انا كنت عامل مفتاح الفصل على الكارتة بتاعت العربية لكن بيعلق الطرمبة و يخلى العربية تبطل او ما تدور فبطلت افصله
فعاوز اعرف ممكن اوصله على ايه تانى او افصل بيه ايه تانى غير الكارتة و المارش طبعا
عرض للطباعة
انا كنت عامل مفتاح الفصل على الكارتة بتاعت العربية لكن بيعلق الطرمبة و يخلى العربية تبطل او ما تدور فبطلت افصله
فعاوز اعرف ممكن اوصله على ايه تانى او افصل بيه ايه تانى غير الكارتة و المارش طبعا
اعمله علي الرشاشات
خلى بالك ممكن يكون المفتاح نفسه هو ال عايز يتغير وبيعلق يفضل تغيره الاول ولو المشكله كما هى انقل على الرشاشات زى الاستاذ طارق ما قال
انا عندى المفتاح عمله على سلك طرمبه البنزين بس المفتاح مخليه مفتاح النور بتاع البيت علشان يستحمل مش مفتاح التكه الواحده
انا عامله بنفسى فى البيت و عملته فى عربيتى من عند علبه الفيوزات و عربيه اخويا و اصحابى كلهم من عند طرمبه البنزين على طول و المفتاح زى ماقولت بتجيبه من الكهرباء عادى قوله عاوز مفتاح نور بتشينو اللى ب 7 جنيه ده و الحمد لله ماشى بيه بقالى سنه انا و اخويا و زى الفل الحمد لله
يا جماعة بعد إذنكم إيه هو مفتاح الفصل دا؟ وفايدته إيه؟؟
يا ريت تشرحولنا الموضوع بالراحه ربنا يبارك لكم
على حد معلوماتى البسيطه يا باشا ......هو عباره عن مفتاح بيتعمل فى شنطه العربيه غالبا
عشان يفصل طرمبه البنزين او يفصل الرشاشات او المرش.....عشان يحمى العربيه من السرقه
يعنى محدش يعرف يدور العربيه غير لما يشغل المفتاح ده تانى......طبعا صاحب العربيه لما
بيقفلها وهو نازل بيقفل المفتاح ده ولما يحب يستخدم العربيه تانى ببيشغل المفتاح ده عشان العربيه تدور
باشا هو الرشاشات ليه فيوز ؟؟ و لو ليها مكانه فين فى اللانوس
لا المفتاح بيعلق الكارتة عن طريق انه بيمسح الداتا اللى موجودة كلها فبيخلى الكارتة كل مرة تتعرف على الحساسات و خلافه فبيعلق الدنيا
باشا مفتاح البيت 10 امبير و مفتاح التكة النوع النظيف بيكون 15 امبير و اظن الطرمبة بتسحب 15 امبير فالمفتاح ده هيخنق مسار التيار لكن لو الطرمبة بتسحب 10 يبقى المفتاح ده زى الفل
ياسر باشا المفتاح وضيفته زى ما ذكر الاخ الفاضل srm و فى الاول و الاخر ربنا هو الحامى و الحارس لكن لازم ناخد بالاسباب
المفتاح بيتحط فى اى حتة مش لازم الشنطة , و هو مفتاح كهربائى زرار يعنى
هو افضل مفتاح فصل و انت نازل من العربية تقول اللهم استودعتك ايها , و ربنا يحمى الجميع باذن الله
مفتاح التكه الواحده 3 امبير ياباشا علشان كده حطيت مفتاح النور بتاع البيت اللى بيكون 10 امبير مع ان الطرمبه عندى فى الفيرنا بتكون على 20 امبير و اهى تمشى مخنوقه احسن من لما ماتمشيش خالص :) مع انى مش ملاحظ حته الخنقه دى
عايزين صور يا جماعه عشان نعرف نعمله وتعم الفائده على الجميع
شكراً جداً ليك يا بشمهندس محمد على المعلومة، الصراحة أنا وصديق ليا كنا بنفكر نعمل الموضوع دا بس مش عارفين إزاى، بس إنت بتقول أنه بيمسح الداتا من على الكارتة، طبعاً دا هيعمل إضطرابات فى العربية ولا أيه؟؟ وطبعاً سبحانه وحده هو الحافظ زى متفضلت وذكرت، بس برضوا نعمل اللى علينا، أعتقد إنها أحسن من العكاز والعصايا بتاعة الطارة...
