة الأدوية ديه بتبقى أدوية مخدرة ...Narcotics و ديه كانت مشاكلها كتيرة و ممكن تأثر على الوليد انما مؤخرا ظهرت أدوية أعراضها الجانبية أقل كتير من الأجيال القديمة و فيه أبحاث كتير اتعملت على الجرعات المناسبة و طريقة و توقيت اعطائها
فيه إتجاه للتقليل من أي تدخل في الولادة و ده ما يطلق عليه الولادة الطبيعية ....مجموعة من تمرينات التنفس و التأمل "للسيطرة " على الالم ..(تجربتي الشخصية إنه ما بينفعش و بتحتاج الأم لأي حاجة تساعدها لمجابهة الألم و كتير بتنتهي بماسك نيتروس اوكسايد .....مش فعال قوي بس أحسن من مفيش )
حكاية الولادة الملكية ديه ليه أصل ....الملكة فكتوريا استدعت الطبيب بتاعها (John Snow) وقت الآم الوضع و كانت في حالة يرثى لها فقام باعطائها غاز كلوروفورم فكانت ولادة بدون الم و لما انتشرت الحكاية ديه الناس إطمنت و ابتدت تطلب التخدير
طبعا طريقة كلها مخاطر على الأم و البيبي بس بتتعمل في مصر كتير لغاية دلوقتي بادوية مختلفة منها وريدية و منها إستنشاقيه .....جزء من المهازل اللي بتحصل في المحروسة في كل أوجه الحياه
طب يا جماعة حاجة جلدية كدة فى الخفيف ..
رغم إنى بغسل أسنانى يوميا من 2-3 مرات فى اليوم ، إلا إن أحيانا مش بشكل دورى بتظهر حاجة زى القرح معرفش بالظبط فى الشفة السفلية من الداخل بالظبط دايرة ساعات بتدى لون رمادى كدة بالظبط عند الناب الشمال اللى فى الفك الاسفل ، مش عارف وصلت ولا انا مش عارف اوصلكم ..
المهم انا خالى مرة قلتله قالى انت اكيد بتجيلك بعد ما تاكل حاجات مسكرة كتير أو حاجات حادقة كتير زى المخلل والطرشى مثلا ، ودة فعلا انا بحب المخلل والطرشى اوى وممكن أدخل على طبق أنسفه ، كذلك البسبوسة ، القرح دى لما بتطلع إنسى انها تروح من نفسها إلا بعد 3-4 أيام وأحيانا ممكن توصل أسبوع ، طبعا ناهيك عن الألم أثناء الأكل أو الشرب بجد خنيقة أوى ، عارف كأنك متعور فى شفتك من الداخل رغم إن مفيش صديد ولا كلام من دة ..
ياترى دة اسمه ايه بالظبط قرح ولا ايه ؟ وهل فعلا بتحصل بعد وجبة حاجة حادقة / مسكرة ؟
وايه العلاج بالظبط ؟
Aphthous ulcer
ده اسم المرض بس مش عارف بالعربي
وسببه تأثر الشفاه بالسوائل الساخنة على أرجح الأقوال وإن كان السبب الحقيقي غير معروف
وهو مرض مالوش أي مضاعفات وما بنديلوش أي علاج إلا لو مخلي العيان مش عارف ياكل من الألم بنعطيه بنج موضعي على هيئة بخاخ
وينصح بنظافة الفم والأسنان بصفة منتظمة
بجد بيقللها جدا جدا
أنا بقترح على إدارة المنتدى تعمل قسم خاص داخل المنتدى الاجتماعي مختص بالاستشارات الطبية خصوصا إن المنتدى ما شاء الله مليان دكاترة