أستهلاك البنزين و كيفية التحكم فيه في الجين 2

**tutankhamoun** · 21-01-2012 09:30 AM

السلام عليكم .
مبدئيا الموضوع ينفع مع أي عربية 1600 أو أكبر في الحجم و لكن علشان التجارب كلها تمت 100 % على الجين 2 أغلب الوقت فأنا عملت الموضوع هنا و كمان علشان الناس تستفيد منه و يارب يكون مفيد .
مبدئيا لازم تعرف شوية حاجات مهمة و عوامل بتأثر على أستهلاك البنزين في أي عربية

وزن السيارة .
ضغط الكاوتش .
نوعية البنزين.
طريقة القيادة .
سرعات المحرك .
سرعة السيارة.

أحنا هانفترض أن السيارة في حالة ممتازة (معندكش مشكلة في الكهرباء و لا المحرك نفسه )

وزن السيارة كل لما يخف كل لما الحمل يقل على المحرك و بالتالي أستهلاك أقل .
ضغط الكاوتش مهم جدا لأنه بيأثر على تلامس الكاوتش مع الأرض و بالتالي تقليل الأحتكاك عند الدرجة المثالية.
نوعية البنزين (لازم يكون بنزين مش مغشوش و كمان يكون متوافق مع البنزين الموصى به في كتالوج السيارة )
طريقة القيادة هامة جدا و بتتوقف عليها العاملين التاليين اللي هما سرعة المحرك و سرعة السيارة النهائية .

طيب أختصارا للكلام الكتير تعالوا نتكلم بأرقام .
وزن السيارة هو 1200 كجم بالاضافة لوزن السائق اللي هانقول متوسطه هو 1280 كجم .و لو ضفنا أي ركاب أو أحمال الوزن هايزيد طبعا . ( و ده مش مشكلة هي العربية متصممة لكدا و لكن كل لما الوزن يزيد الأستهلاك بيزيد معاه ) معلومة للتذكرة فقط .

ضغط الكاوتش في الجين 2 لازم ما يقلش عن 30 و يا حبذا بقى لو نيتروجين علشان ضغطه ثابت و أنا أنصح أنك ترفع الضغط ل 32 لو حاطط نيتروجين ( عامل مهم قوي قوي في الأستهلاك هو ضغط الكاوتش )

نيجي بقى لعامل مهم قوي قوي قوي مع العوامل الثانية لتخفيض الأستهلاك .
طريقة سواقتك
غير على 3000 لفة في الدقيقة كأقصى تقدير و لو على 2500 يبقى 100 % بس لما تكون محمل العربية أو طالع مطلع غير على 3000 لفة - دقيقة
لما تكون عارف أنك داخل على مطب ....... بتدوس بنزين ليه ؟ (أنت كدا بتستهلك بنزين ملوش لزمة - و بتستهلك الفرامل كمان و بتستهلك الطنابير - طيب ليه و أنت كدا كدا هاتقف - خليك حكيم و ملكش دعوة بالناس اللي بتزنق على بعض و اللي بتجري زي المجانين و خلاص )

عايز أستهلاك مثالي متخليش سرعتك تعلى عن 90 كم - س أو 100 كم - س عند السفر
و على الطرق الدائرية 80 بيكون ممتاز في الأستهلاك .

كل العوامل دي ممكن تخليك تعمل أرقام خيالية محدش هايصدقها .
ممكن و بكل سهولة تعمل 7 أو 6.5 لتر لكل 100 كم
يعني من الآخر 20 لتر (صفيحة تخليك تعمل فوق 270 كم كمتوسط )

و الأرقام دي تنطبق على المانوال و الأتوماتيك على حد سواء .

**Eng.Geo** · 21-01-2012 09:57 AM

كلام جميل جدا
بس بعد أزنك هضيف حاجة صغيرة
عشان توصل لسرعة معينة يبقي لما تنقل يبقي عند max torque
عشان ماتبقاش في الغيار اللي بعده محتاج تدوس أكتر ( أستهلاك أكبر ) عشان توصل للسرعة المطلوبة
يعني لو الجين ال max بتاعها عند 4000 وانت نقلت عند 3000 .... هتاخد وقت أطول في الغيار اللي بعد عشان توصل لل3000 تاني أو ال 4000
انما لو نقلت عند 4000 يبقي الغيار اللي بعده انت نزلت torque قليل والموتور يقدر يسعفك ويوصل لل max بسرعة وتاخد الغيار في وقت أقل ( أستهلاك أقل )
حاجة كمان .... بس للعربيات ال injection بس ... طبعا الجين كدة ... بس عشان لو حد قرا الكلام ده من أقسام تانية
لما تكون ماشي بالعربية وعلي غيار وعايز تمشي بولا نقطة بنزين no fuel
just سيب رجلك من علي دواسة البنزين وأوعي تمور
مثلا انت علي الخامس وجايب 100 والموتور عند 2500 rpm
لو رجلك عالبنزين ..... كدة الرشاشات بتحط بنزين عشان تحافظ علي عدد اللفات أو تزودها
شلت رجلك .... الرشاشات بتقطع بنزين خالص ( ال ecu ) هو المسؤل عن كدة ... و هنا العجل بتاع العربية هو اللي هيللف الموتور بالقصور الذاتي ( inertia )
لو مورت ... ال ( ecu ) هيفضل يدي بنزين للموتور عشان يخلي العربية علي السلانسية ودايرة عشان الموتور ماتقفش

