أخي الفيلسوف برجاء مراجعة الخاص ضروري
عرض للطباعة
أخي الفيلسوف برجاء مراجعة الخاص ضروري
أنا طلعت قبل كده العمرة بري بس في أتوبيس طبعا ً ... والله يا جماعة الرحلة مرهقة جدا ً حتى لو انت مش سايق ..
المعاملة عند العبارة سيئة للغاية ... ممكن تستني يوم كامل هناك ...
مجرد ما توصل المينا الي هتعدي منها يعتبر المشوار خلص لأن الطرق من أول الأردن تحفة بجد ... ومش محتاجة إنك تبقى عارف الطريق ... لأن الطريق كله متخطط وفيه لوحات إرشادية كتير جدا ً ... وتقريبا ً المسافة الكلية للرحلة رايح جاي في حدود 7000 كيلو
والي عايز بقى يجرب ويطلع بعربيته يبقى أكيد يطلع بعربية مواصفات خليجي ويا ريت لو ياخد معاه ميكانيكي شاطر :scooter: لأنك هناك ممكن تفضل سايق 3 أو 4 ساعات لوحدك ع الطريق مفيش عربيات غيرك ... فلو العربية قلت بأصلها محدش عارف إيه الي ممكن يحصل
ومن الآخر كده ... مجازفة مش جايبة همها الصراحة
[quote=sab3aawy;290225]يهيألى ان الحل الأسهل هو ان مجموعة من المسافرين ، وليكن 9 افراد مثلا ، يسافرو الى الغردقة بالسوبرجيت وياخدو العبارة السريعة الى ضبا ومن هناك يستأجرو عربية ميكروباص 14 راكب بالسائق مدة العمرة او الحج كلها ، اريح واوفر وابعد عن المشاكل والبهدلة لكى يستطيع الحاج او المعتمر التفرغ للمناسك
بهذة المانسبة فانا لى واحد من معارفنا من جيل ابائنا ، قام فى اواخر التسعينات هو وزوجته وابنتيه بأداء فريضة الحج ممتطين صهوة سيارة فيات 127 موديل 1982من ام 2 باب ، طلعو بها من حى الضاهر فى القاهرة الى نويبع فالعقبة فالسعودية وادو بها المناسك كلهاوسافروا بها المدينة ورجعوا ، سافروا بها وقضوا كل المناسك بدن اى مشاكل ورجعو بها عبر الفيافى والقفار، وهم راجعين بالسلامة السيارة تعطلت بيهم -فين-فى الهاكستيب بطريق الإسماعيلية على مشارف القاهرة ، المهم الراجل سابهم فى العربية وراح جاب ميكانيكى يصلحها، الميكانيكى لقى فيها ايه-تخيلوا- الأرضى بتاع البوبينة واقع من مكانه، ثبته وقال للراجل دور راحت دايرة وكملوا بيها الطريق لحد البيت
عموما انا لا تواتينى الجرأة لاداء مثل هذا العمل ، لكن فقط الشئ بالشئ يذكر[/quote]و الله دي بركة الطاعة بس
على فكرة يا جماعة انا جربت السفر البري لكن و انا صغير لما جينا مرة اجازة من السعودية بعربيتا الكريسيدا العظيمة
الموضوع كان مرهق الى حد ما لكن مان في قمة المتعة
صدقووووووني اللي هايجرب مش هايندم بشرط ان ميبقاش في مشاكل في العربيات او الورق وخلافه
تسلم يابو ياسين يا زوق. انا بس حبيت اسال علي موضوع العبارة لان فية ناس خوفونا من العبارة بسبب اللي حصل من فترة لعبارة السلام 98 بس ناس تانية قالولي انها ما فيهاش اي مشكلة وكمان عجبتني فكرة العبارة السريعة اوي لاني عاوز اكون في نويبع في اقل وقت ممكن ومنها ان شاء الله للقاهرة.
