شكرا HP وعفوا Samsung مصر

**tkamal** · 21-01-2012 05:40 AM

حصل لى تجربه فى الاشهر الى فاتت قولت اقوله يمكن الاخوة تستفيد
خصوصا فى احد الاصدقاء فى المنتدى يستفسر عنها

كنت زى كل الناس عايش وراضى بحالى والحمد وكنت فى الرياض
وفجاة حدث تدهور فى صحة امى
قررت على اثرها ترك العمل فى الرياض
والنزول الى مصر دى اول شى

المهم لما نزلت حصل التالى بالحرف فى اقل من شهر

1- العربيه انخبطت
2- لاب توب HP جديد انسكب عليه ميه جاب المازر بورد فى الحال
3- لاب توب HP المدام بتنظفه خرب الكيبورد
4- الموبيل جلاكسى بعمله ابجريد اتحرقت البورده
5- واحد صحبى من الرياض نزل اجازة يسلم عليا وهو من الاسكندريه وهو راجع العربيه اتسرقت
6-ابن اختى اكتشفنا ان عندة توحد
7- تعبت نفسيا فسحت الاول وبنتعشى الاكل كبس عليا معرفتش اتنفس دخلت العنايه المركزة ودوشة لمدة 6 ساعات
8- فى حاجات تانيه كتير بس مش هينفع اقولها

الحمد انا بخير وعادى جدا ان دة يحدث لكن ان يحدث فى اقل من شهر دة الغريب

المهم نرجع لموضعنا
HP وسامسونج
الاجهزة التلاته فى الضمان لسه بشكهم

hp
رحت شركة ميترا فى شارع وادى النيل وتم تغير البوردة والكيبور لكل الاجهزة من غير مادفع ولا مليم مع العلم ان الجهاز تم شراءة من الرياض وانا سبب المشكله
ولكن الحمد الله طلع الشركة بتغطى ضمان الشرق الاوسط عن طريق السيريال نمر

Samsung
لاسف شركة يونيو جروب قالتى ولا اعرفك ولا كان الجهاز نعرف عنه شى
اقوله دة سامسمونج يقولى وانا مالى انت شاريه من برة
المهم قولت اجرب سوفت وير بس عندهم قالى 200 جنيه
وافقت بعد خمس ايام قالى الجهاز عايز بوردة وتمنه 3000 جنيه يعنى بتمن الجهاز

خاته وطلعت على رايه نفس النظام قالى ولا اعرف
يا جماعة مش انتم وكيل سامسونج ولا نعرفك
طيب ممكن تكشف عليه قالى 500 جنيه

فهمت مش هيعرفوا يصلحوا

اديتع لواحد صاحبى مسافر الرياض والحمد تم استبدال الجهاز بجهاز جديد لان البردة اتحرقت

السوال بقى ليه HP وافقت على تصليح الجهاز وجوز البهوات يونيو جروب ورايه رفضوا

الدرس المستفاد اشترى HP من الخارج لان الضمان شرق اوسط

**abdo_2812** · 21-01-2012 06:58 AM

لا حول ولا قوة إلا بالله
ربنا يعافيك ويحفظك ويشفيلك والدتك ويسترها معاك
وياريت تحافظ على أذكار الصباح والمساء وتشغل قرآن كتير
الدرس المستفاد فعلا: توكيلات الموبايلات في مصر زبالة كلها وعن تجربة ...

**أشرف العدوي** · 21-01-2012 07:20 AM

كلمة السر منصور جروب

**BUNSH** · 21-01-2012 01:48 PM

ربنا يحفظك ويشفى والدتك ويسترها معاااااك ومعانا ..

كلمة السر منصور جروب

+111111111

**hossam_elwani** · 21-01-2012 02:41 PM

قدر ولطف مش عارف ليه اى حد يجى من الخليج او السعوديه خصوصا لازم تحصله بلاوى من دى ... والامثله كتير

**BUNSH** · 21-01-2012 03:02 PM

المشاركة الأصلية كتبت بواسطة hossam_elwani

قدر ولطف مش عارف ليه اى حد يجى من الخليج او السعوديه خصوصا لازم تحصله بلاوى من دى ... والامثله كتير

لأن ناس مش بترحم نفسها وتفتكر ان اى حد كااااااااان شغاااااااااال فى خليج يبقى اكنواااا شغاااااااااال ف حقل بتروووووول ومعاااااة فلوس وعملهم ,, أنا ليا ابن خالى كان فى سعودية فترة ونزل اجازة بعربية فورد ايدج يدوبك نزل بيها وهوة رااااجع اتقلبت بية على طريق ومتبقاااااااش منها حاجة وهوة(حمدلله ان ربنا كتبلوااا عمر جديد) ,, ويارب يهدى نفوس ناس .