-
سرقة بطارية الـ127و128
انتشرت في الاونة الاخيرة سرقة البطارية في العربيات القديمة وخصوصا اكتر عربيتين شعبيتين في مصرنا العزيزة لدرجة اني لما روحت اسأل علي اسعار البطاريات ولما العامل عرف ان عربيتي 127 سألني هيه اتسرقت؟ وعرفت منه ان الموضوع ده بيحصل كتير بعد حالة الانفلات اللي عاييشين فيها باسلوب فتح الكبوت ماعرفش ازاي , المهم كنت عايز اعرف ازاي اقدر امنع الموضوع ده لاني ممكن المرة الجاية ماتكونش البطارية بس هيه الضحية
وشكرا
-
انا حصلى نفس الموضوع من فتره وهى عامه ال 128 و 127 مشهورين بسهوله سرقه البطاريه علشان الكبوت ممكن يتفتح بسهوله ولو عايز تحمى البطاريه اعملها بوكس بقفل عند اى حداد وانسى الموضوع خالص
-
اعملها جنزير ملحوم فى القاعده ويتقفل بقفل
روح لاى حداد او سمكرى وهو فاهم حيعمل ايه اصل الموضوع ده منتشر فعلا
وكان فيه حديده بمفصله كده راكبه عندى وبرضه ملحومه فى القاعده وبتتقفل بقفل كانت جامده بس مش عارف دى بتتباع ولالا
-
كلام مظبوط بس انا كنت عايز امنع السارق انه يعرف يفتح الكبوت من الاساس
ماهو لو ماسرقش البطارية هيسرق الاستبن او اي حاجة تانية سهلة الفك
-
مفيش حاجه اسمها تمنعه يفتح الكابوت
بس ممكن تركب جهاز انزار وهو حيعمل الواجب لما حد يجى جنب العربيه
وممكن تعمل مفتاح زى مفتاح الباب وتركبه تحت الكبوت وتوصله بالانزار واول ما حد يفتح الكبوت الانزار حيشتغل ومش حيبطل
مفيش حلول غير كده
Content Relevant URLs by
vBSEO 3.6.0 PL2