يعني في المنازل .... تسيب العربية نازلة من غير ما تمور .... غير التوفير هي أمان جدا ... وتخف الحمل من علي تيل الفرامل والنظام كله
لما تكون في سفر وماشي 100 ... ماتفضلش دايس طول الوقت .... شوية دايس وشوية سايب

**SonaSteel** · 21-01-2012 10:50 AM

مشكووووووور توت بيك ........ موضوع ممتاز ماشاء الله
وكان فيه تقرير احمد تي في برده كان عامله زي كده ..... ومفصل فيه كل نقطه من اللي حضرتك اتكلمت عليه
مشكووور والله يعطيك العافية :))

المشاركة الأصلية كتبت بواسطة Eng.Geo

كلام جميل جدا
بس بعد أزنك هضيف حاجة صغيرة
عشان توصل لسرعة معينة يبقي لما تنقل يبقي عند max torque
عشان ماتبقاش في الغيار اللي بعده محتاج تدوس أكتر ( أستهلاك أكبر ) عشان توصل للسرعة المطلوبة
يعني لو الجين ال max بتاعها عند 4000 وانت نقلت عند 3000 .... هتاخد وقت أطول في الغيار اللي بعد عشان توصل لل3000 تاني أو ال 4000
انما لو نقلت عند 4000 يبقي الغيار اللي بعده انت نزلت torque قليل والموتور يقدر يسعفك ويوصل لل max بسرعة وتاخد الغيار في وقت أقل ( أستهلاك أقل )
حاجة كمان .... بس للعربيات ال injection بس ... طبعا الجين كدة ... بس عشان لو حد قرا الكلام ده من أقسام تانية
لما تكون ماشي بالعربية وعلي غيار وعايز تمشي بولا نقطة بنزين no fuel
just سيب رجلك من علي دواسة البنزين وأوعي تمور
مثلا انت علي الخامس وجايب 100 والموتور عند 2500 rpm
لو رجلك عالبنزين ..... كدة الرشاشات بتحط بنزين عشان تحافظ علي عدد اللفات أو تزودها
شلت رجلك .... الرشاشات بتقطع بنزين خالص ( ال ecu ) هو المسؤل عن كدة ... و هنا العجل بتاع العربية هو اللي هيللف الموتور بالقصور الذاتي ( inertia )
لو مورت ... ال ( ecu ) هيفضل يدي بنزين للموتور عشان يخلي العربية علي السلانسية ودايرة عشان الموتور ماتقفش

يعني في المنازل .... تسيب العربية نازلة من غير ما تمور .... غير التوفير هي أمان جدا ... وتخف الحمل من علي تيل الفرامل والنظام كله
لما تكون في سفر وماشي 100 ... ماتفضلش دايس طول الوقت .... شوية دايس وشوية سايب

ياهندس الله يباركلك انا كان نفس افهم حتة النقل علي الار بي ام ديه وكمان ممورش علشان الecu جزاك الله عنا خيرا والله ......... بس سؤال لولبي
دلوقتي علشان اوصل لسرعه معينة لازم احرق علي الغيار؟؟
بمعني
دلوقتي عايز اعدي عربية او جيبها مثلا كل ما احرق علي كل غيار هايجمعلي سرعه ولا مش بتمشي كده ؟

