حساس البنزين و قربة المياه للشيرى A11 long

**robien_hood** · 28-05-2008 02:18 PM

اخوانى الأعزاء دى اول مشاركه ليا رغم انى شيراوى من شنه و نصف ... المهم
انا عاوز اغير الحساس بتاع البنزين اشتريه منين غير التوكيل و هل ينفع حساس الأبيزا او توليدو عليه و كذللك قربة المياه ؟؟
علما بأن الحساس فى التوكيل ب 450 ج غير التركيب

**eng_mkhalaf** · 31-05-2008 07:48 AM

بس يا باشا مبروك أنضمامك لأعضاء الشيرى :)
حساس الأبيزا يركب ونص يا باشا وممكن تجيبة جديد وسعرة معرفشى او مستعمل بحوالى 125 إلى 175 جنية أنت وشطارتك - قربة المية مش مشكلة قوى بس حاول تجيبها جديدة
بس تعالى قولى هو حساس البنزين باظ لية والأعراض إللى أنت حاسس بيها إية الأول - علشان فى التوكيل يقلولك غيرة وكمان إللى أنا عارفة أنت لسة فى الضمان - ممكن شرح أكتر

**robien_hood** · 31-05-2008 04:17 PM

يا باشا انا متشكر جدا لحضرتك على الرد ... أولا أنا خرجت من الضمان ثانيا فى التوكيل قلولى اغير علشان عداد r.p.m دائما عالى فوق 2000 و بعدين نضفوه اكتر من مره و بعدين يتعدل شويه و يرجع تانى يعلى فقالو أغيره احسن و القربه فيها شرخ بس مش عاوز الحمها

**robien_hood** · 01-06-2008 01:54 AM

يعنى دائما عداد rpm فوق 2000 و بتنزل احيانا ل 800 وده هو الطبيعى فيها و بعدين ترجع تانى تعلى و ده بالطبع بيستهلك بنزين اكتر غير ان العربيه مش بتكون سلسه تحت رجلك المهم هما حاولو يصلحوه اكتر من مره بس مافيش فايده بيعلى برده rpm بعد فتره فقلت اشوف حساس التوليدو او الأبيزا لو يركب اركبه احسن ؟ ولا حضرتك ليك رأى تانى

**eng_mkhalaf** · 01-06-2008 07:11 PM

بص يا حاج روبن - فعلا هية دية أعراض عقلة الأصبع وإللى أسمة حساس البنزين حتة حديدة ملهاشى لازمة :) - أنا من رائى خليك فى التوكيل وسيبك من المستعمل لأن أنا ممكن أجيب فانوس أو كرتيرة أو كبوت وأكصدام أستيراد لكن شغل الحساسات دة لازم يبقى جديد لانج من التوكيل علشان وجع الدماغ وزى ما يبقولو خبطة بالمرزبة ولا عشرة بالشاكوش

**robien_hood** · 02-06-2008 01:39 AM

يا باشا انا عمرى مباحط اى قطعة غيار استعمال نهائيا فى اى عربيه اركبها دى أول حاجه ثانيا: انا قصدى جديد بس بتاع توليدو أو ابيزا و شكرا ياباشا على الرد و اهتمام حضرتك

**moustafamoussa** · 18-11-2008 06:54 AM

المشاركة الأصلية كتبت بواسطة robien_hood

يا باشا انا عمرى مباحط اى قطعة غيار استعمال نهائيا فى اى عربيه اركبها دى أول حاجه ثانيا: انا قصدى جديد بس بتاع توليدو أو ابيزا و شكرا ياباشا على الرد و اهتمام حضرتك

اهو دة كلام الناس العاقلين