طيب سوال تاني لو ما فيهاش رخامة...انا لما اروح نويبع هل هامر بالسويس يعني هاعدي نفق احمد حمدي (تحت قناة السويس) ولا هايكون الطريق من نويبع للقاهرة مبار دون المرور بالسويس؟
ليه هو احنا رايحين جنوب افريقيااقتباس:
وتقريبا ً المسافة الكلية للرحلة رايح جاي في حدود 7000 كيلو
مش للدرجه يا اخي
المشوار سبق وذكرنا انه رايح جاي مش هيعدي 2500 كيلو فقط بمشاويرك هناك
طب مادام الموضوع اتفتح و انا صوت ليه لا ياريت حد يقول على الطريق بالتفصيل يعني من عند كوبري السلام مثلا او من عند السيويس و اكيد في ناس بتسافر بري يعني اخوانا الي بيشتغلو في السعوديه اكيد في ناس بتسافر بري فيهم بالعربيه او اتوبيس ياريت يقول على الطريق بالتفصيل و ايه الي ناخد بالنا منه و احسن عربيات تروح يعني الماني ولا يباني و كده
اروح العمرة بالابيزا عادي
شوفوا ياجماعه
انا مقيم بالكويت ورحت عمرة أكثر من مرة بالسيارة
الأجراءات من حوالي 3 سنين غير دلوقتي خالص
حاليا لا تسمح السعودية بأعطء تأشيرات لأشخاص
مع سياراتهم منفردين لأداء العمرة ، لابد تكون تبع
حمله بريه للعمرة مع شركة سياحة مثلا او مصرح
لها بتنظيم رحلات حج وعمرة ، علشان مسئولية
الأشخاص وعدم هروبهم او غيرة (يعني يكون لية
صاحب في حالةاي مشكلة يجيبوه)
والشركة دي هي اللي بتجيبلك التأشيره مش انت
لوحدك كده.
طيب ، السيارات اللي بتسافر بيها يفضل جدا انها
تكون منتشرة بالسعودية ، كورولا لانسر افيو اوبترا
لأن مش كل المسافات في السعودية فيها قطع غيار
وتصليح.
بالنسبة للسواقة جوه السعودية فهي ممتازة جدا طبعا
بس لابد من وجود خريطة لأن المدن والضواحي
وأماكن محطات البنزين لازم تكون عارفها
طبعا افضل ان يكون طريق السفر من مصر
عن طريق سفاجا وليس نويبع علشان ماتدخلش
الأردن وتوفر التامين والتاشيرة وغيره
بس حاتكون المسافة بالعباره اطول شوية
حاليا لاتسمح الشرطة السعودية بدخول السيارات
الخاصة الأجنبية من دخول مكه ويتم حجزها قبل
حدود مكة بمنطقه حجز مخصصة لذلك ومؤمنة
وتاخد شنطك بواسطة التاكسيات المحلية الي
الفندق وتسكن وبعدين تشوف انت اتعمل اية بعدها
الدخول مسموح فقط للباصات السياحية لتنزيل
المعتمرين داخل مكة والخروج منها بعد ذلك
الأجراءات في المنافذ السعودية جيده جدا
وتخلصها تقريبا وانت في السيارة ماعدا تفتيش
العفش المنقول (لو كان معاك اي حريم
الأجراءات بيتقي تقريبا مافيش) من ناحية
التفتيش طبعا.
يجب السؤال من السفاره هل بتحتاجو أصدار
دفتر تريبتك من مصر ولا لأ ، ودة من مكتب
أصدار الرخص الدولية وهو بوسط القاهرة
جنب الخطوط الفرنسية علي ما أعتقد
بالنسبة للأخ المسافر من قطر الي مصر
وحايمر يعمل عمرة
خبر مش كويس وهو انك لما بتاخد تأشيره
علشان تنزل مصر بتكون تأشيرة مرور
وهي للمرور بالسعودية خلال 3 أيام
فقط ولو فية نقطة تفتيش ودول كتير جدا
في الطريق ممكن يقولك انت مرور ومش
من حقك تاخد طريق مكة او المدينة لأنهم
خارج خريطة المرور لمصر ، وطبعا لازم
يكون معاك دفتر تريبتبك
اما لو خدت تأشيرة عمرة مامينفعش تنزل
بيها مصر علشان بيشترط فيها انك تدخل وتخرج
من نفس المنفذ الحدودي للسعودية
يعني لازم ترجع بلدك تاني بعد العمرة
خلاصة الراي في الموضوع دة:
روح عمرة مع شركة سياحية بالبر
دي أفضل وسيلة حاليا لذلك ولكنها
متعبة جدا خصوصا في الحدود
(اجراءات الباصات في السعودية غير
أجراءات السيارات الخاصة تماما")
لو فيه اي اسئلة انا حاضر بأذن الله