**mohammad_rady** · 21-01-2012 01:16 PM

من واقع تجربتي مع بيرسونا 2012 في السفر وانا كل مشاويري سفر وطرق سريعه بحكم الاقامة في محافظة السويس يا اما سفر للقاهرة او التنقل داخل السويس على الطرق السريعه ايضا لما بكون لوحدي في السيارة على سرعة 100 كيلو وعدد لفات الموتور من 2500-2600 لفة لكل دقيقة بيكون الاستهلاك من 4.5 - 4.9 l/100 بدون استخدام التكييف واحيانا مع التكييف والظروف الاخري مثل اتجاه الريح يصل الاستهلاك ل 5.8 l/100 اما اذا رفعت السرعة ل120 او 130 بيبتدي الاستهلاك يرفع ل 6.5 l/100 اما في حالة مابعد 130 حتى ال160 يصل الاستهلاك ل 7.5 ل7.9 l/100 وده اخر ماوصلت ليه كان عند حوالي 4100 لفة في الدقيقة بصراحة انا مستريح جدا لاستهلاكها للبنزين على عكس اللي كان بيتقال ومن الاخر الاستهلاك بيعتمد على طريقة القيادة يعني انا بحاول استهلك كل دفع موجود بالسيارة من خلال استهلاك السرعة المكتسبة عند الدخول على المطبات البعيدة او الملفات البعيدة تصل لكيلو متر كامل او اكتر وفصل فرامل الموتور مع العلم ان السيارة اوتوماتيك بوضعها على الوضع n قبل الملف او المطب بفترة طويله جدا ومع ذلك بحتاج لفرامل عند الملف او المطب معنى كده انها كان في استعداد لمسافة اطول وكذلك عند الاشارات بفصل الوضع d

**moh2015** · 21-01-2012 02:05 PM

يا جماعه انا معايا برسونا 2012 عامل بيها 400 كيلو و مبعديش 3000 لفه و مبعديش سرعة 90
و اغلب مشاويري في الزحمة
فولت و مشيت 100 كيلو و رجعت فولت تاني خدت 18 لتر
تفتكرو ايه التفسير

**SonaSteel** · 21-01-2012 02:47 PM

المشاركة الأصلية كتبت بواسطة eng.geo

عفوا :)
طاب انا عايز أفرق بين حاجتين
في حاجة اسمها تسارع ... وده اللي مسؤل عنها هو ال torque
وفي حاجة أسمها سرعة .... وده مسؤل عنها ال horse power
شوف ال curve ده

ال curve الأحمر بتاع ال torque
شوف كدة ال max بتاعه فين ! .... تقريبا مخرج 270 nm عند 2300 rpm
شوف بقي ال curve قبل وبعد النقطة ده بيحصله أيه
قبله ال torque قليل وبيزيد
بعد بيقل
torque بيقل يعني تسارع بيقل والعكس صحيح
كمل كدة ال curve لغاية 4000 rpm وشوف ال torque كام وال power كام
هتلاقي أن ال torque اللي خارج عند 4000 هو هو زي اللي خارج عند 1500 rpm
يعني تسارع قليل جدا بالنسبة للماكس بتاع العربية
بس بص لل power
هتلاقي ان ال power عند ال max
يعني العربية جابت أخر سرعة عند الغيار ده بس من بعد ال max torque ال تسارع بيقل
يعني سرعة بتزيد بس بتسارع قليل
طاب هو أيه الصح عشان تاخد أفضل تسارع ؟
انك تحرق بس بفن :)
يعني انت عايز تحرق عشان تجمع سرعة بسرعة
مش تجمع سرعة ببطء وفي نفس الوقت تكون في الغيار اللي بعده عن rpm قريب من ال max torque عشان ماتتطرش تستني لما توصله عشان تاخد أكبر تسارع
يعني في ال curve اللي انا حاطه ده أفضل نقل مع أحسن تسارع هيبقي عند 3000 rpm تقريبا
كدة انت خدت أحسن تسارع وقعدت شوية صغيرين بتسارع قليل بس خدت بيهم سرعة ... وفي الغيار اللي بعده هتكون عند 2200 rpm تقريبا ... يعني جبن ال max torque
كل عربية وليها ال curve بتاعها
وكلهم غير ال العربيات التربو
التربو حاجة تانية شوية
انت معاك max torque ده مش نقطة .... ده خط
زي كدة مثلا

ماشاء الله ........... رد ممتاز ماشاء الله
ربنا يعزك ياهندسة و يبارك في عمرك
انا بعد اذنك هاكتبلك مواصفات الصني وقلي مقارنة الشاراتات ديه ايه ظروفها مع النقلات والغيارات
وازاي الmax tourqe خط مش نقطة ؟
انا فهمت بس عايز فعـــــــــلي :))
معلش هاتعبك معايا :))
الحد الأقصى للقدرة حصان/دورة في الدقيقة = 118/6,000

الحد الأقصى للعزم (كجم – م / دورة في الدقيقة) = 16.5/4,000

واقعد بالعافية :d :d

**moh2015** · 21-01-2012 06:24 PM

المشاركة الأصلية كتبت بواسطة moh2015

يا جماعه انا معايا برسونا 2012 عامل بيها 400 كيلو و مبعديش 3000 لفه و مبعديش سرعة 90
و اغلب مشاويري في الزحمة
فولت و مشيت 100 كيلو و رجعت فولت تاني خدت 18 لتر
تفتكرو ايه التفسير

