النور الواطى فى الشاهين

**medozaed** · 28-05-2008 01:30 PM

انا المشكله عندى فى النور الواطى مبيرداش يشتغل الا بعد فتره فىحدود15 دقيقه او10دقائق غيرت الكتاوت ولسه المشكله موجوده وغيرت الفيوزين وكشفت على المبات لاقيته سليمه انا عايز اعرف العيب من ايه مع ان النور العالى بيشتغل علا طول بدون اى مشاكل ان عايز اعرف العيب من ايه واغيره اصل الكهربانى لما معرفش يحل المشكله قالى هاعملك دفيره جديده للنور الواطى فامرضتش قولتيلوه هاتلى القطعه البايظه وانا اغيرهاك انما ماتلعبش فى الدفيرهيريت لو حد يعرف المشكله من ايه يرد عليا

**sab3aawy** · 28-05-2008 02:56 PM

هل كشفت على دراع النور(المفتاح اللى على شمال الديريسكيون)
لو عربيتك اعلى من 2002 وفيها مفتاح النور اللى بيلف ، احتمال كبير جدا تكون المشكلة منه

اعمل اختبار صغير جدا مع الكهربائى، افتح النور بالمفتاح وتأكد ان المشكلة حاصلة ومش منور، وخلى الكهربائى يعمل كوبرى على المفتاح من السوكيت اللى موجودة تحت الديريكسيون، لو النور نور بالطريقة دى يبقى مفتاحك بايظ

فى هذة الحالة، ممكن تفك بلاستيك القطمة وتدى ملامسات المفاتح رشة Wd40 وتجرب تفتح وتقفل كذا مرة علشان ال Wd40 يبلل الملامسات كويس، لو ده حل المشكلة فبها ونعمت، متحلتش يبقى غير مجموعة المفتاح

**medozaed** · 28-05-2008 03:20 PM

شكرا ياسبعاوى باشا بس انا المفتاح عندى مش فى الدراع العربيه موديل 2000

**sab3aawy** · 28-05-2008 04:07 PM

طيب سؤال تانى؟

هل مشكلتك مع النور الواطى اللى هو النور الصغير خالص اللى بينور مع اول تكة من المفاتيح لكن مش بعمل اى نور قدامك وللا مشكلتك مع النور الوسط اللى هو بينور قدامك وبنستعمله طوال الوقت؟

لو هو النور الصغير يبقى ممكن تكون مجموعة المفاتيح اللى فى الشمال فيها مشكلة

لو هو النور الوسط يبقى هنرجع تانى لمشكلة الدراع، ممكن يكون الدراع بايظ

**medozaed** · 28-05-2008 05:13 PM

انا قصدى على النور الوسط وهو مالوش اى علاقه بالدراع الدراع بيشغل النور العالى فقط

**sab3aawy** · 28-05-2008 05:35 PM

المشاركة الأصلية كتبت بواسطة medozaed

انا قصدى على النور الوسط وهو مالوش اى علاقه بالدراع الدراع بيشغل النور العالى فقط

ازاى بأه الدراع مالوش علاقة بالنور الوسط، هو مش لما الدراع بيكون لفوق يكون النور الوسط هو اللى منور ولما الدراع بينزل تحت النور الوسط بيطفى والعالى بينور؟ (العالى لما بينور الوسط بيطفى، هم مش بيكونوا منورين مع بعض غير فى حالة الرعاش)

يبقى الدراع له علاقة بالنور الوسط لأنه هو اللى بيوصل كهرباء لواحد من الاتنين الوسط او العالى حسب وضعه ، يبقى لازم تكون الكهرباء اللى رايحة للنور الوسط معدية على ريشة فى الدراع علشان يقطع عنها كهرباء لما ينزل لتحت، وللا ايه رأيك؟

فممكن جد تكون ريشة النور الوسط اللى فى الدراع بتعلق ومحتاجة نضافة او تغيير

**medozaed** · 28-05-2008 05:54 PM

كلامك مقنع جدا هى دى الحاجه الواحيده الى مادورناش فيها انا هاخلى الكهربائى يفك الدراع وينضفه وبعدين اشوف ايه الى هايحصل وهاخليه يلمس السلوك بره الدراع واشوف المشكله منه ولا لا وبعدين هارد عليك يا سبعاوى باشا

**medozaed** · 30-05-2008 01:02 AM

انا كشافت على الدراع ولاقيته سليم تفتكر المشكله منين مشكله النور انه بيشتغل بس مش علاطول وحتا لما بيشتغل فى كشاف بيشتغل وبعديه التانى وهما ومزجهم يعنى ممكن مايشتغلوش كذا يوم وسعات يشتغلو اول ما ادوس على الزرار انا خلاص المشكله دى هاتجننى ذى اما يكون فى عفريت فى العربيه