عاجل للاهميه انا مواطن مصري
انا مواطن مصري اتساق من اول ماتولد زي الحمار ولا بلاش احسن الحمار يزعل اولا خش يا حبيبي المدرسه واتعلم عشان العلام هو اللي هينفعك واحشي دماغك باي كلام وبعدين يبداء اول بوعبوع في حياتك الامتحانات واوعي تسقط وبعدين تكبر شويه وخد ياحبيبي شهادتك طبعا بعد ما تستشهد في الثانويه العامه وبعدين اخدم وطنك وخش الجيش وحب الوطن فرض عليا افديه بروحي وعنيا وبعدين دور علي شغل واقبض سته جنيه في الشهر ما ياكلوش خروف برسيم وبعدين دور علي عروسه واوضه فوق اي سطح وخلف عيلين وضاع العمر يا ولدي وتعرف معني الحياه لما تقابل وجه كريم
ملحوظه
الحاله دي متخصنيش لكن نموذج منتشر جدا في ام الدنيا