كليو 2002 1200cc ولا جوليت 99 1500

كليو 2002 1200cc ولا جوليت 99 1500
انهى واحده افضل محتار بين الاتنين دول ومش عارف اختار الجوليت قطع غيارها مرميه فى كل حته بس مشكله الشنطه واعتماديتها مش قويه زى الرينو واستهلاك بنزين اعلى من الكليو بس شكل احسن من الكليو و اوسع شويه من الكليو خصوصا ان انا طويل بس انا خايف من الكليو من قطع الغيار ناس بتقول مش متوفره او لو موجوده غاليه وناس بتقول موجوده كتير وناس كتير بتفهم فيها وكمان تكيف الجوليت اقوى من تكيف الكليو بس الكليو جرايه شويه عن الجوليت انا اتكلمت فى حاجات كتير وطولت بس دى حيره والله مش عارف ساعدونى لو سمحت بئى :flower4u:

حدد انت عاوزها شبابية ولا عائلية؟؟؟
عاوز قطع الغيار متوفرة و رخيصة و لا متوفرة و اغلى حاجة بسيطة؟؟؟

خدلك لفة ف قسم الرينو و شوف اسعار قطع الغيار

انا عاوزها شبابيه مش مهم عائلى دى اوى انا لسه مش متجوز بالنسبه لقطع الغيار انا عاوزها تكون متوفره لو غاليه شويه بس متوفره لان عارف ان الغالى عمره اطول شويه انا بلف فى كل حته وعاوز رائ الناس الخبره بئى فى دى ودى

اقتباس:

---

المشاركة الأصلية كتبت بواسطة bedo_15

انا عاوزها شبابيه مش مهم عائلى دى اوى انا لسه مش متجوز بالنسبه لقطع الغيار انا عاوزها تكون متوفره لو غاليه شويه بس متوفره لان عارف ان الغالى عمره اطول شويه انا بلف فى كل حته وعاوز رائ الناس الخبره بئى فى دى ودى

---

شبابية تبقى الجوليت طبعا، وقطع غيار متوفرة الجوليت برضه

اقتباس:

---

المشاركة الأصلية كتبت بواسطة sehsss

شبابية تبقى الجوليت طبعا، وقطع غيار متوفرة الجوليت برضه

---

:vctry::vctry::vctry:

عارف إني برد متأخر وعارف إن أي حد هيقول علشان معاك الكليو لكن بصراحه مفيش وجه مقارنه بين الكليو والجولييت أصلاً
أولاً الكليو عربيه محترمه بمعني الكلمه
ثانياً ثبات العربيه ممتاز جداً
إعتمادية قطع الغيار معروفه عنها
قطع الغيار متوافره بشكل جامد جداً وإنزل الحرفيين وإنزل شارع دمشق وإنزل التوفيقيه وإنزل صقر قريش ............. مش عارف أقولك إنزل فين تاني وأسعار قطع الغيار متفاوته بين الأصلي من التوكيل ومن بره التوكيل وكمان التقليد اللي سعره يمشي حالك في الحاجات اللي مش مهمه قوي ومش مؤثره
موفره جداً في إستهلاك البنزين
عيوبها
1- التكييف مش قوي مش زي الياباني مثلاً لإن الموتور 1200
2- ضيق الكنبه الخلفيه في مقابل شنطه كبيره جداً

السلام عليكم
طبعا وبعد الفحص والكشف والاطمئنان للحالة أنصح باقتناء رينو كليو بلا شك، وده كلام عن تجارب مش تجربة وفعلا ركبت الجولييت وركبت 3 موديلات من الكليو سواء التركي أو الفرنساوي، الكليو تمشي شبابي وتمشي عائلي وكفاية حجم الشنطة ورحابة الصالون، عربية موتور 16 صباب سواء 1200 أو 1400 وتسارع محترم وثبات عالي في السرعات مع الاحتفاظ بارتفاعها عن سطح الأرض. أهم شيء عشان تفضل العربية معاك زيرو تتم صيانة الرينو عند فني متخصص رينو (مش توكيل أبدا) وأكرر ورشة متخصص رينو! وبإذن الله العربية هتريحك في الحل والترحال، وبالنسبة لقطع الغيار معقولة تماما (ليس كما يقال أنها غالية ونادرة) والدليل والبرهان بالأرقام وعناوين محلات قطع الغيار في كافة أرجاء المحروسة وبالتوفيق

جوليت افضل كا شاب