الموضوع: استفسار عن لاب توب

انا كمان محتار زيك بس نصيحة لوجه الله وعن تجربة لـHP DV4 وهو ساعتها كان اغلى حاجة في pavilion ابعد عن HP اوعى تفكر حتى مجرد تفكير فيه انا استخدامي لطيف جداً ومبخرجش بيه برا البيت كتير ومع ذلك النتيجة كانت السي دي روم ودع في اقل من سنة والضمان رفض تغييره رغم انه عيب عام في النوع ده ومشاكله موجوده عالانتر نت والبطارية حصلته على سنة بالظبط واترمت طبعاً سخونة لدرجة بشعة فوق 86 درجة وبيعديها لو مشغل لعبة وبيفصل لوحده والتوكيل بيقول دي طبيعته! ونتيجة السخونة في زراير المالتيميديا التاتش اللي فوق عملت زي وش السلندر لما تكب عليه مية ساقعة وهو سخن وشكلها بقى ضايع ،التاتش باد اتقشرت وحالياً توقفت عن العمل وشغال بالماوس ،الشاشة نفسها بقت ساعات بتقلب لون pink ظريف جداً ،واخيراً البصمة بتودع وبدأت تهنج كتير
علشان متقولش انا معذبه انا عندي لاب توب توشيبا من 2006 تقريباً وبطحنة طحنة الكلاب ومشحطته في المواقع اللي مليانة رملة وتراب وبسم الله ما شاء الله محصلوش ولا عطل حتى الآن وكل اجزاءه تعمل بكفاءة تامة مفيش غير البطارية اللي ضعفت ويقت بتشتغل ربع ساعة بس بعد 3 سنين استخدام طبيعي يحصل كدة
وكمان ليا اصحاب عندهم HP وشاشتهم اتحرقت واتغيرت في الضمان

انا حالياً بفكر في ديل او سوني بس اهم حاجة عندي السخونة لانها السبب في كل الكوارث

المشاركة الأصلية كتبت بواسطة tza

الاسوس هى الاقل اعطالا ويليها التوشيبا شوف الدراسة ده :
قد تكون الشركه جديده في السوق المصري لكنها معروفه عالميا و يشهد لها الكثير بجودة منتجاتها و توجد دراسه اجرتها شركة Square Trade و هي اكبر شركة ضمان مستقله للاجهزه الالكترونيه بالخارج و هو موفر الضمان الرئيسي للكثير من الشركات بالخارج من ضمنهم Amazon اجريت الدراسه علي ثلاثون ألف جهاز , و تم قياس كمية المرتجعات لكل شركه مصنعه خلال فتره و قدرها ثلاث اعوام و كانت ASUS اقلهم اعطالا . مصدر الدراسه : http://www.squaretrade.com/htm/pdf/S...ility_1109.pdf

فعلا اسوس من احسن مصنعين اللابتوب وخصوصا ال ZenBook الجديد اللي بينافس ال MacBook Air .. بس هو عيبه انه مش منتشر فعلا .. Acer برضه كويس جدا