يا جماعة حد يرد عليا

**SonaSteel** · 21-01-2012 07:14 PM

المشاركة الأصلية كتبت بواسطة Eng.Geo

الله يخليك :)
انا كان عندي صني 2008 مانيوال علي فكرة
ده ال curve بتاعها

كود الموتور
QG16DE
زي مانت شايف هما عاملين حركة ... بتبقي في الغالب بتاعة الناس بتوع ال map tuning
ال ecu بتاع الموتور بيقدروا يتحكموا فيه بدل ما يخرج العزم كله بدري وبعدين الموتور يموت بعد كدة .... بيخلوا العزم مايجيبش ماكس بدري ويفضل يعمل زيجزاج بسيط
انت الماكس عندك بالظبط عند 4400 علي الchart ده
شوف بعده بيحصل أيه ؟ ... التورك مقلش كتير زي ال chart اللي انا كنت حاطتها في الأول
بس من عند 6000 بيقع خالص
يعني انت لو نقلت علي 4000 حلو جدا
عايز تشد وتنخ العربية ده ( وانا قاصد تنفخ ده ) يبقي انقل عند 6000 ... بس ماتخشش red zone
العربية ده جامدة جدا
علي فكرة ال 118 حصان دول مش ال net hp
ال net بتوعها 109 حصان
ال 118 دول اسمهم gross hp
بالنسبة لأن ال max بقي خط بدل نقطة مع التربو
مش أحنا قلنا أن كل ما ال rpm زاد كل ما أدي لأستهلاك بنزين زيادة ؟
يبقي أحسن عربية هي اللي تجيب torque كبير جدا عند rpm قليل جدا
يعني تدوس سنة بنزين تلاقي العربية طارت
بس المشكلة فيما بعد ال max
يعني الmax لو بقي عند 2000 ورجع يقل تاني تبقي مشكلة
هنا بقي التربو كان الحل
هو بيزود ال volumetric efficiency بتاعة الموتور
فبد مثلا ما يبقي ال max بتاع العربية 150 nm عند 4000 rpm
هيبقي 200 nm عند ( من 2000 rpm ل 4000 rpm )
200 nm يعني تسارع كبير جدا
وهيبقي من 2000 ل 4000 ثابت
مش هيقل
كدة انت لو عايز تمشي eco يبقي تنقل مثلا عند 3000 rpm ... كدة عندك تسارع كبير جدا وبتوفر في البنزين ... لأنك في الغيار اللي بعده هتكون عند 2000 .... يعني لسة بتاخد أقصي عزم من الموتور
حبيت تشد
يبقي تنقل عند 4000 rpm وعينك ماتشوف اللا النور :)

وادي راسك ابوسها ياهندس

......... زي ما اكون عطشاااااان وشربت :))
انا كحسين اتبسطت من الرد الجميل و حتة التربو جت في وقتها ........ انت برونس ماشاء الله عليك
ومااشاء احترمت العربية سيكا كمان هاهاهاهاها
ياريت لو تنور صفحة المنتدي علي الفيس هاتعمل شغل عالي :))) ان شاء الله
ممكن سؤال بقي ....... انا مبسوط ومش عايز اسيبك
بالنسبة لل4400 ولا 4000 ده يعتبر حرق؟
يعني انا معظم مشي كده 3500 -4000 ...... مش بنقل قبل كده ده غلط علي الماتور ولا عادي ولو اتعودت علي كده ايه اللي يحصل
حبيييييييييييييبي ..... ازرفني بالتقايل بقي هاهاهاهاها

واقعد بألف عافية :))

-

-

الموضوع: أستهلاك البنزين و كيفية التحكم فيه في الجين 2

LinkBack

أدوات الموضوع

عرض

أستهلاك البنزين و كيفية التحكم فيه في الجين 2 - انشر الموضوع فى :

-

-

-

-

المواضيع المتشابهه

كيفية تعرف وحدة التحكم الألكترونى على حرارة الهواء وماء التبريد أثناء الحريق

البنزين بقي يتشفط من بعد أزمة البنزين .. أستهلاك عالي ... حد بيحصل عنده كدة ؟

أستهلاك الجين 2 للبنزين ... مفيد جدا إن شاء الله .

كيفية التحكم في تعويم السيارة Oversteer & Understeer

أستهلاك البنزين في Gen 2

الكلمات الدلالية لهذا الموضوع

المفضلات

المفضلات

ضوابط المشاركة