هو في فيوز للرشاشات ,هو الرابع يمين في علبه فيوزات اسفل التابلوه وهو الافضل عن تجربة ومالوش اي تأثير علي الكنترولر اطلاقا لأنه في سكة الرشاشات من بعد الكنترولر والتيار اللي بيمر فيه صغير ممكن اي مفتاح صغير يفصله بدون تلف للمفتاح وتخبيه في مكان سري وسهل الوصول اليه ليك
وبالتوفيق
ادي فيوزات الرشاشات كلها
http://i827.photobucket.com/albums/z...ntitled-24.jpg
ودي كمان
http://i827.photobucket.com/albums/z...ntitled1-1.jpg
هههههههه
هى الخناقة هتبقى خناقة فى مسار التيار يعنى الطرمبة متخدش كامل التيار بتاعها بس فيه اعتبارات هندسية اخرى نتيجة لاختلاف نوع التيار و الفولت يعنى لو حسبت الباور اللى هتعدى خلال المفتاح هتلاقيها فى العربية اقل كتيير من البيت , و ان التيار المتردد بيمشى على سطح الموصل بس عكس المستمر
الخلاصة بعد مشوار طويل امسك المفتاح كله بايدك شوفه سخن و لا دافى و لا بارد و ربنا يبارك لك فيها
على فكرة انا كنت شارى مفتاح تكة واحدة من فترة طويلة 15 امبير تركى ب 13 جنية و لسة شايف صينى 10 امبير ب 3 جنية بس شكله ميعديش امبير و نص
بص يا بشوات الفكرة بسيطة جدا , انتم عارفين اى لمبة عادية فى البيت رايح لها سلكين موجب و سالب لو انت جيت و قطعت السلك الموجب من اى حتة و حطيت مفتاح و خفيته حد هيعرف ينور اللمبة دى غيركم فى البيت
اما الخطوات 1- شوف انت عاوز تفصل عن ايه فى العربية طلمبة رشاشات موبينة مارش ...........
2- شوف مكان الفيوز بتاعها فين و ياريت لو الفيوز بتاعها فى العلبة الداخلية علشان متخرجش بالسلك للكبوت
3- بعد ما حددت الفيوز فك علبة الفيوزات ثم شوف السلك اللى طالع منه و اقطعه بس و انت بتقطعه سيب مساحة علشان هتجيب سلك تانى طوله متر و تلحمه تانى فى السلك المقطوع من الناحيتين
يبقى انت كده معملتش حاجة غير انك طولت السلك , و طبعا طول السلك هيتناسب على المكان اللى هتحط فيه المفتاح
4- السلك اللى انت زودته و لحمته , اقطعه من نصه ووصل فيه المفتاح و اثبته فى اى حتة غير ظاهرة
اخيرا محدش يعمل الفصل على المارش علشان اى كهربائى شاطر بجوز مفكات يدور اجدع مارش من الكبوت
و نعم بالله
كنت فعلا بتعمل اضطرابات يا ياسر باشا يعنى تلاقى العربية مرة تقوم و تبطل مرة تقوم عالية و مرة مظبوطة و هكذا و ده راجع ان كل الداتا اللى عليها اتمسحت و بتبدا تسجل داتا جديدة للحساسات
اشكرك
مدرسة و الله يا طارق باشا :tumb:
بس علشان المعلومة تبقى كاملة اللى فى الكبوت دول الباور و اللى فى الصالون بتاع اشارة الفتح ؟؟؟
بس يا أستاذ طارق وبشمهندس محمد أنا جربت شيلت الفيوز اللى مرسوم فى الصورة دا معملش أى تأثير والعربية دارت وأكنى مشيلتش حاجة، بالنسبة للى فى علبة الفيوزات اللى فى الحوض شيلتهم وفعلاً مفيش أى حس للعربية من غيرهم.. بس فعلاً أنا عاوز حاجة جوة الصالون..
جرب وشيل فيوز f14 اللي هو الرابع يمين من فوق وهتلاقي العربية فاصلت تماما لانه ده المسئول عن الرشاشات وانا فعلا مجربه من فترة وشغال 100%