يا جماعه حد يساعدنى ازاى اقيس زيت الفتيس

السلام عليكم
عندى كورسا 99 فيها موتور 1200
نزلت زيت الفتيس كله من خلال الكارتيره
و مش عارف بياخد كام كيلو - بتاع الزيت قالى 2 كيلو وواحد تانى قالى 3
ياريت حد يقولى بيتقاس ازاى وايه رايكم فى زيت موبيل
برجاء المساعده وشكرا

وعليكم السلام ورحمه الله وبركاته..
-مش عارف الكورسا بتاخد كام كيلو بس الفيكترا بتاخد 3 كيلو الا ربع ال1600 سي سي
-حضرتك في طبه فوق الكارتيره من الجنب اسمها طبه البيان وهي عباره عن مسمار 13
المفروض ان حضرتك بعد ماتفضي الزيت من الكارتيره وتركبها تاني ,تحط الزيت من فوق
(هتلاقي غطا بلاستيك اسود مدور فوق عقربه الفتيس تحت البطاريه) فكه واملا الزيت منه
-المعيار الصحيح انك لما تفك طبه البيان تنزل نقطتين زيت كده لا اكثر ولا اقل يعني منسوب الزيت لغايه الطبه دي بالظبط لا يقل ولا يزيد ..تحياتي

الف الف شكر يا استاذ فادى
على فكره انا ساكن فى دمياط الجديده
كنت عاوز ابيع العربيه وعاوز اعرف سعرها
العربيه كورسا 99 موتور 1200 سنتر- انزار- بور كهربا- عداد ار بى ام -تكييف محتاج يتعمل له قاعده علشان يتركب-العربيه فابريكه جوه ورشه بعض اجزاء بره عدا السقف طبعا
العربيه بجد حلوه وموتورها ممتاز
فى انتظار ردك

فى انتظار ردك

اهلا بابن بلدي ....
هي تعمل من 32 الي 35 الف
بس انت عاوز تبيع ليه طالما العربيه مريحاك ؟؟

اهلا بيك - سعيد بمعرفتك
قدامى عربيه تانيه كورسا برده موديل 2000 فيها موتور 1400 وتكييف باور سنتر انظار فرامل abs جنوط 14
شايف انها احسن - ايه رايك؟

بالتاكيد احسن بمراحل ..
ركبت واحده بنفس المواصفات دي
موتور 1400 اوروبي كانت جايه من بره
مع واحد جاري لونها سماوي بس صاروخ جري
ربنا يوفقك للافضل ,تقبل تحياتي

ربنا يكرمك
على العموم لو تعرف حد عاوز يشترى ممكن نتقابل وتشوف العربيه.
والله المستعان

والله استاذ يا مستر فادى

عندى مشكله محيرانى
البنزين بيعلى احيانا بين الغيارات "يعنى اول مدوس دبرياج" مش عارف حله ايه
مع العلم ان لمبه التشك مش بتنور "يمكن نورت كام مره كده لكن اطفى العربيه ودوررها بتبقى الدنيا تمام"
رحت لواحد قالى طالما مفيش لمبه بتنور على طول يبقى ملوش لزمه الكمبيوترخلينا ننظف البوابه والحساسات ونظفهم ومفيش جديد
ياريت تساعدونى بخبراتكم
وشكرا.....

طبيعي ماتقلقش لو لقيته علي سنه صغيره او الار بي ام (لو كان عندك) لقيته وقف فوق ال1 ار بي اثناء فصل الغيار
سالت قبل كده في الوضع ده كبير قسم الدايو ومستشار الورشه م محمد ممدوح ..وقاللي ان مالوش تفسير علمي اكتر من انه طبيعي..

لا ده ممكن يوصل 3 ار بى ام ويفضل مده حوالى تقريبا يعنى 30 ثانيه وبعد يرجع طبيعى
او يرجع اول مشيل رجلى من على الدبرياج
حاجه تجنن.....

.................................................. ......................
عندى مشكله محيرانى
البنزين بيعلى احيانا بين الغيارات "يعنى اول مدوس دبرياج" مش عارف حله ايه
مع العلم ان لمبه التشك مش بتنور "يمكن نورت كام مره كده لكن اطفى العربيه ودوررها بتبقى الدنيا تمام"
رحت لواحد قالى طالما مفيش لمبه بتنور على طول يبقى ملوش لزمه الكمبيوترخلينا ننظف البوابه والحساسات ونظفهم ومفيش جديد
ياريت تساعدونى بخبراتكم
وشكرا.....
.................................................. ..................
يا جماعه الموضوع ده اصبح مسبب لى مشكله وخصوصا لو ماشى فى زحمه
مع العلم ان مفيش مشكله فى الحساسات ولا حتى فى الواير بتاع البنزين

يا اهل الخبره
شباب الاوبل
مستنى ردودكم

حساس التي بي اس او الايديال كونترول
هما ممكن يضعفم ويعملوا مشاكل من غير لمبه التشيك ماتنور
لازم تجرب حساس تاني لو المشكله اتحلت تبقي المشكله فيه
طبعا هتجرب من حد بتاع قطع غيار استيراد من غير ماتشتري

شكرا يا باشا هجرب واكيد هرد عليك
لو ممكن سعرهم استيراد فى حدود اد ايه

وهل فيه مواضيع مصوره لكيفيه فك الحساسات دى

الحساس بيتفك بسهوله
اول حاجه بتفك كابل البطاريه
اي حساس له فيشه بتشدها بعد ماتحررها من اللوك بتاعها (الغفير)
بتفكه من مساميره اللي غالبا بتبقي الانكيه نجمه