يا جماعة انا بكرا هروح توكيل رينو اللي في المقطم وانا موجود في السواح حاليا
ممكن حد يدلني علي احسن طريق للمقطم الله يكرمكم
عرض للطباعة
يا جماعة انا بكرا هروح توكيل رينو اللي في المقطم وانا موجود في السواح حاليا
ممكن حد يدلني علي احسن طريق للمقطم الله يكرمكم
اطلع على كوبرى القبه و خد الكوبرى و انزل عند الفنيه العسكريه فى اتجاه ارض المعارض و ماتطلعش كوبرى الفنجرى و من جنبه يمين على صلاح سالم .... خليك فى اقصى اليمين و ما تطلعش اكتوبر ... هتطلع كوبرى صغير هيعديك من تحت كوبرى اكتوبر و تكمل و امسك شمال ... هتطلع كوبرى الفردوس و تكمل جنبك مسجد الشرطه و خليك ماسك شمال هتعدى من جنب منزل نفق الازهر و انت طوالى ... صلاح سالم هيلف بيك شمال و بعديه يمين تحت القلعه ... طلعة المقطم على شمالك و فى اشاره ... مش متأكد من هناك شمال مسموح ولا لأ بس ممكن لو لأ تاخد يوترن و ترجع على المطلع ... معرفش فين توكيل رينو :)))
جزاك الله خيرا استاذ محمد علي مساعدتك
انا الحمدلله لسه حالا واصل توكيل رينو المقطم و انا شغلت ال جي بي اس في الآي فون و مشيت معاه و وصلت بحمدالله
انا اخدت الطريق من ناحية اشارة روكسي و طلعت كأني رايح الخليفة المأمون و اخدت اول شمال ناحية صلاح سالم و مسكت في عمي صلاح سالم لغاية ما وصلني للمقطم
انا منتظر حاليا علي بوابة التوكيل عند بتاع الأمن لان الوقت لسه بدري و الناس لسه مجتش
مرة تاني متشكر لحضرتك
هو طبعا فى طرق كتير و ممكن يكون اقصر بس الواحد لما يوصف بيختار اسهل وصف حتى لو اطول سنه عشان محدش يتوه ... يا رب الصيانه تكون اتعملت كويس :)
في طريق تاني تطلع كوبري القبة وبعدين الفنجري وبعدين حتعمل يو ترن وتدخل شارع المخيم الدائم
كأنك طالع التجمع شويه وحتلاقي بنزينة وطنيه وبعدها ناصيه مقابر حتاخد الطريق ده بقيت في المقطم
امشى علطول لغايه ماهتلاقى دخله المقطم على يمينك
خش فيها وخليك ماااشى وادخل اول يمين بعد الوحده العسكرية
لو تهت خش على الموقع ده ..متخصص للمقطم دليل المقطم